Advanced Production

អារម្មណ៍ជាម្ដាយ ជាភរិយា ជាកូន ពិតជារំភើបរកអ្វីនិយាយមិនចេញនៅពេលមនុស្សជាទីស្រលាញ់បានវិលមកវិញ ទាំងដែលមិនមានសង្ឃឹមថានិងបានជួបទៀត ការរងចាំអស់រយៈពេល155ថ្ងៃ ប្រៀបដូច 155ឆ្នាំ 🥹🙏

យើងខ្ញុំសូមសម្តែងនូវការស្វាគមន៍យ៉ាងកក់ក្តៅ និងដោយក្ដីគោរពខ្ពង់ខ្ពស់ ចំពោះវីរភាពកងទ័ពទាំង ១៨ នាក់ ដែលបានវិលត្រឡប់មកមាតុភូមិវិញដោយសុវត្ថិភាព បន្ទាប់ពីត្រូវបានភាគីថៃដោះលែង។

ការវិលត្រឡប់របស់បងប្អូន គឺជាភាពរីករាយដ៏ធំធេងសម្រាប់ជាតិ មាតុភូមិ និងប្រជាពលរដ្ឋទាំងមូល។ វាបង្ហាញពីស្មារតីអត់ធ្មត់ ការលះបង់ និងភាពក្លាហានរបស់កងទ័ព ដែលតែងតែឈរជើងការពារសន្តិភាព អធិបតេយ្យភាព និងកិត្តិយសជាតិ។

យើងខ្ញុំសូមជូនពរឲ្យបងប្អូនទាំងអស់ មានសុខភាពល្អ កម្លាំងកាយកម្លាំងចិត្តរឹងមាំ និងជួបប្រទះតែសេចក្តីសុខ ជាមួយក្រុមគ្រួសារ ។ សូមអរគុណចំពោះការលះបង់ដ៏មានតម្លៃ និងសូមស្វាគមន៍មកកាន់ផ្ទះយើងវិញដោយក្ដីអំណរ។

ជាតិ មាតុភូមិ និងប្រជាពលរដ្ឋ សូមគោរព និងអរគុណវីរភាពរបស់បងប្អូនជានិច្ច។ 🥰🇰🇭
រូបភាពឯកសារ ៖ ព័ត៌មាន ខេត្តប៉ៃលិន
#បេះដូងវីរៈកងទ័ព