Green Birds Initiative

लोकाग्रहास्तव परत परत त्याच तळ्याकाठी सजग भटकंती!

५ जून या जागतिक पर्यावरण दिनानिमित्त ग्रीन बर्ड्स अभियानातर्फे आज ७ जूनच्या रविवारी सकाळी लकाकि तळे येथे बॉटनी तज्ज्ञ, अभ्यासक आणि निसर्गप्रेमींसमवेत लकाकि तळ्याकाठी सजग भ्रमंती केली.

चालता चालता वाटेत येणाऱ्या प्रत्येक वनस्पती, पक्षी यांची ओळख करून घेत भ्रमण मंडळ आगेकूच करत होते. हा सजग भ्रमंतीचा अनुभव कायमच आनंददायी, सुखदायी व ज्ञानात भर घालणारा असतो.

निसर्गाच्या सान्निध्यात कंटाळा या शब्दाला कधी स्थान नसतेच मुळी! कंटाळलेल्या मनाला ताजेतवाने करण्यासाठी निसर्गात भटकंती हा उत्तम पर्याय आहे. मात्र ती भटकंती डोळसपणे केलेली असावी.

#तळ्याकाठीसजगभ्रमंती
#जागतिकपर्यावरणदिन२०२६
#ग्रीनबर्ड्सअभियान
#हरितपृथ्वीसुंदरपृथ्वी

एका तळ्याकाठी सजग भटकंती....

५ मे ची रविवार सकाळ आम्ही निसर्गप्रेमींनी एकत्र येऊन मॉडेल कॉलनी तळ्याकाठी (लकाकि तळे) साजरी केली.

ग्रीन बर्ड्स अभियानाने प्रजाती विविधता अभ्यासता यावी म्हणून ही तळे भेट आयोजित केली होती. आयोजक व मार्गदर्शक म्हणून मी हे पुण्यातील मध्य वस्तीतील जैवविविधता उद्यान निवडले.

यावेळी तळ्याकाठच्या वनस्पती, तळ्यातील व काठावरील पक्षी आणि प्राणी जीवन न्याहाळत या नैसर्गिक पाणथळ परिसंस्थेचा सर्वांनी मनमुराद आस्वाद घेतला. शिवाय, काही ग्रीन वॉरियर्सने या भेटीत सहभागी होऊन हे तळे उद्यान घडवतानाच्या रोचक सत्यकथा कथन केल्या.

जैवविविधतेचे संगोपन केले नाही तर निसर्गात असमतोल निर्माण होऊन निसर्गाचा ऱ्हास उद्भवतो. निसर्गात संतुलन राखण्यासाठी जैवविविधतेकडे लक्ष देणे आवश्यक आहे.

हरित जीवनशैलीचा अंगीकार करण्याकरता पाणथळ परिसंस्थेची ही भेट प्रचंड महत्त्वाची ठरली.

©प्रिया फुलंब्रीकर

#नैसर्गिकसरोवर
#पाणथळपरिसंस्था
#हरितपृथ्वीसुंदरपृथ्वी

सर्वांना नमस्कार!

अलीकडे मोबाईलचे व्यसन मोठ्यांप्रमाणेच लहान मुलांना देखील लागलेले दिसून येते. लहान मुलांना लागलेले मोबाईल फोनचे व्यसन सोडवण्यासाठी 'आर्यनची गोष्ट' या बालकथेमधून काही उपाय सुचवले आहेत.

ही गेल्या वर्षी दिवाळी अंकामध्ये छापून आलेली गोष्ट आज ब्लॉग रूपातून आपल्या भेटीस आणली आहे.

स्नेहांकिता,
प्रिया फुलंब्रीकर

#आर्यनचीगोष्ट

आर्यनची गोष्ट *************** *************** *************** अलीकडे मोबाईलचे व्यसन मोठ्यांप्रमाणेच लहान मुलांना देखील लागलेले दिसून येते. विशेषतः क...