Zarqa Beauty

الشيخوخة مشكلة بتصيب كل الكائنات الحية وكل انسجة الجسم ( جلد، عضلات، عظم، اعصاب كلى الخ، الخ..)

و في عندنا نوعين من أنواع الشيخوخة اللي ممكن تصيب الجسم:

١. شيخوخة داخلية: هاد النوع بتتحكم فيه الوراثة، لهيك في بعض الامراض الوراثية بتعمل شيخوخة مبكرة جدا، مثل البروجيريا.
للاسف مافينا نعمل شي لهالنوع، حاليا على الاقل.

٢. شيخوخة خارجية: وهي بتصير بفعل العوامل الخارجية متل: الشمس، الملوثات البيئية، التدخين، سوء التغذية وغيرها ( الصورة تحت)
هاد النوع هو اللي منقدر كأفراد نأخر حدوثه عن طريق:

١. الحماية من الشمس
٢. تجنب التدخين باشكالة المختلفة
٣. حمية غذائية متوازنة
٤. ممارسة الرياضة بانتظام
٥. شرب كميات كافية من الماء
٦. النوم لساعات كافية


#شيخوخة #الشمس #الوقاية
#جلدية #جلد #بشرة #تجميل #طب #صحة

شو هي مقاومة الانسولين ؟

- يعني الجسم بطل يستجيب للانسولين وعم يمنعه يشتغل شغله ( شوفو الصورة عاليمين كيف الانسولين زعلان )

طيب شو هي وظيفة الانسولين؟
- الانسولين هرمون شغلته يفوت السكر من الدم للخلايا

واذا الانسولين بطل يشتغل شو حيصير؟
- السكر ما حيفوت عالخلايا، والسكر هو الطاقة تبع الخلايا، لهيك حيصير في خلل بالجسم وارهاق 🤕 ونقص وزن وجوع دائم ، والشغلة التانية السكر حيزيد كتير بالدم وحينطرح كتير بالبول لهيك حيصير تبول كتير وجفاف بالفم

- شو هي الاعراض الجلدية لمقاومة الانسولين؟
١. سواد تحت الابط والعنق والمناطق الحساسة
٢. زوائد جلدية بالعنق وتحت الابط
٣. عالمدى الطويل وبحال اهمال الحالة بيتطور داء سكري واعراضه الجلدية الاهم هي: اصابات فطرية 🍄 بين اصابع القدم و دمامل شديدة وناكسة

ودمتم سالمين

ملاحظة: المعلومات اللي ذكرتها مبسطة جدا لتوضيح الفكرة

نصائح للوقاية من ظهور الكلف
١- عدم التعرض لاشعة الشمس مباشرة وخاصة في الاوقات من العاشرة صباحا وحتئ الرابعة عصرا
٢- استخدام واقي شمس ملائم لدرجة بشرتك
٣- تناول فيتامين سي
٤- تجنب استخدام او اخذ حبوب منع الحمل
٥- غسل المكياج بعد وضعه بمزيل المكياج
٦- عدم استخدام الخلطات والخبطات العادية
٧- الراحة النفسية