PD Technology - 19

आज तारीख ११ मार्च २०२५.
बरोबर ३३६ वर्षांपूर्वी क्रूरकर्म्या औरंग्याने छत्रपती संभाजी महाराजांची निर्घृण हत्या केली.
हा तोच दिवस.
जेधे शकवलीतील नोंद अशी: फाल्गुन वद्य ३० इंग्रजी तारीख ११ मार्च १६८९ औरंगजेबे तुलापुरी संभाजीराजे व कवि कलश यांस जीवे मारून शिरच्छेद केला. न्यायप्रिय व धोरणी प्रशासक, युद्धकुशल, रणनीती धुरंधर, स्वराज्यरक्षक छत्रपती संभाजी महाराज यांचा आज स्मृतिदिन. शौर्य, निष्ठा आणि विद्वत्तेचा अद्वितीय संगम असणाऱ्या साहित्यप्रेमी छत्रपती संभाजी महाराज यांनी संस्कृत, मराठी, हिंदी, फारसी, अरबी अशा अनेक भाषांवर प्रभुत्व मिळवून ‘बुधभूषण’ हा संस्कृत ग्रंथ लिहिला आणि त्याचबरोबर ‘नखशिख’, ‘नायिकाभेद’, ‘सातसतक’ हे हिंदी ब्रिज भाषेतील अनमोल ग्रंथही रचले. अशा महापराक्रमी, प्रकांड पंडित, स्वराज्यरक्षक छत्रपती संभाजी महाराज यांना स्मृतिदिनी विनम्र अभिवादन ! स्वराज्याच्या रक्षणासाठी आपल्या प्राणाची आहुती देणाऱ्या स्वाभिमानी छत्रपतींना मानाचा मुजरा !

#छत्रपती_संभाजीराजे #विनम्र_अभिवादन #स्वराज्याचाछावा 🙏🏼🚩 #संभाजीमहाराज