Stopac

رێکخراوى ستۆپ کۆنفرانسى ساڵانە دەربارەى "پتەوکردنی حکومڕانی باش لە هەرێمی کوردستان" ئەنجامدا.

کۆنفڕانسەکە لە ٨/١٢/٢٠٢٥ لە شارى هەولێر بەبەشداری پەرلەمانتاران و نوێنەرانی دامەزراوە حکومی و زانکۆ و کۆمەڵگەی مەدەنی بەڕێوەچوو.
سەرەتاى کۆنفڕانسەکە، ئارى عەبدوڵڵا، بەرێوەبەرى رێکخراوى ستۆپ، ڕاپۆرتێکى لە ژێرناونیشانى "هەڵسەنگاندنى حکومەتى کاربەڕێکەر و نەخشەڕێی کارنامەى کابینەى نوێ" خستەڕوو.
دواتر گفتوگۆى یەکەم لە ژێرناونیشانى "لێکەوتەکانى دواکەوتنى پێکهێنانى کابینەى ١٠ى حکومەتى هەرێمى کوردستان" لە لایەن فەرمان ڕەشاد بەڕێوەبرا، کە تێیدا دوو بابەت پێشکەش کرا، بەوشێوەى خوارەوە:
یەکەم: ڕابەر تەڵعەت، توێژەر و بەڕێوەبەرى ناوەندى توێژینەوەى سبەى، بابەتەکەى لە ژێرناونیشانى " لێکەتەکانى دواکەوتنى پێکهێنانى کابینەى نوێ؛ ئاستەنگ و رێگەچارەکانى" پێشکەش کرد.
دووەم: سەنگەر ڕەسوڵ، توێژەر لە بوارى ئابورى سیاسی و پەیوەندییە نێودەوڵەتییەکان، بابەتەکەى لە ژێرناونیشانى "لێکەوتە ئابورییەکان لە دواکەوتنى پێکهێنانى کابینەى نوێ لە هەرێمى کوردستان" خستەڕوو.
هاوکات گفتوگۆى دووەم لە ژێرناونیشانى "ڕۆڵى کۆمەڵگەى مەدەنى لە چاودێرى و هەڵەسەنگاندنى کارنامەى حکومەت" لە لایەن کامەران خدر بەڕێوەبرا، کە تێیدا دوو بابەت پێشکەش کرا، بەوشێوەى خوارەوە:
یەکەم: د. فوئاد ئەحمەد، بەڕێوەبەرى سەنتەرى توێژینەوەى پەرلەمانى کوردستان، بابەتەکەى لە ژێرناونیشانى، "هەماهەنگى رێکخراوەکانى کۆمەڵگەى مەدەنى و لیژنەکانى پەرلەمان چاودێرى و هەڵەسەنگاندنى کارنامەى حکومەت" پێشکەش کرد.
دووەم: عەبدوڵا خالید، بەڕێوەبەرى رێکخراوى ئاشتى و ئازادى، بابەتەکەى لە ژێرناونیشانى، "رێکارەکانى چاودێرى و هەڵەسەنگاندنى کارنامەى حکومەت لەلایەن رێکخراوەکانەوە، بوو خستەڕوو.
لە کۆتایی هەر گفتوگۆیەک بەشداربووان بە سەرنج و تێبینى و پرسیارەکانیان بابەتەکانیان دەوڵەمەنتر کرد.
شایەنى باسە ئەو کۆنفرانسە لە چوارچێوەى پڕۆژەى "بەهێزکردنى لێپرسینەوە و دەسەڵاتى یاسا" کە لە لایەن رێکخراوى ستۆپ بۆ چاودێرى و پەرەپێدان بە پاڵپشتى سندوقى نیشتیمانى بۆ دیموکراسى (NED)ى ئەمریکى جێبەجێ دەکرا.