People Post

ក្រសួងការបរទេសកម្ពុជា នៅថ្ងៃទី២០មិថុនា បានតវ៉ាជំទាស់ចំពោះសកម្មភាពរបស់យោធាថៃ ដែលរំលោភលើអធិបតេយ្យ និងបូរណភាពទឹកដីរបស់កម្ពុជា លើ បីចំនុច រួមមាន៖

ទី១) ថៃបានលើកទង់ជាតិថៃនៅក្នុង ទឹកដីកម្ពុជា ស្ថិតក្នុងតំបន់ច្រកទ្វារអន្តរជាតិថ្មដា ស្រុកវាលវែង ខេត្តពោធិ៍សាត់ នៅថ្ងៃទី១៧ ខែមិថុនា ឆ្នាំ២០២៦ ។

ទី២) ឃ្លាំងមួយស្ថិតនៅក្នុងបរិវេណសណ្ឋាគារ និងរមណីយដ្ឋាន Royal O Smach ក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ ត្រូវបានដុតបំផ្លាញដោយចេតនា។

ទី៣) ថៃ បានសាងសង់ របងបេតុងនៅក្នុងតំបន់ប្រាសាទតាក្របី ស្ថិតក្នុងស្រុកបន្ទាយអំពិល ខេត្តឧត្តរមានជ័យផងដែរ។

«ភូមិហ្វ្រង់កូហ្វូន»

កម្ពុជាកំពុងត្រៀមទាក់ទាញអ្នកទេសចរតាមរយៈកិច្ចប្រជុំកំពូលនៃប្រទេសនិយាយភាសាបារាំង (ហ្វ្រង់កូហ្វូនី) ដែលមានថ្នាក់ដឹកនាំពីប្រទេសសមាជិកជាង ៩០ ចូលរួម។

«ភូមិហ្វ្រង់កូហ្វូន» គ្រោងនឹងបង្កើតឡើង។ គម្រោងបង្កើត «ភូមិហ្វ្រង់កូហ្វូន (Village Francophone)» ត្រូវបានលើកយកមកពិភាក្សាដោយរដ្ឋមន្ត្រីក្រសួងទេសចរណ៍ និងរដ្ឋមន្ត្រីក្រសួងកិច្ចការនារី កាលពីថ្ងៃទី ១១ ខែមិថុនា កន្លងមក។

កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើកទី ២០ នៅរាជធានីភ្នំពេញ នាចុងឆ្នាំ ២០២៦។ ក្នុងឱកាសនោះ ប្រធានាធិបតីបារាំង លោក អេម៉ានុយអែល ម៉ាក្រុង នឹងអញ្ជើញមកកម្ពុជាផងដែរ៕

លើបណ្ដាញសង្គម ខ្លះ ឆ្លៀតឱកាស ខ្វះវិជ្ជាជីវៈ អសីលធម៌--ពោលគឺប្រាសចាកសីល៥។
គួរមើលហើយពិចារណា កុំរវើរវាយតាម

ផ្ទះពលរដ្ឋខ្មែរ រងការខូចខាតដោយការវាយប្រហារដោយអាវុធធន់ធ្ងន់របស់យោធាថៃ

រូបភាពនេះបានបង្ហាញដោក្រសួងការពារ នៅក្នុងឱកាស ក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីន នៅថ្ងៃអង្គារ ទី២ ខែមិថុនា ឆ្នាំ២០២៦ បានចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន។

ក្រុមអ្នកសង្កេតការណ៍អាស៊ាន បានចុះទៅ សង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន នៅច្រកអានសេះ ស្រុកជាំក្សាន្ត ខេត្តព្រះវិហារ ដែលជាទីតាំងត្រូវបានទទួលរងការវាយប្រហារ រាយបន្លាលួស និងដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃ ដោយបានធ្វើឱ្យប្រជាពលរដ្ឋជាច្រើនគ្រួសារមិនទាន់អាចវិលត្រឡប់ទៅកាន់លំនៅដ្ឋានវិញបាននៅឡើយ និងធ្វើការពិនិត្យលើការគោរព និងការអនុវត្តវិធានការទាំងអស់ក្នុងសេចក្តីប្រកាសរួមក្រោយបទឈប់បាញ់ចូលជាធរមានផងដែរ។

