The Extreme Reader

មនុស្សភាគច្រើននៅពេលដឹងថាខ្លួនត្រូវបានគេក្បត់ ច្រើនតែផ្ដោតអារម្មណ៍ទៅលើតែ “ជនទីបី”។
👉ពួកគេស្អប់…
👉ពួកគេប្រចណ្ឌ…
👉ពួកគេឈឺចាប់…
ពួកគេស្វែងរកគ្រប់វិធីដើម្បីឃាត់មនុស្សដែលចង់ចាកចេញឲ្យនៅបន្ត។
ប៉ុន្តែ មានមនុស្សតិចណាស់ដែលព្រមឈប់ ដើម្បីសួរខ្លួនឯងថា៖
តើមានអ្វីនៅក្នុងខ្លួនមនុស្សម្នាក់ ដែលធ្វើឲ្យពួកគេហ៊ានដើរឆ្លងកាត់បន្ទាត់ព្រំដែននៃភក្តីភាព?
ការពិតគឺ..ការផិតក្បត់គ្រាន់តែជាលទ្ធផល (ផល)។

👉ចាស់បុរាណមានពាក្យស្លោកមួយឃ្លាថា៖“ចង់ដឹងថដើមឈើមួយដើមនឹងដួលឬអត់ កុំមើលទៅលើខ្យល់ព្យុះ ត្រូវមើលទៅលើប្រព័ន្ធឫសរបស់វា។”
មនុស្សម្នាក់អាចឈរនៅចំពោះមុខការល្បួងរាប់មិនអស់ ប៉ុន្តែនៅតែមិនក្បត់ចិត្ត។
ខណៈពេលដែលមនុស្សម្នាក់ទៀត គ្រាន់តែមានអារម្មណ៍ឯកាបន្តិចបន្តួច មានអ្វីប្លែកថ្មីបន្តិច ឬពាក្យសម្តីផ្អែមល្ហែមពីរបីម៉ាត់ ក៏ព្រមលះបង់និងដោះដូរគ្រួសារទាំងមូលបាត់ទៅហើយ។
ភាពខុសគ្នា មិនមែនស្ថិតនៅលើ «ការល្បួង» នោះទេ ប៉ុន្តែវាស្ថិតនៅលើ «ប្រព័ន្ធគុណតម្លៃ» ដែលពួកគេមាននៅក្នុងខ្លួន។
👉មានអ្នកខ្លះ ចាត់ទុកអាពាហ៍ពិពាហ៍ជា ការទទួលខុសត្រូវ។
👉មានអ្នកខ្លះ ចាត់ទុកពាក្យសន្យាជា កិត្តិយស។
👉មានអ្នកខ្លះ ចាត់ទុកភាពស្មោះត្រង់ជា សីលធម៌និងគុណតម្លៃមនុស្ស។

ប៉ុន្តែក៏មានអ្នកខ្លះ ចាត់ទុកអារម្មណ៍មួយឆាវ សំខាន់ជាងអ្វីៗទាំងអស់។
នៅពេលដែល «ទស្សនៈជីវិត» មិនស៊ីសង្វាក់គ្នា…មនុស្សម្នាក់គិតថា៖ “គ្រួសារជាអ្វីដែលត្រូវតែការពារ។”
ចំណែកមនុស្សម្នាក់ទៀតគិតថា៖ “ឱ្យតែខ្លួនឯងមានក្តីសុខគឺគ្រប់គ្រាន់ហើយ។”មិនយូរមិនឆាប់ ទំនាក់ទំនងនោះនឹងចាប់ផ្តើមមានស្នាមប្រេះស្រាំជាមិនខាន។

👉នៅក្នុងចិត្តវិទ្យាគេយល់ថា៖មនុស្សនឹងតែងតែត្រូវបានដឹកនាំដោយ “ផ្នែកងងឹត” នៅក្នុងខ្លួនរបស់ពួកគេ ប្រសិនបើពួកគេមិនមានស្មារតីរឹងមាំគ្រប់គ្រាន់ដើម្បីប្រឈមមុខ និងកែប្រែវា។

