POWER SPORT

FIFA បានសម្រេចបដិសេធជាផ្លូវការនូវបណ្តឹងឧទ្ធរណ៍របស់សហព័ន្ធបាល់ទាត់បារាំង (FFF) ដែលបានតវ៉ាប្រឆាំងនឹងការទទួលបានកាតលឿងរបស់កីឡាករ Michael Olise កាលពីការប្រកួតវគ្គ ១៦ក្រុមចុងក្រោយ ទល់នឹងក្រុមជម្រើសជាតិប៉ារ៉ាហ្គាយ នៅក្នុងព្រឹត្តិការណ៍ FIFA World Cup 2026។

ទោះបីជាមានការពិនិត្យឡើងវិញលើរូបភាពវីដេអូបន្ថែម ដែលបង្ហាញយ៉ាងច្បាស់ថា Olise ហាក់បីដូចជាមិនមានការបង្កកំហុសប៉ះទង្គិចទៅលើកីឡាករគូប្រកួតក៏ដោយ ក៏ FIFA នៅតែរក្សាពិន័យកាតលឿងនោះដដែល។

ប្រសិនបើ Olise ទទួលបានកាតលឿងមួយសន្លឹកទៀតនៅក្នុងការប្រកួតទល់នឹងម៉ារ៉ុកនៅរាត្រីនេះ រូបគេនឹងត្រូវបានព្យួរដោយស្វ័យប្រវត្តិនូវការប្រកួតវគ្គពាក់កណ្តាលផ្តាច់ព្រ័ត្រ (Semi-finals) ប្រសិនបើបារាំងអាចឡើងទៅវគ្គបន្ត ។

យ៉ាងណាមិញក្រោយការប្រកាសសម្រេចចិត្តនេះ មតិសាធារណៈជន និងអ្នកវិភាគបាល់ទាត់ជុំវិញពិភពលោកបានសម្តែងការមិនពេញចិត្ត និងរិះគន់ចំៗទៅលើប្រព័ន្ធគ្រប់គ្រងវិន័យរបស់ FIFA ថាមានភាពមិនស៊ីសង្វាក់គ្នា និងខ្វះតម្លាភាព ៕


==============================
វិនិយោគជាមួយ

អតីតអ្នកចាត់ការ Man United លោក Rúben Amorim បានធ្វើការរំលឹកឡើងវិញនូវអនុស្សាវរីយ៍ និងពេលវេលារបស់លោកនៅទឹកដី Old Trafford ព្រមទាំងបានផ្ញើសារសុំទោសយ៉ាងស្មោះស្ម័គ្រទៅកាន់អ្នកគាំទ្រ ចំពោះកំហុសឆ្គងមួយចំនួនដែលបានកើតឡើងក្នុងអំឡុងពេលលោកកាន់តំណែង។

លោក Amorim បានបើកចិត្តនិយាយដោយស្មោះត្រង់អំពីបទពិសោធន៍ និងការរៀនសូត្ររបស់ខ្លួនក្នុងនាមជាគ្រូបង្វឹកនៅ United យ៉ាងដូច្នេះថា ៖

🗣️"រឿងតែមួយគត់ដែលខ្ញុំអាចនិយាយបានគឺថា ខ្ញុំបានរៀនច្រើន ហើយពិតជាបានធ្វើខុសខ្លះមែន។ ខ្ញុំសុំទោសដែលខ្ញុំមិនមានឱកាសនិយាយអ្វីមួយទៅកាន់អ្នកគាំទ្រ United នៅពេលនោះ។ខ្ញុំពិតជាមានមោទនភាពណាស់ដែលបានក្លាយជាគ្រូបង្វឹករបស់ពួកគេអស់រយៈពេលមួយឆ្នាំ"៕


==============================
វិនិយោគជាមួយ