Brain Update

ស្នាមញញឹមគឺសំខាន់...☺️

ត្រូវព្យាយាមឆ្លៀតពេលហាត់ប្រាណឲ្យបានច្រើនផងណា៎អ្នកទាំងអស់គ្នា!🏃🏋️🚴
ដើម្បីសុខភាពរាងកាយ ក៏ដូចជាផ្លូវចិត្តផងដែរ...
បើសុខភាពយើងល្អហើយអ្វីៗក៏ល្អទៅតាមនោះដែរ...

#បំណងល្អពីបងរបស់ខ្ញុំ🥰

ថ្ងៃក្រោយប្រសិនបើអ្នកចង់ដាក់សំណើអ្វីមួយទៅកាន់នរណាម្នាក់ សូមកុំនិយាយពីអ្វីដែលអ្នកចង់បានពីគេ តែត្រូវនិយាយពីអ្វីដែលគេនោះចង់ទទួលបានវិញ។

ដូចជាពាក្យណែនាំរបស់ អូវើស្រ្ទីត ដែលថា "មុនដំបូងត្រូវអូសទាញទឹកចិត្តភាគីម្ខាងទៀតឲ្យមានមហិច្ឆតាចង់បានជាមុនសិន" អ្នកដែលធ្វើបានដូច្នេះពិភពលោកទាំងមូលនិងស្ថិតក្រោមកណ្ដាប់ដៃរបស់គេ។ អ្នកណាធ្វើមិនបាននឹងត្រូវឯកោតែម្នាក់ឯង។

ស្ដាប់ទៅដូចជាចម្លែកណាស់តើមែនឬអត់?
ការពិតទៅវាមិនជាចម្លែកអ្វីនោះទេ ព្រោះថាលើលោកនេះគឺពោរពេញទៅដោយមនុស្សលោភលន់ ស្វែងរកតែប្រយោជន៍ឲ្យខ្លួនឯង ដែលធ្វើឲ្យមនុស្សបន្ដិចបន្តួចមានចិត្តទូលំទូលាយ ព្យាយាមផ្ដល់ប្រយោជន៍ដល់អ្នកដទៃ មិនអាត្មានិយម ទើបគេមានប្រៀបយ៉ាងមហាសាលលើសពីអ្នកដទៃ មានគូប្រកួតតែបន្ដិចបន្តួចប៉ុណ្ណោះ។

ដូចដែល អូវិន ឌី យ៉ាំង ធ្លាប់បាននិយាយថា "បុគ្គលដែលយកចិត្តអ្នកដទៃមកដាក់លើចិត្តខ្លួនឯងបាន ហើយយល់ពីអារម្មណ៍អ្នកដទៃ បុគ្គលនោះក៏លេងភ័យព្រួយពីអនាគតទៀតហើយ"។

ការសម្លឹងមើលពីចិត្តនិងអារម្មណ៍អ្នកដទៃ ហើយបំផុសឲ្យគេនឹកចង់បានអ្វីម្យ៉ាងៗនោះ មិនគួរសម្លឹងទៅលើការឲ្យគេធ្វើអ្វីម្យ៉ាងដើម្បីប្រយោជន៍របស់អ្នកតែម្នាក់ឯង ហើយឲ្យអ្នកដទៃខាតបង់នោះទេ តែត្រូវឲ្យភាគគីនីមួយៗបានទទួលប្រយោជន៍ពីទំនាក់ទំនងនោះ។

#ដកស្រង់ចេញពីសៀវភៅ: សិល្បៈចងមិត្តបន្ទន់ចិត្តអ្នកដទៃ

#តើអ្នកដឹកនាំគួរតែប្រើវិធីស្ដីបន្ទោសដល់បុគ្គលិកដែលបានធ្វើខុសដែរឬទេ?

“ ខ្ញុំយល់ឃើញថា សមត្ថភាពរបស់ខ្ញុំក្នុងការបំផុសកម្មករឬក៏បុគ្គលិកឲ្យខំប្រឹងប្រែងធ្វើការ ជាគុណសម្បត្តិដ៏មានតម្លៃបំផុតដែលខ្ញុំមាន! ចំណែកវិធីអភិវឌ្ឍន៍មនុស្ស ឲ្យឈានទៅដល់សក្ដានុពលខ្ពស់បំផុតរបស់គេ គឺការសរសើរនឹងលើកទឹកចិត្តនេះឯង!” ។
ឆ្វាប បាននិយាយថា គ្មានអ្វីដែលបំផ្លាញភាពសកម្មប្រឹងប្រែងរបស់មនុស្សស្មើនឹងការបន្ទោសរិះគន់ពីបុគ្គលថ្នាក់លើនេះទេ។ ខ្ញុំជឿទៅលើការផ្ដល់កម្លាំងចិត្តរបស់មនុស្សនៅកន្លែងធ្វើការ ដូច្នេះទើបខ្ញុំឧស្សាហ៍លើកសរសើរតែមិនចូលចិត្តចាប់កំហុសអ្នកណា។ បើខ្ញុំពេញចិត្តលើអ្វីមួយហើយខ្ញុំក៏នឹងសម្ដែងការលើកសរសើរដោយសុទ្ធចិត្ត ហើយគាំទ្រការលើកសរសើរនោះយ៉ាងពេញទំហឹង។

នេះគឺជាអ្វីដែល ឆ្វាប បានធ្វើវារួចមកហើយ ប៉ុន្ដែសួរថាអ្វីទៅដែលមនុស្សទូទៅចូលចិត្តធ្វើ? គឺគេធ្វើផ្ទុយពីនេះទៅវិញ បើពួកគេមិនចូលចិត្តអ្វី ពួកគេក៏គំហកកំហែងទៅរកអ្នកតូចតាច តែបើត្រូវចិត្តគេវិញ គេបិទមាត់ឈឹង ដូចតាមកំណាព្យចាស់បុរាណពីរបន្ទាត់សរសេរថា៖

“ពេលធ្វើខុសម្ដង ឡងសំឡេងមិនចេះចប់
ពេលត្រូវពីរត្រឡប់ កប់សំឡេងគ្មានឮអ្វី” ។

ដកស្រង់ចេញពីសៀវភៅ÷ “សិល្បះចងមិត្តបន្ទន់ចិត្តអ្នកដទៃ” ដែលនិពន្ធដោយលោក Dale Carnegie
និងត្រូវបានប្រែសម្រួលដោយលោកគ្រូ គឹម ចាន់ណា