The360posts

គ្រូបង្រៀននៅប្រទេសអូស្ត្រាលីម្នាក់បាននិយាយថា៖

«យើង​មិន​បារម្ភ​ខ្លាំង​ពេក​ទេ បើ​សិស្ស​បឋម​សិក្សា​យើង​មិន​ពូកែ​គណិត​វិទ្យា យើង​បារម្ភ​ខ្លាំង​ជាង​នេះ​ទៅ​ទៀត ប្រសិន​បើ​ពួក​គេ​មិន​ចេះតម្រង់ជួរ»។

ហេតុអ្វី យើងត្រូវបង្រៀនកុមារ​រហូត​ដល់ 12ឆ្នាំ​ដើម្បី​អោយពួកគេចេះតម្រង់​ជួរ​?

1. ក្មេងៗរៀនគ្រប់គ្រងពេលវេលា ប្រសិនបើអ្នកចង់នៅខាងមុខគេ ត្រូវរៀបចំអោយទាន់ពេល នឹងមកអោយបានលឿន។

2. កុមាររៀនអត់ធ្មត់ដើម្បីរង់ចាំវេនរបស់ពួកគេ ជាពិសេសប្រសិនបើពួកគេនៅជួរក្រោយ។

3. រៀនគោរពសិទ្ធិអ្នកដ៏ទៃ អ្នកដែលមកមុនអាចដល់វេនមុន មិនជ្រៀតជ្រែកសិទ្ធិអ្នកដទៃ។

4. រៀនគិតប្រកបដោយភាពច្នៃប្រឌិត នូវសកម្មភាពអ្វីដែលអាចធ្វើបាន ដើម្បីជម្នះភាពអផ្សុកនៅក្នុងជួរ។ (នៅប្រទេសជប៉ុន ជាធម្មតាមនុស្សអានសៀវភៅពេលរង់ចាំ)

5. អាចរៀនទំនាក់ទំនងសង្គម ស្វាគមន៍ និងជជែកជាមួយមនុស្សផ្សេងទៀតនៅក្នុងជួរ។

6. រៀនវិន័យ សណ្តាប់ធ្នាប់ និងភាពស្អាតស្អំ។

7. រៀនពីភាពខ្មាស់អៀន ប្រសិនបើពួកគេកាត់ជួរ និងសិទ្ធិរបស់អ្នកដទៃ។

8. រៀនពីភាពស្មោះត្រង់ជាមួយខ្លួនឯង និងអ្នកដទៃ

មេរៀន​ដ៏​មាន​តម្លៃ​ដែល​នៅ​ពី​ក្រោយ​ការ​តម្រង់​ជួរគឺសីលធម៌ដ៏មានតម្លៃពេញមួយជីវិតរបស់ពួកគេ។

នៅកន្លែងក្មេងលេង(Kid Playground) យើងនឹងឃើញមានឪពុកម្តាយខ្លះ៖

* បង្ខំកូនរបស់ពួកគេឱ្យ ជ្រៀតចូលជួរកាត់កុមារដទៃទៀតដែលកំពុងតម្រង់ជួរហើយ​និយាយ​ថា "គ្រាន់តែ​ធ្វើ​ពុត​ជា​មិនដឹងទៅ!!"

* ស្តីបន្ទោសកូនថា "កំសាក" ព្រោះកូនមិនចង់ប្រជ្រៀតក្មេងដទៃ។

* មានឳពុកម្តាយប្រើហេតុផលរាប់លាន ឲ្យកូនចូលជួរមុខ ព្រោះហេតុផលនៅតូច នឿយហត់ ផ្ទះគាត់ឆ្ងាយ ត្រូវទៅផ្ទះឆាប់។ល។ និងករណីផ្សេងៗដែលអ្នកប្រហែលជាធ្លាប់ជួបប្រទះ។

តើអ្នកដឹងទេក្មេងៗទាំងនោះធំឡើងនឹងទៅជាយ៉ាងណា? គឺគេក្លាយជាមនុស្សធំ ដែលបើកឡានម៉ូតូប្រសេចប្រសាចពេញផ្លូវនោះឯង។

សូម​មាតាបិតា ​អប់រំ​កូនអោយចេះតម្រង់ជួរ មេរៀនសាមញ្ញសម្រាប់ក្មេងៗ ហើយត្រូវតែអនុវត្តរហូតដល់វាក្លាយជាទម្លាប់របស់កុមារកម្ពុជាគ្រប់រូប។

From