👉មនុស្សដែលមិនចេះគ្រប់គ្រងចំណង់តណ្ហា…
👉មនុស្សដែលតែងតែត្រូវការការកោតសរសើរពីអ្នកដទៃ…
👉មនុស្សដែលប្រើប្រាស់សេចក្តីស្នេហាដើម្បីបំពេញចន្លោះប្រហោងក្នុងព្រលឹង…គឺងាយនឹងទៅស្វែងរកអារម្មណ៍ប្លែកថ្មីពីមនុស្សម្នាក់ផ្សេងទៀតណាស់។
👉នោះហើយជាមូលហេតុ…មានមនុស្សខ្លះ យកអ្នកណាក៏នៅតែផិតក្បត់។មានមនុស្សខ្លះ ស្រឡាញ់អ្នកណាក៏នៅតែលបក្បត់។
បញ្ហាមិនដែលស្ថិតនៅលើដៃគូនោះទេ ប៉ុន្តែវាស្ថិតនៅលើ «អត្ដទិដ្ឋិ (Ego)» ដែលមិនទាន់ពេញវ័យរបស់ខ្លួនឯង។

អ្វីដែលគួរឱ្យខ្លាចបំផុតក្នុងសេចក្តីស្នេហា មិនមែនជាការជួបមនុស្សដែលធ្លាប់ផិតក្បត់នោះទេ។ប៉ុន្តែវាជាការជួបមនុស្សដែលមានប្រព័ន្ធគុណតម្លៃខុសឆ្គង តែចេះលាក់បាំងយ៉ាងជិតដិត។
👉ពួកគេនិយាយពីរោះណាស់។
👉ពួកគេសន្យាច្រើនណាស់។
👉ពួកគេធ្វើឲ្យអ្នករំភើបញាប់ញ័រ។

ប៉ុន្តែនៅពេលត្រូវជ្រើសរើសរវាង ការទទួលខុសត្រូវ និង អារម្មណ៍ផ្ទាល់ខ្លួន… ពួកគេតែងតែជ្រើសរើសខ្លួនឯងមុនជានិច្ច។

ដូច្នេះហើយ…ចង់ដឹងថាមនុស្សម្នាក់សក្តិសមនឹងដើររួមផ្លូវអស់មួយជីវិតដែរឬទេ…
កុំមើលត្រឹមតែរបៀបដែលគេស្រឡាញ់អ្នក។
ត្រូវមើលរបៀបដែលគេប្រព្រឹត្តចំពោះមនុស្សជុំវិញខ្លួន។
មើលរបៀបដែលគេរក្សាពាក្យសន្យា។
មើលរបៀបដែលគេប្រព្រឹត្តនៅពេលដែលគ្មានអ្នកណាតាមដានឃ្លាំមើល។

👉មើលរបៀបដែលគេប្រឈមមុខនឹងការល្បួង។
ពីព្រោះថា គុណសម្បត្តិរបស់មនុស្សមិនមែនបង្ហាញចេញមកនៅពេលមានក្តីសុខនោះទេ ប៉ុន្តែវាត្រូវបានលាតត្រដាងនៅពេលដែលពួកគេ «មានឱកាសដើម្បីក្បត់»។

👉ពីព្រោះអារម្មណ៍រំភើបញាប់ញ័រ អាចអូសបន្លាយត្រឹមតែពីរបីខែ។ ប៉ុន្តែប្រព័ន្ធទស្សនៈជីវិតដ៏ត្រឹមត្រូវមួយ ទើបមានកម្លាំងគ្រប់គ្រាន់ក្នុងការការពារអាពាហ៍ពិពាហ៍បានរាប់សិបឆ្នាំ។
ប្រសិនបើអ្នកធ្លាប់ស្រឡាញ់មនុស្សខុស ធ្លាប់ត្រូវបានគេក្បត់ ឬតែងតែជួបប្រទះនូវទំនាក់ទំនងដែលធ្វើឲ្យខ្លួនឯងឈឺចាប់ដដែលៗ ស្រឡាញ់ទាំងការលះបង់រហូតដល់អស់ថាមពលក្នុងខ្លួន…ប្រហែលជាអ្វីដែលត្រូវព្យាបាល មិនមែនមានត្រឹមតែរបួសបេះដូងនោះទេ… ប៉ុន្តែវាគឺជា «ទម្រង់នៃ (ចិត្តក្រោមបង្គាប់)» ដែលកំពុងដឹកនាំរបៀបដែលអ្នកស្រឡាញ់។
អានសៀវភៅ«ស្រ្តីត្រូវស្គាល់ចិត្តបុរសនិងស្រ្តីមានអំណាច» លោកអ្នកចុចភ្ជាប់តេឡេក្រាមខាងក្រោម។
https://t.me/Soksophat1 See less