ST ម៉ៅការសំណង់

ការធ្វើ Content ផ្នែកសំណង់ បទពិសោធន៍ជារឿងមួយ ប៉ុន្តែ «ឯកសារយោងបច្ចេកទេស» គឺជារឿងដែលមិនអាចខ្វះបាន!
​សព្វថ្ងៃនេះ ការធ្វើទីផ្សារសំណង់នៅលើបណ្តាញសង្គមមានទម្រង់ដដែលៗដូចគ្នាខ្លាំងណាស់។ ម្នាក់ៗចេញមកនិយាយពីបច្ចេកទេសផ្សេងៗគ្នា ទៅតាមបទពិសោធន៍រៀងៗខ្លួន ប៉ុន្តែការនិយាយទាំងនោះមិនដឹងថាមានប្រភពយោង ឬស្តង់ដារមកពីណាច្បាស់លាស់ឡើយ។
​ធ្វើបែបនេះ មិនត្រឹមតែមិនបានជួយឱ្យកើនអតិថិជននោះទេ តែផ្ទុយទៅវិញ វាបានធ្វើឱ្យម្ចាស់គម្រោងកាន់តែមានការងឿងឆ្ងល់ វង្វេង គិតមិនចេញថា តើអ្នកណាជាអ្នកនិយាយត្រូវពិតប្រាកដ?
​👉 ជាក់ស្តែង ឥឡូវនេះម្ចាស់គម្រោងខ្ញុំគាត់សួរនាំច្រើនខុសពីធម្មតា។
ពេលខ្ញុំសួរនាំគាត់ ទើបដឹងថាគាត់មើលឃើញគេនិយាយផ្សេងនៅលើ Facebook។
​ដូច្នេះ ក្នុងនាមជាអ្នកសំណង់ដូចគ្នា ខ្ញុំយល់ថាការធ្វើ Content ផ្នែកសំណង់ គួរតែមានការបង្ហាញឯកសារយោង (Technical Standard/Code) មកបញ្ជាក់ឱ្យបានច្បាស់លាស់ផង ដើម្បីឱ្យម្ចាស់គម្រោងគាត់បានយល់ច្បាស់ពិតប្រាកដថា អ្វីទៅជាបច្ចេកទេសស្តង់ដារត្រឹមត្រូវ។
​នេះជាផ្នត់គំនិត និងការយល់ឃើញផ្ទាល់ខ្លួនរបស់ខ្ញុំប៉ុណ្ណោះ បើសិនជាមានការលើសលួស ឬខ្វះខាតត្រង់ណា សូមបងប្អូនមេត្តាអធ្យាស្រ័យ និងជួយបំពេញបន្ថែមដោយក្តីអនុគ្រោះ🙏🙏🙏។ សូមអរគុណ!
Credit:Facebook