Hiwa Hade Hawlery

بە بۆنەی سەری ساڵی ١٤٤٨ی کۆچی، یادەوەری هیجرەتی پڕمانای پێغەمبەری ئیسلام ﷺ دەکەینەوە، هیجرەتێک کە پەیامی ئەخلاق، ئەمانەتداری، خۆڕاگری و دادپەروەری بوو.

هیجرەت تەنها گواستنەوە لە شوێنێکەوە بۆ شوێنێکی تر نەبوو، بەڵکوو گواستنەوە بوو لە تاریکی بۆ ڕووناکی، لە ستەم و ناحەقی بۆ دادپەروەری و حەق، و لە بێ هیوایی بۆ هیوای دروستکردنی کۆمەڵگەیەکی دادپەروەر.

ساڵی ١٤٤٨ی کۆچی بۆ هەمووان پیرۆز بێت.
هیوادارین ئەم ساڵە پڕ بێت لە ئاشتی، سەقامگیری، یەکگرتوویی، دادپەروەری و سەرکەوتن بۆ هەموو خەڵکی کوردستان و جیهانی ئیسلام.

مافپەروەر / هیوا هادی نادر

لە نزیکبوونەوەی یادی ڕۆژنامەگەریی کوردی، پێویستە ئەم بۆنە لە چوارچێوەیەکی یاسایی و پێوەری ستانداردە نێودەوڵەتییەکاندا هەڵبسەنگێندرێت، نەک تەنها وەک مەراسیمێکی فەرمی و ڕووکاری.

ئازادیی ڕۆژنامەگەری وەک بەشێکی بنەڕەتیی ئازادیی ڕادەربڕین، مافێکی پارێزراوە لە یاسا بنەڕەتییەکان و پەیماننامە نێودەوڵەتییەکاندا.

بەڵام لە بارودۆخێکدا کە ڕۆژنامەنووسێک وەک شێروان شێروانی هێشتا لە ژێر حوکم و لە ناو زینداندا دەستبەسەرکراوە، بانگەشەکردن بە ئازادیی ڕۆژنامەگەری، بەبێ جێبەجێکردنی کرداریی ئەم مافانە، بێ‌مانا و ناتەواوە.

بەپێی بنەماکانی دادپەروەری، هیچ کەسێک نابێت بەهۆی دەربڕینی بۆچوون یان گەیاندنی زانیاری سزادراو بێت، مەگەر لە چوارچێوەی یاسایەکی ڕوون، پێشبینی‌کراو و سازگار لەگەڵ پێوەری مافە مرۆییە نێودەوڵەتییەکاندا.

لەبەر ئەوە، یادی ڕۆژنامەگەری دەبێت ببێتە دەرفەتێکی ڕاستەقینە بۆ:
▪️ جەختکردنەوە لەسەر پاراستنی ئازادیی ڕادەربڕین و کارکردنی ڕۆژنامەگەری
▪️ داواکاریی یاسایی و ڕوون بۆ ئازادکردنی ڕۆژنامەنووسانی دەستبەسەرکراو
▪️ پابەندبوونی کرداریی بە بنەماکانی یاسا، دادپەروەری و مافە مرۆییەکان

تا کاتێک ئەم بنەمایانە بە شێوەیەکی کردار جێبەجێ نەکرێن، هەر پیرۆزباییەک بێ‌ناوەرۆک و هەر یادێک ناتەواو دەبێت.

ئازادی بۆ قەڵەم،
ئازادی بۆ دەنگ،
و ئازادی بۆ هەموو ئەوانەی کە تاوانیان تەنها ڕاستگۆیی بوو.

مافپەروەر / هیوا هادی نادر