Blue Ladder

វិស័យមួយនេះពិតជាមិនងាយស្រួលក្នុងការសម្របខ្លួននោះទេ បើអ្នកស្រលាញ់ និងចង់ឱ្យទៅតាមក្តីស្រមៃ ចូរកុំចុះចាញ់ ពេលវេលាសម្រាប់យើងមិនមែនចេះតែមានទេ។

សាលសន្និសិទ្ធចតុមុខ | ភ្នំពេញ | កម្ពុជា 🇰🇭

🏛សាលសន្និសិទ្ធចតុមុខមានទីតាំងនៅជិតចំណុចប្រសព្វនៃទន្លេចតុមុខ រាជធានីភ្នំពេញប្រទេសកម្ពុជា ដែលបានបញ្ចប់ការសាងសង់នៅថ្ងៃទី១២ វិច្ឆិកា ឆ្នាំ១៩៦១។ សាលសន្និសិទ្ធចតុមុខជាស្នាដៃរចនាដោយស្ថាបត្យករខ្មែរដ៏ល្បីឈ្មោះលោកវណ្ណ ម៉ូលីវណ្ណ ដែលជាប្រភេទស្ថាបត្យកម្មខ្មែរថ្មី។

🏗អគារនេះមានប្លង់រាងស៊ីមេទ្រី មានរាងដូចផ្លិតស្លឹកត្នោត ពេលមើលចំពីលើ។ភាពទំនើបនៃអគារត្រូវបានបង្ហាញដោយប្រើផ្ទៃមុខជាកញ្ចក់, សង់ផុតពីដី, យ៉រខាងមុខ ,ដំបូល (ក៏ដូចជាស៊ុមបង្អួចនិងស៊ុមទ្វារ) មានពណ៌មាសធ្វើពីអាលុយមីញ៉ូម (មានហោជាងដែលមានរាងដូចដំបូលផ្ទះឈើ), និងប្រាង្គ ដែលយកគំរូតាម”ដំបូលព្រះបរមរាជវាំង”ស្ថិតនៅកំពូលនៃដំបូលរាងផ្លិត។

💡អគារនេះជាការរួមបញ្ចូលគ្នារវាងគំនិតព្រះពុទ្ធសាសនា និងទស្សនៈវិទ្យានយោបាយរបស់សម្តេចព្រះបាទនរ្តោមសីហនុ ព្រះបរមរតនៈកោដ្ឋដែលប្រកាន់យករបបសង្គមនិយមសម្រាប់ការអភិវឌ្ឍជាតិ។