Babus Laxminarayan Best Chiwda

समाजातील गुणी कलाकारांना प्रोत्साहन मिळावे आणि त्यांचा गौरव व्हावा, या सद्हेतूने 'बाबूज् लक्ष्मीनारायण बेस्ट चिवडा' हे 'बाबूलाल डाटा कलागौरव पुरस्कार' प्रदान करतात. यंदाचे या पुरस्काराचे हे २ रे वर्ष! २०२६ चा 'बाबूलाल डाटा कलागौरव पुरस्कार' लोकप्रिय गायिका आणि गुणी अभिनेत्री केतकी माटेगावकर हिला सुप्रसिद्ध शास्त्रीय गायक रघुनंदन पणशीकर यांच्या हस्ते प्रदान करण्यात आला.

केतकीने 'शाळा', 'काकस्पर्श', 'तानी', 'टाईमपास' यांसारख्या मराठी चित्रपटांमधून आपल्या अभिनयाची छाप प्रेक्षकांवर सोडली आहे. तसेच तिने 'शाळा', 'तानी', 'टाईमपास', 'आनंदी गोपाळ' अशा चित्रपटांसाठी गीतगायनही केले आहे. ७ मे रोजी पुण्यातील यशवंतराव चव्हाण नाट्यगृह येथे रसिक प्रेक्षकांच्या उत्तम प्रतिसादात पार पडलेल्या कार्यक्रमात तिला हा पुरस्कार प्रदान करण्यात आला. 'मला आवडणाऱ्या चिवडा brand कडून आज माझा सन्मान होत आहे, ही अतिशय आनंदाची बाब आहे' असे केतकी म्हणाली. याप्रसंगी तिने सादर केलेली गाणी ऐकताना सर्व प्रेक्षक मंत्रमुग्ध झाले. 'पाश्चात्य संगीताप्रमाणे भारतीय संगीतप्रकारांचाही जगभर प्रसार व्हावा' अशी आशाही केतकीने या पुरस्कार सोहळ्यात व्यक्त केली.

'बाबूज् लक्ष्मीनारायण बेस्ट चिवडा' परिवाराकडून केतकीचे मनःपूर्वक अभिनंदन आणि तिला पुढील वाटचालीसाठी हार्दिक शुभेच्छा!

Snack emergencies, sorted.
With Babus Laxminarayan Best Chiwda