Youth Assembly

ក្រុមការងារគម្រោង"រៀនពីលុយ ៣.០" នៃសភាយុវជន Youth Assembly រួមសហការជាមួយនឹងក្រុមការងារនៃ ធនាគារជាតិនៃកម្ពុជា និងក្រុមការងារសមាគមមីក្រូហិរញ្ញវត្ថុកម្ពុជា ក្នុងការចុះបង្រៀនដល់ប្អូនៗសិស្សានុសិស្សអំពីចំណេះដឹងផ្នែកហិរញ្ញវត្ថុ នៅអនុវិទ្យាល័យ អង្គរ ដែលស្ថិតនៅ ស្រុកកំពង់សៀម ខេត្តកំពង់ចាម នាថ្ងៃទី១០ ខែ ឧសភា ឆ្នាំ២០២៥។

គម្រោង"រៀនពីលុយ ៣.០" ជាគម្រោងរៀបចំ និងដឹកនាំដោយយុវជន ដែលមានអនុវត្តន៍ជាការបង្រៀនវគ្គខ្លី ដល់ប្អូនៗសិស្សានុសិស្ស កម្រិតអនុវិទ្យាល័យ និងវិទ្យាល័យ នៅតាមរាជធានី-ខេត្ត ដោយចុះទៅចែករំលែកចំណេះដឹងពី ការគ្រប់គ្រងចំណូល ចំណាយ និង ការការពារខ្លួនពីការឆបោក ផ្នែកហិរញ្ញវត្ថុ។ គោលបំណងធំគឺចង់ឲ្យប្អូនអាចទទួលបានចំណេះដឹងពីចំណូល ចំណាយ និងចេះសន្សំ មួយវិញទៀត អាចការពារខ្លួនពីការឆបោកផ្នែកហិរញ្ញវត្ថុបានគ្រប់សកម្មភាពនៃការឆបោក ដើម្បីជួយខ្លួនឯង គ្រួសារ សហគមន៍ និងសង្គមជាតិ របស់ពួកគេ។

ក្នុងនោះដែរ ក្រុមការងារនៃធនាគារជាតិនៃកម្ពុជាក៏មានការចែករំលែកមួយចំនួនអំពី ប្រវត្តិនៃធនាគារនៃកម្ពុជា ច្បាប់ និងបទបញ្ញតិ្ត ការឆបោកផ្នែកហិរញវត្ថុ សកម្មភាពនៃការឆបោក សេវាហិរញ្ញវត្ថុក្រៅប្រព័ន្ធ ផលវិបាកនៃការប្រើប្រាស់កម្ចីក្រៅផ្លូវការផងដែរ។

ជាមួយគ្នានោះដែលក្រុមការងារ សមាគមមីក្រូហិរញ្ញវត្ថុកម្ពុជា ក៏បានចែករំលែកនូវផ្ទាំងផ្សព្វផ្សាយដែលលើកទឹកចិត្តដល់ប្អូនៗសិស្សានុសិស្សក្នុងការចាយវាយសន្សំសំចៃ និងចេះសន្សំប្រាក់ ដល់សាលាក្នុងគោលបំណងទុកចែករំលែកបន្តដល់ប្អូនៗនៅក្នុងសាលាផងដែរ។

សូមកុំភ្លេចតាមដានពួកយើងនៅសកម្មភាពបន្តទៀត😊✌️!

#2025
👉 FB Page : https://www.facebook.com/youthassemblykh
👉 Telegram channel :https://t.me/YouthAssemblyKH
✉️[email protected]