THANIKKUDAM TEMPLE

🔱🔥വ്യാഘ്രപാദ മഹർഷി🔥🔱

പുരാണങ്ങളിൽ പരാമർശിക്കപ്പെട്ടിട്ടുള്ള ഈ മഹർഷി ഭഗവാൻ ശിവന്റെ പരമഭക്തനായി കരുതപ്പെടുന്നു. ചിദംബരം നടരാജ ക്ഷേത്രവുമായി ഇദ്ദേഹത്തിന് ആഴത്തിലുള്ള ബന്ധമുണ്ടെന്ന് പറയപ്പെടുന്നു. 'വ്യാഘ്രപാദർ' എന്ന വാക്കിന്റെ അർത്ഥം "പുലിയുടേതിന് സമാനമായ കാലുകളുള്ളവൻ" എന്നാണ് (വ്യാഘ്രം എന്നാൽ പുലി, പാദം എന്നാൽ കാൽ).
ഐതിഹ്യമനുസരിച്ച്, വ്യാഘ്രപാദ മഹർഷി ദിവസവും ശിവപൂജയ്ക്കായി വനത്തിൽ പോയി ഏറ്റവും മൃദുവായതും സുഗന്ധമുള്ളതുമായ പുതിയ പൂക്കൾ ശേഖരിക്കുമായിരുന്നു. എന്നാൽ താൻ എത്തുന്നതിനുമുമ്പ് തന്നെ തേനീച്ചകൾ പൂക്കളിലെ തേൻ നുകരുന്നത് കണ്ട് അദ്ദേഹം അതീവ ദുഃഖിതനായി. ശിവന് ഏറ്റവും ഉത്തമമായത് മാത്രം സമർപ്പിക്കണമെന്നതായിരുന്നു അദ്ദേഹത്തിന്റെ ആഗ്രഹം.
അദ്ദേഹത്തിന്റെ ഈ നിഷ്കളങ്ക ഭക്തിയിൽ പ്രസന്നനായ മഹാദേവൻ, അദ്ദേഹത്തിന് പുലിയുടേതുപോലെ മൂർച്ചയുള്ള നഖങ്ങളും ശക്തമായ കാലുകളും നൽകി. ഇതുവഴി അദ്ദേഹത്തിന് എളുപ്പത്തിൽ ഉയർന്ന മരങ്ങളിൽ കയറി തേനീച്ചകൾ തൊടാത്ത നിർമ്മലമായ പുഷ്പങ്ങൾ ശേഖരിക്കാൻ സാധിച്ചു. അദ്ദേഹത്തിന്റെ തപസ്സിലും സമർപ്പണത്തിലും സംതൃപ്തനായ ശിവൻ സ്വയം നടരാജ രൂപത്തിൽ പ്രത്യക്ഷപ്പെട്ട് അദ്ദേഹത്തിന് ദർശനം നൽകി. ഭക്തി നിഷ്കാമവും നിർമ്മലവുമാകുമ്പോൾ ദൈവം തന്നെ സാധകനെ ശക്തനാക്കുമെന്ന സത്യത്തിന്റെ പ്രതീകമാണ് വ്യാഘ്രപാദർ.

ॐ➖➖➖➖ॐ➖➖➖➖ॐ
#താണിക്കുടം_ഭഗവതി_ക്ഷേത്രം
#താണിക്കുടം









ॐ➖➖➖➖ॐ➖➖➖➖ॐ

ഈ വരുന്ന 14-ന് ആണ് നമ്മുടെ വിഷു വേല

നിങ്ങളുടേയും കുടുംബത്തിന്റെയും നിറസാന്നിധ്യവും, മുൻവർഷങ്ങളിൽ നൽകി വന്നിരുന്നതുപോലുള്ള സഹായസഹകരണങ്ങളും പ്രതീക്ഷിക്കുന്നു .....

താണിക്കുടം വിഷു സംക്രമ വേല 2026-നോടനുബന്ധിച്ചു ഇറക്കിയ ബ്രൗഷർ .....

ॐ➖➖➖➖ॐ➖➖➖➖ॐ
#താണിക്കുടം_ഭഗവതി_ക്ഷേത്രം
#താണിക്കുടം









ॐ➖➖➖➖ॐ➖➖➖➖ॐ

വിഷുവേലയോടനുബന്ധിച്ച് 10-04-2026 (വെള്ളിയാഴ്ച) അക്കരപുരം സർഗം കലാമന്ദിർ അവതരിപ്പിക്കുന്ന നൃത്തനൃത്ത്യങ്ങൾ .....

ॐ➖➖➖➖ॐ➖➖➖➖ॐ
#താണിക്കുടം_ഭഗവതി_ക്ഷേത്രം
#താണിക്കുടം









ॐ➖➖➖➖ॐ➖➖➖➖ॐ

ദേവി ഭാഗവതത്തിൽ #ഷഷ്ഠി ദേവി സങ്കൽപം ഉണ്ട്. #മാനസ ദേവിയെന്നും, #ദേവസേന എന്നും, മംഗള ചണ്ഡികാ എന്നും ദേവിക്കു പേരുണ്ട്. സുബ്രമണ്യ സ്വാമിയുടെ ഭാര്യ സങ്കൽപം ആകുന്നു ഷഷ്ഠി ദേവി.

