Rebaz Hamlan

لە پەیوەندییەکی تەلەفۆنیدا، پیرۆزباییمان لە بەڕێز عەلی ئەلزەیدی کرد بە بۆنەی ڕاسپاردنی بۆ پۆستی سەرۆک وەزیرانی فیدراڵ. هیوای سەرکەوتنمان بۆ خواست لە ئەرکەکەیدا بۆ پێکهێنانی کابینەی نوێی حکومەتی فیدراڵ و پشتیوانیی خۆمان بۆ چارەسەرکردنی گشت کێشەکان لە سەر بنەمای دەستوور دەربڕی و هیواخوازین سەردەمێکی پر لە ئاشتی و سەقامگیریی لە عێراقدا دەست پێ بکات.

مەسرور بارزانی
سەرۆکی حکومەتی هەرێمی کوردستان

ئەمرۆ سێشەممە ٢٠٢٦/٤/٧ لە ناحیەی دارە شەکران، بە ئامادەبوونی جەنابی سەرۆک بارزانی، بە خەمێکی قوڵەوە بەشداریمانکرد لە پرسەی شەهید (موسا ئەنوەر) و شەهید (مژدە ئەسعەد)ی خێزانی، کە بە هێرشێکی ناڕەوا شەوی رابردوو لە گوندی زەرگەزەوی نزیک هەولێر لە ناو ماڵی خۆیان شەهیدکران و دوو منداڵی بێ تاوانیان بێ دایک و باوک کرد…

پرسەو سەرەخۆشی و هاوسۆزیمان بۆ هەردوو خانەوادەی شەهیدەکان دەربڕی و خوای گەورە ئارامی و سەبوریان پێ ببەخشێت.

پێش دوژمنان سەرەتا سەرشۆڕی و مردن بۆ ئەو کەسانەی هەوای کوردستان هەڵدەمژن و کوردن، بەڵام جاش و نۆکەر و وەلائیان بۆ بێگانە و دوژمنانی گەلەکەمانە، نەفرەت لە دوژمنانی کورد کە باش دەزانن ئەنفال و کیمیاوی ئیرادەی کوردی لە ناو نەبرد ئێستاش بە هێرشی درۆنی و خەنجەری ژەهراوی کە لەپشتمان دەدرێت نەک لە ناو ناچین بەڵکو ئیرادەی گەلی کورد بەهێزتر و خۆراگرتر دەبێت…