ការចុះសង្កេតការណ៍របស់ក្រុមអ្នកសង្កេតការណ៍អាស៊ាន នៅទីតាំងដែលជាដែនអធិបតេយ្យរបស់កម្ពុជា ហើយត្រូវបានយោធាថៃកាន់កាប់ដោយខុសច្បាប់ខាងលើនេះ គូសបញ្ជាក់ពីភាពចាំបាច់ជាដាច់ខាត ក្នុងការចាប់ផ្តើមកិច្ចការវាស់វែងខ័ណ្ឌសីមាដោយគណៈកម្មការចម្រុះខ័ណ្ឌសីមាព្រំដែនគោក (JBC) កម្ពុជា-ថៃ ឱ្យបានឆាប់បំផុត ស្របតាមកិច្ចព្រមព្រៀងដែលមានស្រាប់ដូចមានចែងនៅក្នុងចំនុចទីបីនៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥ ដើម្បីអនុញ្ញាតឱ្យប្រជាពលរដ្ឋស៊ីវិលស្លូតត្រង់របស់កម្ពុជាអាចវិលត្រលប់ទៅលំនៅដ្ឋានវិញដោយមិនមានការរារាំង ព្រមទាំងដោយសុវត្ថិភាព និងកិត្តិយស។

«បង្រួមក្បាល ពង្រីកខ្លួន»

រដ្ឋាភិបាលគ្រោងបន្ថយ ៣អគ្គនាយកដ្ឋាន និង៣០នាយកដ្ឋានក្នុងក្រសួងចំនួន១៦។

សម្តេចធិបតី ហ៊ុន ម៉ាណែត នាយករដ្ឋមន្រ្តី នៅក្នុងសម្ពោធដាក់ឲ្យប្រើប្រាស់ជាផ្លូវការ អគារទីស្នាក់ការកណ្តាលថ្មីនៃអគ្គនាយកដ្ឋានពន្ធដារនាពេលព្រឹកថ្ងៃទី២១ ខែឧសភា ឆ្នាំ២០២៦ អះអាងថារដ្ឋ គម្រោងកែសម្រួលអគ្គនាយកដ្ឋាន និងនាយកដ្ឋាននេះកើតមាន ក្រោយរដ្ឋាភិបាលចុះពិនិត្យនៅតាមក្រសួងស្ថាប័នចំនួន១៦ និងថា រដ្ឋាភិបាលនឹងបន្តការងារកែទម្រង់ស្ថាប័នរដ្ឋបន្ថែមទៀត ដើម្បីពង្រឹងប្រសិទ្ធភាពការងារ ធនធានមនុស្ស និងកាត់បន្ថយការចំណាយថវិកាជាតិ និងឆ្លើយតបនឹងវិវត្តសង្គមឌីជីថល ផងដែរ។

ការធ្វើកំណែទម្រង់ស្ថាប័នរដ្ឋ «បង្រួមក្បាល ពង្រីកខ្លួន» មិនមែនកាត់អ្នកស្អប់ ហើយដាក់អ្នកស្រឡាញ់នោះទេ។

« ខ្ញុំនិងនាយករដ្ឋមន្ត្រី Anutin បានជួបប្រជុំគ្នាដោយមានការប្តេជ្ញាចិត្តរួមគ្នាសម្រាប់សន្តិភាពយូរអង្វែង។ ការពិភាក្សារបស់យើងផ្តោតលើភាពតានតឹង និងវិធានការកសាងទំនុកចិត្ត ដើម្បីស្តារ និងពង្រឹងក្របខ័ណ្ឌការងារសម្រាប់សន្តិភាពយូរអង្វែង និងធ្វើឱ្យទំនាក់ទំនងប្រែមកធម្មតា។ យើងបានពិភាក្សាអំពីការបន្តឡើងវិញនូវយន្តការដែលមានស្រាប់ទាំងអស់ពោលគឺ JBC, GBC និង RBC»។