മൂല പ്രകൃതിയുടെ ആറാമത്തെ കലയാകുന്നു ദേവി അത് കൊണ്ടാകുന്നു ദേവിയെ ഷഷ്ഠി എന്നു വിളിക്കുന്നത്. ഷഷ്ഠി നല്ല സന്താനങ്ങൾ ജനിക്കാൻ എടുക്കുന്ന വ്രതത്തിൽ ഏറ്റവും ശ്രേഷ്ഠമായ വ്രതം സാധന ആകുന്നു

ഷഷ്ഠി ദേവി വ്രത സാധന
ശ്രീമദ്‌ ദേവീഭാഗവതം. 9- 47. മംഗള ചണ്ഡീകഥ
കഥിതം ഷഷ്ഠ്യൂപാഖ്യാനം ബ്രഹ്മപുത്ര യഥാഗമം
ദേവീ മംഗളചണ്ഡീ ച തദാഖ്യാനം നിശാമയ
തസ്യാ: പൂജാദികം സർവ്വം ധർമ്മവക്ത്രേണ യച്ഛ്രുതം
ശ്രുതിസമ്മതമേവേഷ്ടം സർവ്വേഷാം വിദുഷാമപി

ശ്രീ നാരായണൻ പറഞ്ഞു: ആഗമ ശാസ്ത്രങ്ങളിൽ വിവരിച്ചപ്രകാരം ഷഷ്ഠീ പൂജ ചെയ്യേണ്ടത് എങ്ങിനെയെന്ന് ഞാൻ പറഞ്ഞല്ലോ. മംഗള ചണ്ഡികയുടെ ചരിതം ധർമ്മൻ പറഞ്ഞതുപോലെ ഞാൻ ഇനി വിവരിക്കാം. വേദ സമ്മിതമായ മംഗളചണ്ഡീ പൂജയും സ്തോത്രവും വിദ്വാൻമാർക്ക് പ്രിയംകരമത്രേ.

ദേവിയെ ധ്യാനിക്കേണ്ടത് ഇപ്രകാരം ആകുന്നു..
ധ്യാനം എങ്ങിനെയെന്ന് പറഞ്ഞു തരാം . "എന്നും പതിനാറു വയസ്സുള്ള നിത്യയൗവനയുക്തയും ബിംബോഷ്ഠവും ഉത്തമമായ ദന്തനിരകളുള്ളവളും ശരത്കാല പങ്കജത്തിന്റെ മുഖശോഭയുള്ളവളും വെളുത്ത ചെമ്പകപ്പൂ നിറമോലുന്ന ദേഹകാന്തിയുള്ളവളും നീലത്താമരക്കണ്ണുകൾക്കുടമയും ജഗത്തിന് മാതാവും സർവ്വസമ്പദ്പ്രദായിനിയും സാധകന് ഘോര സംസാരസാഗരത്തെതരണം ചെയ്യാനുതകുന്ന കൈവിളക്കുമായ ദേവിയെ ഞാൻ സ്തുതിക്കുന്നു, സദാ ഭജിക്കുന്നു

പ്രഥമയിൽ (തിഥി ) വ്രതം ആരംഭിച്ചു മാസത്തിൽ ഷഷ്ഠിയിൽ അവസാനിക്കുന്ന രീതിയിൽ ആകണം വ്രതം മാസത്തിൽ ആറു ദിവസം ഗര്ഭധാരണത്തിന് മുൻപ് വ്രതം ആചരിക്കുക..

"ധ്യാനം"
സുപുത്രാം ച ശുഭദാ ദയാ രൂപം ജഗത് പ്രസൂo
ശ്വേത ചെമ്പക വർണ്ണഭാo
രത്ന ഭൂഷണ ഭൂഷിതാം
പവിത്ര രൂപാം പരമാം ദേവസേനാം പരം ഭജേ""
എന്നു ദേവിയെ ധ്യാനിച്ച് സ്ത്രീകൾക്ക് ഈ മൂല മന്ത്രം ജപിക്കാവുന്നതാണ്

മൂല മന്ത്രം....
"ഓം ഹ്രീം ഷഷ്ഠി ദേവ്യൈ സ്വാഹാ" എന്നു ജപിച്ചു വ്രതം ആചരിക്കുന്നത് സത്പുത്ര ലബ്ധിക്കു ഉത്തമമാകുന്നു കൂടാതെ ഷഷ്ഠി ദേവി സ്തോത്രവും സത്ഫലം തരുന്നവ ആകുന്നു.. ഗര്ഭധാരണത്തിന് ശേഷം പ്രസവിക്കാൻ അടുത്തുള്ള ദിവസങ്ങളിൽ വ്രതം ആചരിക്കാതെ ഈ ധ്യാനം മന്ത്രം എന്നിവ ജപിക്കുന്നത് ശ്രേഷ്ഠം ആകുന്നു...

"ആയു: പ്രദാ ച ബാലാനാം ധാത്രി രക്ഷണ കാരിണി
സതതം ശിശു പാർശ്വസ്ത യോഗേന സിദ്ധി യോഗിനി!!”
എന്ന് ദേവി ഭാഗവതം പറയുന്നു

ॐ➖➖➖➖ॐ➖➖➖➖ॐ
#താണിക്കുടം_ഭഗവതി_ക്ഷേത്രം
#താണിക്കുടം









ॐ➖➖➖➖ॐ➖➖➖➖ॐ