ADITI - Asia Digital Technology Innovation

អបអរសាទរ ព្រះរាជពិធីបុណ្យចម្រើនព្រះជន្ម 🙏🎉

សូមព្រះបារមីវត្ថុស័ក្តិសិទ្ធិក្នុងលោក តាមថែរក្សា និងប្រោសប្រទាន
ព្រះករុណា ព្រះបាទសម្តេច ព្រះបរមនាថ នរោត្តម សីហមុនី
ព្រះមហាក្សត្រនៃ ព្រះរាជាណាចក្រកម្ពុជា
គម្រប់ ៧៣ យាងចូល ៧៤ ព្រះវស្សា

ទូលបង្គំសូមក្រាបថ្វាយព្រះពរព្រះអង្គ ទ្រង់ប្រកបដោយព្រះបរមសុខ ព្រះកាយពលមាំមួន ព្រះជន្មាយុយឺនយូរ និងគង់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចតរៀងទៅ។

បពិត្រព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត 🙏🙏🙏

ទូលព្រះបង្គំយើងខ្ញុំទាំងអស់គ្នា ជាថ្នាក់ដឹកនាំ និងបុគ្គលិកនៃក្រុមហ៊ុន អាឌីទី (ADITI), សាលាបច្ចេកវិទ្យាអាឌីទី (ADITI Academy) និង ក្រុមហ៊ុន និរន្តន៍ឃែរ (NironCare) សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមជួយប្រោះព្រំសព្វសាធុការពរជ័យ ថ្វាយព្រះករុណាជាអម្ចាស់ជីវិតលើត្បូង។

សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន និងឆាប់ជាសះស្បើយពីព្រះរោគ ដើម្បីយាងនិវត្តន៍បន្តគង់ប្រថាប់ក្នុងព្រះបរមរាជសម្បត្តិ ជាម្លប់ដ៏ត្រជាក់ត្រជំ និងជាសេចក្តីសុខសាន្តដល់មាតុភូមិកម្ពុជា ក៏ដូចជាប្រជានុរាស្ត្រខ្មែរគ្រប់រូប ជាដរាបតរៀងទៅ។

សូមព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាប្រោសទទួលនូវស្វាមីភក្តិ និងគារវភក្តីដ៏មហាខ្ពង់ខ្ពស់បំផុតពីទូលព្រះបង្គំយើងខ្ញុំទាំងអស់គ្នា 🙏🙏🙏