ថ្លែងនៅក្នុងសន្និសីទសារព័ត៌មាន ស្តីពីលទ្ធផលនៃជំនួបពិភាក្សាត្រីភាគីរវាងហ្វីលីពីន កម្ពុជា និងថៃ នៅទីក្រុងសេប៊ូ ប្រទេសហ្វីលីពីន នាល្ងាចថ្ងៃទី០៧ ខែឧសភា ឆ្នាំ២០២៦នេះ សម្តេចមហាបវរធិបតី ​ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា កម្ពុជា -ថៃ បានប្តេជ្ញាចិត្តរួមគ្នាសម្រាប់សន្តិភាពយូរអង្វែង។

កម្ពុជាក៏អំពាវនាវឱ្យមានការអនុវត្តពេញលេញ និងជាបន្ទាន់នៃសេចក្តីថ្លែងការណ៍រួមថ្ងៃទី២៧ ខែធ្នូ ទាំងស្រុង ជាពិសេសចំណុចទី៣ ដែលអំពាវនាវឱ្យមានការបន្តការងារស្ទង់មតិដោយ JBC និងកំណត់ព្រំដែនឡើងវិញជាបន្ទាន់ដោយ JBC ស្របតាមកិច្ចព្រមព្រៀងដែលមានស្រាប់ដោយមិនមានការពន្យារពេលបន្ថែមទៀត។

សម្តេច បានបញ្ជាក់ទៀតថា យើងក៏បានគូសបញ្ជាក់ពីសារៈសំខាន់នៃការផ្លាស់ប្ដូររវាងប្រជាជន និងប្រជាជន រួមទាំងតាមរយៈសមាគមមិត្តភាពកម្ពុជា-ថៃ ដែលជាសសរស្តម្ភបំពេញបន្ថែមក្នុងការកសាងទំនុកចិត្តឡើងវិញ និងលើកកម្ពស់ការយោគយល់គ្នាទៅវិញទៅមក។ នាពេលខាងមុខយើងបានប្រគល់ភារកិច្ចឱ្យរដ្ឋមន្ត្រីការបរទេសទាំងពីររបស់យើងចូលរួមក្នុងការពិភាក្សាលម្អិតបន្ថែមទៀត និងអនុវត្តវាទៅមុខតាមរបៀបជាក់ស្តែង និងផ្តោតលើលទ្ធផល ដូចដែលប្រធានាធិបតីបានលើកឡើង។ កម្ពុជាសូមបញ្ជាក់ជាថ្មីថា ព្រំដែនមិនអាចផ្លាស់ប្តូរ ឬកំណត់ដោយកម្លាំង ឬតាមរយៈ «fait accompli» បានទេ។

យុវជនបានអនុវត្ត កាតព្វកិច្ចយោធា ទទួលបានការអប់រំសីលធម៌ វិន័យ នឹងចេះការធ្វើការជាក្រុម។

ក្នុងពេលកម្ពុជាឈានទៅការអនុម័តច្បាប់ កាតព្វកិច្ចយោធា សម្តេចនាយករដ្ឋមន្រ្តី នៅព្រឹកថ្ងៃ២៦ មេសានេះ បានលើកឡើង ថា កាតព្វកិច្ចយោធា ជាការអប់រំសីលធម៌ វិន័យ ការធ្វើការជាក្រុម មិនមែនក្រុមកាប់គ្នាតាមដងផ្លូវនោះទេ។

ក្នុងន័យនេះ គេអាចនិយាយថាយុវជនបានអនុវត្ត កាតព្វកិច្ចយោធា ទទួលបានការអប់រំសីលធម៌ វិន័យ នឹងចេះការធ្វើការជាក្រុម។