Yuvraj Beldare

📌 जांभुळवाडी तलावाच्या सांडव्यावरील पुलाचे काम होणार म्हणजे होणार !

दोन दिवसांपूर्वी मी मा. कार्यकारी अभियंता, खडकवासला पाटबंधारे विभाग यांची भेट घेऊन जांभुळवाडी तलावाच्या सांडव्यावर येण्या जाण्यासाठी सध्याला अस्तित्वात असलेल्या अरुंद आणि धोकादायक पुलाचे विस्तारीकरण व नवीन रुंद १८ मीटर करण्यासाठी अडसर ठरलेला प्रस्ताव सुधारणा करून. सदर आवश्यक जागा तात्काळ पालिका प्रशासनास हस्तांतरित करून द्यावी. यासाठी विनंती केली.

पाटबंधारे खात्याने चुकीच्या पद्धतीने प्रस्ताव रोखून धरून, पालिकेकडे पुलाच्या जागेच्या बदल्यात मासिक भाड्याची मागणी केलेली असून, नागरी हिताच्या दृष्टीने अत्यंत चुकीचे आहे. हा खोडा या परिसरातील नागरिकांच्या धोकादायक वाहतुकीस पर्याय नाही. सदर पुलासाठी पालिका प्रशासनाने विशेष निधी उपलब्ध करून दिला असून, नवीन पूल लवकरात लवकर सुरु करण्यासाठी मी पाठपुरावा करण्यासाठी तगादा लावून असेल.

आपलाच युवराज बेलदरे

📌 राजमाता भुयारी मार्ग, रुंदीकरण

मी गेल्या १० वर्षांपासून या विकासकामाठी मेहनत खर्ची घातली, कित्येक अशक्य कामे प्रत्यक्षात उतरवली. मात्र राजमाता भुयारी मार्गाच्या विस्तारीकरणाच्या कामात सतत अडसर येत. NHAI ला याच गांभीर्य सुरुवातीपासूनच नव्हते. त्यांना फक्त हाताचे मुख्य काम उरकून पळ काढायचा होता.

मी यावरती तोडगा काढत सबंधित NHAI अधिकारी नाईक मॅडम यांना उपलब्ध १० कोटी रुपयांचा निधी पुणे मनपाकडे वर्ग करण्याची विनंती केली, सदर निधीच्या माध्यमातून पुणे महानगरपालिका राजमाता भुयारी मार्गाच्या विस्तारीकरणाचे काम तत्काळ करेल, याचा प्रस्ताव देखील, मा. आयुक्त पुणे मनपा यांना काल निवेदन देऊन केला. आयुक्तांनी याबाबत सहमती दर्शवली आहे. लवकरच निधी वर्ग झाल्यानंतर, निविदा प्रक्रिया पूर्ण करून कामास सुरुवात होईल.

१८ मीटर रुंदीचा भुयारी मार्ग नक्कीच भारती विद्यापीठ परिसर -दत्तनगर परिसरातील वाहतूक कोंडी सोडवण्यास मदत करेल.

आपलाच युवराज बेलदरे

📌 नालेसफाई

नुकताच गेल्या आठवड्यात अवकाळी पावसाने संपूर्ण पुणे शहराची दैना उडवून सोडले. दरवर्षी कोट्यावधी रुपयांचा निधी शहरातील नाले सफाई, ड्रेनेज, पावसाळी वाहिन्या साफसफाई करण्यासाठी मंजूर असतो. मात्र निष्काळजी अधिकारी आणि कामचुकार ठेकेदार यांचा नको ते प्रकार करण्यावरती जोर असतो.

यावरती अंकुश ठेवत, मंजूर निधीचा योग्य वापर करून प्रभागातील डोंगर उतारापासून सुरू होणाऱ्या ओढ्या नाल्यांचे प्रमाण जास्ती आहे. त्याची योग्य सफाई होणे गरजेचे आहे. त्याबाबत आज सबंधित यंत्रणेला प्रत्यक्ष अडथळा असणाऱ्या जागेवर जाऊन सूचना दिल्या. कामास गती देऊन प्रवाह योग्य झाल्यास, पुरासारखी परिस्थिती उद्भवणार नाही.

आपलाच युवराज बेलदरे
(नगरसेवक २०१७-२०२२)

📌 अतिवृष्टीमुळे भयंकर नुकसान...!

प्रभागातील हनुमानगर याठिकाणी अतिवृष्टीमुळे डोंगर उतारावरती लँड स्लाइड होऊन संरक्षक भिंत कोसळली, काही घरांचे नुकसानीसोबत, अनेक वाहने चिखलाखाली दबली गेली आहेत. कोणत्याही प्रकारची मनुष्य नुकसान झालेले नसून, नक्कीच स्थानिक नागरिकांच्या सुरक्षिततेचा प्रश्न निर्माण झाला आहे.

याठिकाणी पाऊस उघडल्यानंतर तत्काळ प्रत्यक्ष घटना स्थळी जाऊन पाहणी केली. पुणे मनपा आपत्ती व्यवस्थापन अधिकाऱ्यांना तसेच फायर ब्रिगेड यांना तत्काळ उपयोजना करण्यासाठी सूचना केलेल्या आहेत.

प्रभागातील नागरिकांना सूचना आपल्या भागात अशा घटना घडल्या असल्यास तत्काळ कळवावे, प्रशासनाला योग्य उपाययोजना करण्यात येतील.

आपलाच युवराज बेलदरे