Taehee COS

-មុនធ្វើអ្វីមួយ គេនឹងគិតដល់អារម្មណ៍អ្នកមុន
-គេខ្លាចអ្នកកើតទុក្ខមិនសប្បាយចិត្តណាស់
-គេមិនបណ្ដោយឱ្យអ្នកមានអារម្មណ៍ឯកាឡើយ
-គេនឹងយកចិត្តទុកដាក់មើលថែអ្នកជានិច្ច
-គេនឹងខំប្រឹងធ្វើការ មិនដើរសប្បាយផ្ដេសផ្ដាស
-គេស្ដាប់ពាក្យសម្ដីអ្នក គេទុកអ្នកសំខាន់ជានិច្ច
-គេចង់មានអនាគតមួយដ៏ល្អជាមួយអ្នក
-គេស្មោះត្រង់ចំពោះអ្នក គ្មានចិត្តងាករេសូម្បីនៅឆ្ងាយ
-គេស្រឡាញ់អ្នក គោរពអ្នក ឱ្យតម្លៃដល់អ្នក
-គេមិនមែនត្រឹមតែជាដៃគូ តែជាបងប្រុស ថែមទាំងជាឪពុក
-គេនឹងផ្ដល់ពិភពលោកទាំងមូលនេះជូននារីតែម្នាក់គត់។
ស្នេហា & គ្រួសារ ✍

រឿងដែលសោកសៅបំផុតអំពីការក្បត់គឺមិនមែនមកពីសត្រូវរបស់អ្នកនោះទេ! ពេលខ្លះអាចមកពីមនុស្សដែលអ្នកទុកចិត្តបំផុត។

ដូចគេធ្លាប់និយាយថាភាគច្រើននៃសត្រូវដ៏អាក្រក់បំផុតដែលអ្នកជួបនៅក្នុងដំណើរនៃជីវិតរបស់អ្នកគឺអាចជាមនុស្សដែលអ្នកបានជួយពីមុន ក៏ថាបាន។

ពិចារណាចុះ! អំពើរល្អនូវតែធ្វើ ក៏ប៉ុន្តែត្រូវធ្វើប្រកបដោយបញ្ញា ...។🧞

កុំបន្ទោសគេ! កុំបន្ទោសខ្លួនឯង! ក៏កុំបន្ទោសលើវាសនា ឬព្រហ្មលិខិតឡើយ។

ប្រសិនបើពេលមួយអ្នកជួបរឿងខកចិត្ត អ្នកមិនចាំបាច់គិតទេថាហេតុអ្វីប្រែជាខកចិត្ត។ កុំបន្ទោសថាគេធ្វើឱ្យអ្នកខកចិត្តអី ក៏កុំបន្ទោសខ្លួនឯងដែលរំពឹងគេមករហូតអី! កុំបន្ទោសវាសនា ព្រហ្មលិខិតអី! អ្វីក៏មិនចាំបាច់បន្ទោសដែរ! កិច្ចការដែលអ្នកត្រូវធ្វើក្នុងពេលនេះ គឺយំ! ពិបាកខ្លាំងក៏យំមក បើទន់ខ្សោយណាស់ក៏បណ្តោយឱ្យដួលសិនទៅ។ កុំរឹងមាំពេក! កុំដាក់សម្ពាធឱ្យខ្លួនឯងពេក បណ្តោយខ្លួនមួយភ្លែតទៅ...

ចង់យំក៏យំឱ្យខ្លាំង មានអីចង់និយាយក៏និយាយឱ្យអស់ បើមានអារម្មណ៍ថាហត់ខ្លាំងក៏គេងសិនទៅ...។ ធ្វើតាមអារម្មណ៍ខូចចិត្តមួយភ្លែតទៅ ព្រោះអ្នកមិនមែនដុំថ្ម មិនមែនមនុស្សយន្ត។ អ្នកគ្រាន់តែជាមនុស្សធម្មតា មានសាច់ មានឈាម មានបេះដូង មានមនោសញ្ចេតនា... អ្នកក៏មានសិទ្ធិទន់ខ្សោយដែរ។

ធ្វើឱ្យអស់ចិត្តទៅ! ដួលទៅ! ដេកទៅ! យំទៅ! ហើយមិនបាច់ជូតទេទឹកភ្នែកហ្នឹង ទុកឱ្យវាស្ងួតខ្លួនឯង។ ពេលវាស្ងួតហើយ ក៏ក្រោកមកវិញ! ឈប់ដួល ឈប់ដេក! ព្រោះអ្នកដល់ពេលធ្វើកិច្ចការបន្ទាប់ហើយ!

ពេលនេះរឿងដែលអ្នកត្រូវធ្វើគឺប្រាប់ចិត្តឱ្យព្រម! ទោះរឿងវាបត់ទៅដល់ណាក៏ដោយ! ព្រមទៅ! វាដល់ពេលហើយ! ទំព័រថ្មីមកដល់ហើយ! ដើរទៅមុខទៅ! កុំបារម្ភ! កុំភ័យ! អ្នកនឹងមិនវង្វេងទេ! ដើរទៅ! ដើរម្នាក់ឯងសិនទៅ! ផ្លូវនេះវាស្រដៀងតែផ្លូវមុននោះទេ ផ្លូវដែលគ្មានគេកាន់ដៃ។ កាលនោះអ្នកក៏ដើរបាន... ដើរទៅមុខទៀតណា៎!

#ដើរ