Synisic

អនុមោទនាពិធីបុណ្យភ្ជុំបិណ្ឌ ឆ្នាំខាល ចត្វស័ក ពុទ្ធសករាជ២៥៦៦ ក្រុមការងារក្រុមហ៊ុន Synisic Media Production សូមគោរពជូនពរដល់លោក លោកស្រី អ្នកនាង កញ្ញា សូមជួបប្រទះតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ ជួបជុំក្រុមគ្រួសារដោយក្តីសោមនស្សរីករាយ ព្រមទាំងសុខសុវត្ថិភាពក្នុងការធ្វើដំណើរទីជិតទីឆ្ងាយកុំបីឃ្លាតឡើយ 🙏

អនុមោទនាពិធីបុណ្យចូលព្រះវស្សា 🙏

នៅក្នុងពិធីបំបួសនាគត្រូវរៀបចំទៅតាម លំដាប់ប្រពៃណី មានពិធីកោរសក់ ពិធីជូនត្រ័យចំពោះលោកអ្នកមានគុណ ពិធីក្រុងពាលី ពិធីបង្វិលពពិល ពិធីធ្វើធ្មេញនាគ ពិធីកួចចំណងដៃ នាគ ពិធីលាបប្រេងម្សៅ ពិធីចំរើនព្រះបរិត្ដនាគ ពិធីហែនាគ៣ជុំព្រះវិហារ ពិធីចូលព្រះវិហារ ពិធីនាគវន្ទា ចំពោះ ព្រះពុទ្ធរូប ពិធីនាគវន្ទាព្រះឧបជ្ឈាយ៍ ពិធីសុំនិស្ស័យបំបួសនាគ ព្រះឧបជ្ឈាយ៍ ព្រះសង្ឃហត្ថាបាស ចំរើនពុទ្ធជ័យ មង្គល ពិធីពហុទេវា សាមណេរវន្ទាលាញោមប្រុស-ស្រី លោកតា លោកយាយ ដើម្បីសាងផ្នួសពិធីកប់សក់ដើម្បី សុំសេចក្ដីសុខ ។

ចាប់ពីអាយុ៧ឆ្នាំ ឬច្រើនជាងនេះ ប្រសិនបើក្មេងនោះចេះនិយាយច្បាស់ និងមានប្រាជ្ញា។ សាមណេរណាដែលមានអាយុយ៉ាងតិច២១ឆ្នាំ អាចបួសជាភិក្ខុបាន ហើយតាមប្រពៃណីខ្មែរការបួសជាភិក្ខុមានន័យថា «បួសសងគុណឪពុក»។

តាមប្រពៃណីខ្មែរ ការបួសមានពីរប្រភេទទៀត គឺការបួសមុខភ្លើង (ពេលមានជីដូន ជីតា ឬម្តាយឪពុកស្លាប់) និង បួសលាបំណន់ (បួសជាថ្នូរនឹងការបន់ស្រន់សុំអ្វីមួយ)។

“នាគ” សំដៅបុគ្គលបុថុជ្ជនណាម្នាក់ដែលកើតមានសេចក្តីអៀនខ្មាស ខ្លាចបាប ហើយមានចិត្តជ្រះថ្លាទៅសូមផ្នួសក្នុងសំណាក់ព្រះពុទ្ធសាសនា

អតីតកាលពិធីបំបួសនាគគេធ្វើចំនួនពីរថ្ងៃ ឬបីថ្ងៃ តែបច្ចុប្បន្នគេធ្វើតែមួយថ្ងៃ៕