Christ For All Ministries- Pune

*ह्याप्रमाणे नामी आपली सून मवाबी रूथ हिला घेऊन मवाब देशातून परत आली; त्या दोघी बेथलेहेमात आल्या तेव्हा सातूच्या हंगामास आरंभ झाला होता.*
रूथ 1:22

देवाची वेळ ही परिपूर्ण असते.

गरजवंत विधवा नामी आणि तिची सुन रुथ या दोघी जणी अन्नाची उपलब्धता होईल अशा समयी त्या मवाब देशाहून बेथलेहेम येथे परतल्या. तेव्हा सातूच्या हंगामास आरंभ झाला होता.

कापणीच्या वेळी शेतातील सर्व पीके काढून न घेता काही उत्पन्न गोरगरीबांसाठी ठेवावे हा देवाचा नियम होता आणि त्या मुळेच त्यांना ते अन्न गोळा करण्याची संधी मिळाली अशासाठी की त्यांना अन्नाचा पुरवठा व्हावा.

आणि खरोखरच हि देवाची परिपूर्ण वेळ होती कारण हंगामाच्या काळात बवाज नियमितपणे आपल्या शेतीकडे जात असे. आणि यामुळेच रूथ आणि बवाज यांची भेट झाली, त्यांच्या नात्यात वाढ झाली आणि शेवटी त्यांचा विवाह झाला.

परमेश्वर देव वेळेचा मालक, गुरू, प्रधान आहे.

त्याच्या योजना नेहमीच घडून येतात—ना एक क्षण आधी, ना एक सेकंद उशीरा. योग्य त्या वेळी तो त्याची परिपूर्ण इच्छा पूर्ण करतो. त्याच्या योजनेत कोणीही अडथळा आणू शकत नाही, अगदी तारणाच्या योजनेतही नाही.

*परंतु काळाची पूर्णता झाली, तेव्हा देवाने आपल्या पुत्राला पाठवले; तो स्त्रीपासून जन्मलेला, नियमशास्त्राधीन जन्मलेला असा होता.*
गलतीकरांस पत्र 4:4

आमेन!
🙏🏻🙏🏻🙏🏻