Thy Rathana official

❤️ រីករាយខួបអាពាហ៍ពិពាហ៍ ១០ ឆ្នាំ ❤️
២៩ • ០៤ • ២០១៦ – ២៩ • ០៤ • ២០២៦
ភរិយាបណ្ដូលចិត្តបង ❤️
១០ ឆ្នាំកន្លងមក ពេលវេលាវាហាក់ដូចជាឆាប់ណាស់។
តែបើគិតជាថ្ងៃៗ វាមានរឿងរ៉ាវជាច្រើនណាស់ដែលយើងបានឆ្លងកាត់ជាមួយគ្នា។

ថ្ងៃនេះ​ ១០ ឆ្នាំមុន ពួកយេីងទាំងពីរអ្នកគ្រាន់តែ​ កូនកំលោះនឹងកូនក្រមុំ​ ដែលស្រឡាញ់គ្នា និងសម្រេចចិត្តកាន់ដៃគ្នា
ចាប់ផ្តើមជីវិតគូរមួយ ដែលពោរពេញដោយក្តីសង្ឃឹម និងក្តីស្រមៃថាថ្ងៃណាមួយយើងនឹងមានគ្រួសារដ៏កក់ក្តៅដូចគេដែរ។

ថ្ងៃនោះ ពួកយើងមិនមានអ្វីច្រើនទេ…
មិនមានទ្រព្យសម្បត្តិធំធេង
មិនមានជីវិតងាយស្រួល
អ្វីដែលយើងមាន គឺមានតែក្តីស្រឡាញ់ និងការសន្យាថា
មិនថាជីវិតលំបាកប៉ុនណា ក៏យើងនឹងមិនបោះបង់គ្នាចោលគ្នាឡេីយ​ 🌸

រយៈពេល ១០ ឆ្នាំនេះ
ពួកយើងបានឆ្លងកាត់គ្រប់រស់ជាតិនៃជីវិត…
មានទាំងថ្ងៃដែលសប្បាយចិត្ត
មានទាំងថ្ងៃដែលនឿយហត់
មានទាំងពេលដែលយើងអស់កម្លាំងចិត្ត
និងមានពេលដែលយើងត្រូវតស៊ូដើម្បីគ្រួសាររបស់យើង។
ប៉ុន្តែរឿងមួយដែលមិនដែលផ្លាស់ប្តូរ នោះគឺអូននៅតែកាន់ដៃបងមិនដែលលែងឡើយ ❤️

ភរិយាបណ្ដូលចិត្តបង 👰
អរគុណអូន ដែលបានដើរជាមួយបងរហូតមកដល់ថ្ងៃនេះ។
អរគុណសម្រាប់ការលះបង់ដ៏ធំធេងរបស់អូន
សម្រាប់ការអត់ធ្មត់​ សម្រាប់ការថែរក្សាគ្រួសារយើងដោយក្តីស្រឡាញ់។

បងដឹងថា មានពេលជាច្រើនដែលអូននឿយហត់ណាស់
មានពេលខ្លះអូនស្ទើរតែគ្មានពេលសម្រាប់ខ្លួនឯង
តែអូននៅតែព្យាយាមធ្វើអោយគ្រួសារយើងមានសុភមង្គល។

ថ្ងៃនេះ ពេលបងមើលទៅកូនៗរបស់យើង
បងមានអារម្មណ៍ថា ជីវិតពិតជាមានន័យណាស់។

១០ ឆ្នាំនៃជីវិតគូរ
ពួកយើងបានទទួលអំណោយដ៏មានតម្លៃបំផុតពីជីវិត
នោះគឺ កូនៗ ៤ នាក់
កូនប្រុស ៣ នាក់ និងកូនស្រីពៅម្នាក់
ដែលបានមកបំពេញសុភមង្គលក្នុងគ្រួសារយើងអោយពេញលេញ។

ពេលខ្លះ បងគិតថា…
បើថ្ងៃនោះយើងមិនសម្រេចចិត្តកាន់ដៃគ្នា
ប្រហែលជាបងមិនអាចមានគ្រួសារដ៏កក់ក្តៅដូចថ្ងៃនេះឡើយ។

