Swami Kitchen

कोबीचे भानोळ

*येत्या २६ जानेवारीला स्वामी किचन बंद होतंय, त्याच दिवशी संध्याकाळी आमचा प्रसिद्ध वडा इतिहासजमा होण्यापूर्वी, शेवटचा वडा खाण्यासाठी आपल्याला मनापासून आमंत्रण*

*मीरा- श्रीरंग*

🙏🏻🙏🏻🙏🏻🙏🏻

स्वामी किचन बंद होतंय

सात वर्षांची प्रचंड मेहनत, "शेठ" ही नवीन उपाधी, खुपसं समाधान, नवनवीन केलेले प्रयोग, मला "स्वामी" हे टोपणनाव, दगडी शाळेसमोरचा चौक म्हणजे स्वामी किचन चा चौक हे सगळं इतिहास जमा होतंय २६ जानेवारी २०१९ ला 😔.

काही वेळा चुकलेली आर्थिक गणितं, आराखडे, आयत्या वेळी जेव्हा खूप गरज असताना, न मिळू शकलेली आर्थिक मदत, कामगारांचे प्रश्न, वाढती महागाई यांचा मेळ घालण्यात आलेलं अपयश, यांमुळे हा निर्णय घेतलाय.

अर्थात काही मैत्रांनी पदरमोड करून मला अडचणीच्या वेळी मदत केली त्याबद्दल खरच मी कृतज्ञ आहे.

गाठीशी आलेल्या काही खूप सुंदर आठवणी, अनेक दिग्गजांनीं दिलेली स्वामी किचन ला भेट, सलग तीन वर्षे मिळालेले उत्कृष्ट वडापाव चे पारितोषिक, उत्कृष्ट पदार्थांना मिळालेली मान्यवरांची शाबासकी, असे अनेक मोलाचे क्षण माझ्या झोळीत जमा झालेत.

खोल गर्तेत बुडण्यापेक्षा थांबलेलं बरं नाही का??

नव्या दिशेने वाटचाल सुरू करायचं म्हणतोय, आपले आशीर्वाद आणि पाठबळ हे पाठीशी असेलच याची खात्री आहे.

भेटत राहूच

आपलंच
स्वामी किचन
श्रीरंग, मीरा

दिवाळी फराळ