LDP IDEA

អ្វីជាការសង្គ្រោះខ្មែរពិតប្រាកដ? មនុស្សខ្មែរច្រើនណាស់រស់នៅក្នុងភាពជាមនុស្សអាត្មានិយម រស់នៅក្នុងភាពល្ងង់ខ្លៅដែលនឹងក្លាយទៅជាបន្ទុករបស់អ្នកដទៃ។ មនុស្សប្រភេទនេះមិនមានតម្លៃជាមនុស្សទេ គេមិនគួរបានទទួលនូវជំនួយណាមួយពីអ្នកដទៃក្នុងន័យគ្រាន់តែដើម្បីបន្ថយភាពអាក្រក់របស់ពួកគេនៅលើផែនដីនេះអោយកាន់តែយូរនោះទេ។ សម្រាប់ខ្ញុំ មនុស្សប្រភេទនេះមិនទាំងមានតម្លៃសមរស់នៅលើផែនដីនេះផង។

មនុស្សល្អ និងបរិស្ថានធម្មជាតិរងការឈឺចាប់ និងរងការបំផ្លាញអោយវិនាសហិនហោចដោយស្នាដៃមនុស្សប្រភេទនេះច្រើនរហូតពណ៌នាមិនអស់។ មនសិការជាមនុស្សប្រាប់យើងថាពួកមនុស្សប្រភេទនេះមិនមានតម្លៃដើម្បីរស់នៅទេ។ ជួយអោយមនុស្សបែបនេះមានហូបចុក មានស្លៀកពាក់ មានជំរកស្នាក់នៅ និយាយរួមថាជួយអ្វីក៏ដោយអោយតែក្នុងន័យដើម្បីផ្ដល់ភាពងាយស្រួល និងបន្ថយការរស់នៅអោយមនុស្សធុននេះសុទ្ធតែជារឿងមិនគួរធ្វើទាំងអស់ ឬអាចនិយាយបានថាជាការជួយបំផ្លាញសុខសន្តិភាពរបស់មនុស្ស សត្វនិងបរិស្ថានធម្មជាតិទាំងអស់។

មានរបស់តែមួយគត់ ដែលយើងគួរផ្ដល់អោយដល់់មនុស្សប្រភេទនេះ គឺការអប់រំអោយមនុស្សប្រភេទនេះក្លាយទៅជាមនុស្សដែលរស់នៅមានប្រយោជន៍ដល់ពិភពលោក មុននឹងពួកគេទទួលបានជំនួយផ្សេងៗទៀតដែលជាធាតុចាំបាច់សម្រាប់ការរស់នៅសុខស្រួលនិងយូរអង្វែងរបស់ពួកគេ៕__Veasna Khem