Adv. Satish Mulik

प्रभाग ५ मध्ये परिवर्तनाचा निर्धार ..चौक सभेतून विकासाचा एल्गार!

पुणे महानगरपालिका सार्वत्रिक निवडणूक २०२६च्या पार्श्वभूमीवर प्रभाग क्रमांक ५, वडगाव शेरी येथे शिवसेना (उद्धव बाळासाहेब ठाकरे) आणि काँग्रेसच्या अधिकृत उमेदवारांच्या प्रचारार्थ भव्य चौक सभा उत्साहात पार पडली. नागरिकांची मोठी उपस्थिती, कार्यकर्त्यांचा जोश आणि परिवर्तनाची आस यामुळे संपूर्ण परिसर भारावून गेला.

या सभेत शिवसेना उद्धव बाळासाहेब ठाकरे गटाचे ज्येष्ठ नेते आमदार भास्कर जाधव, आमदार सचिन अहिर आणि काँग्रेसचे ज्येष्ठ नेते मोहन जोशी यांनी सडेतोड मार्गदर्शन केले. त्यांच्या स्पष्ट, ठाम आणि विकासाभिमुख विचारांनी उपस्थित नागरिक व कार्यकर्त्यांमध्ये नव्या आशेचा, विश्वासाचा आणि लढ्याच्या आत्मविश्वासाचा संचार झाला. ही सभा केवळ भाषणांची नव्हे, तर लोकांच्या प्रश्नांना थेट ऐकून घेणारी, त्यांच्या अपेक्षांना वाचा फोडणारी आणि प्रभागाच्या सर्वांगीण विकासाची ठोस दिशा ठरवणारी ठरली. पाणी, रस्ते, ड्रेनेज, स्वच्छता, वाहतूक, आरोग्य व सुरक्षितता या मूलभूत प्रश्नांवर पारदर्शक आणि लोकाभिमुख कारभाराची ग्वाही देण्यात आली.

मशाल आणि हाताचा पंजा या चिन्हांना मतदान करून प्रभाग क्रमांक ५ मध्ये परिवर्तन घडवा.
विकास, पारदर्शकता आणि लोकांच्या हितासाठी एकजुटीने पुढे चला, असे भावनिक व ठाम आवाहन यावेळी करण्यात आले.

Aditya Shirodkar - आदित्य शिरोडकर
Sanjay More
Sushama Andhare
Sachin Ahir
Gajanan Tharkude

🚩 #वडगावशेरी #प्रभाग_क्रमांक_५