Surendra Pathare

पुणे–शिरूर उन्नत महामार्ग प्रकल्प हा पूर्व पुणे, शिरूर तसेच अहिल्यानगर आणि मराठवाडा परिसराच्या विकासाला नवी दिशा देणारा ऐतिहासिक प्रकल्प ठरणार आहे. वाढती वाहतूक, नागरिकांचा प्रवासातील वेळ आणि भविष्यातील गरजा लक्षात घेऊन उभारण्यात येत असलेला हा देशातील सर्वांत मोठ्या उन्नत महामार्ग प्रकल्पांपैकी एक आहे.

या प्रकल्पामुळे पुणे ते शिरूर प्रवास अवघ्या ४५ मिनिटांत पूर्ण होणार असून वाहतूक कोंडी कमी होण्यास मोठी मदत मिळणार आहे. तसेच व्यापार, उद्योग, रोजगार आणि दळणवळण व्यवस्थेला मोठी चालना मिळणार आहे. रामवाडी ते वाघोली मेट्रो मार्ग आणि दुमजली उड्डाणपूल यामुळे भविष्यातील आधुनिक व सक्षम वाहतूक व्यवस्थेचा मजबूत पाया तयार होणार आहे.

सर्वसामान्य नागरिकांचा प्रवास अधिक सुरक्षित, जलद आणि सुलभ करण्यासाठी तसेच विकासाची गती अधिक वेगवान करण्यासाठी शासन कटिबद्ध आहे. पायाभूत सुविधांच्या माध्यमातून नागरिकांचे जीवनमान उंचावणे हाच विकासाचा खरा उद्देश आहे.