អូនមិនត្រឹមតែជាភរិយារបស់បងទេ…
អូនគឺជាមនុស្សដែលយល់ចិត្តបងជាងគេ
អូនជាមិត្ត​
អូនជាគ្រូពេទ្យពេលបងឈឺ​
ជា​ទីប្រឹក្សា​របស់បង​
ដែលនៅក្បែរបងក្នុងគ្រប់ពេល
និងជាម្តាយដ៏អស្ចារ្យបំផុតសម្រាប់កូនៗយើង។

១០ ឆ្នាំនេះ
ប្រហែលមិនមែនជាជីវិតល្អឥតខ្ចោះទេ
ប៉ុន្តែវាជាជីវិតដែលពោរពេញដោយ
ក្តីស្រឡាញ់ ការលះបង់ និងការតស៊ូរួមគ្នា។

សូមអរគុណអូន
ដែលនៅជាមួយបងរហូតមកដល់ថ្ងៃនេះ ❤️
បងសង្ឃឹមថា
ពួកយើងនឹងនៅតែកាន់ដៃគ្នា​ ដើរទៅមុខជាមួយគ្នា
មើលកូនៗធំឡើង​ និងចាស់ជរាជាមួយគ្នា 👵👴

❤️ រីករាយខួបអាពាហ៍ពិពាហ៍ ១០ ឆ្នាំ
អរគុណសម្រាប់ក្តីស្រឡាញ់និងសម្រាប់គ្រួសារដ៏មានតម្លៃបំផុតក្នុងជីវិតបង 🌸

👉រំលឹកកាលចុងឆ្នាំ​ 2024 ខ្ញុំ និងភរិយា បានមកដល់ទីកន្លែងបរិសុទ្ធ​ នឹងសក្ក័​សិទ្ធ​ិ នេះ​ គឺ​ អាស្រមលោកតាពេជ្យ​ ក្នុងទឹកដីអង្គរ​ ដើម្បីបន់ស្រន់ សុំកូនស្រីម្នាក់ ដែលយេីងចង់បានជាយូរណាស់មកហេីយ ដោយសារយេីងទាំងពីរនាក់មានកូនប្រុសរហូតដល់ទៅ3នាក់ទៅហេីយ​ 💫
ពេលនោះ… មានតែសេចក្តីសង្ឃឹម និងជំនឿនៅក្នុងចិត្ត
មិនដឹងថា ថ្ងៃណាខាងមុខ នឹងក្លាយជាការពិតឬអត់ទេ…😓

👉រហូតដល់ដេីមដេីមឆ្នាំ 2025 ភរិយា​របស់ខ្ញុំក៏ចាប់ផ្ដេីមទំងន់កូនទី4 ដែល​ លទ្ធផល​ចេញមកនោះ​ គឺកូនស្រី​ 🥹
ក្តីប្រាថ្នាដែលធ្លាប់សុំ បន់ស្រន់​ បានសម្រេចជាក់ស្តែង
ទទួលកូនស្រីសមបំណង ដែលអូនឈ្មោះ​ ធី​ អ៊ែលលី​ សិទ្ធិកាបានចូលមកបំពេញគ្រួសារយើងអោយពេញលេញ ❤️👨‍👩‍👧‍👦

ថ្ងៃនេះ ខ្ញុំមកវិញ មិនមែនដើម្បីសុំទៀតទេ…
តែដើម្បី “លាបំណន់” ដែលខ្ញុំធ្លាប់ដាក់​ បំណន់​
និងអរគុណពីបេះដូង 🙏
មិនជឿកុំប្រមាថ អោយសោះ​ ទឹកដីអង្គរសក្ក័សិទ្ធិណាស់🙏
អរគុណសំណាងល្អ​ អរគុណជំនឿ​ អរគុណអ្វីៗទាំងអស់ដែលធ្វើអោយគ្រួសារយើងពេញលេញ 💖

ជីវិតល្អបំផុត គឺមិនមែនមានអ្វីគ្រប់យ៉ាងទេ…
តែមានគ្រួសារដែលពេញដោយក្ដីស្រឡាញ់ ❤️
សូមបន់ស្រន់ដោយចិត្តជ្រះថ្លា​ នឹងមាន​ ជំនឿ​ ទេីប​ សក្ក័សិទ្ធិ🌸🙏
+