PPR

សម្តេចបវរធិបតី ៖មោទនភាពរបស់យើង ការបណ្តុះបណ្តាលអប់រំ ដល់កុមារតូច និងយុវជនចាប់ពីពេលនេះនឹងក្លាយជាមូលដ្ឋានគ្រឹះដ៏រឹងមាំមួយរបស់សង្គមជាតិកម្ពុជា

កំពង់ស្ពឺ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា មោទនភាពរបស់យើង មិនមែនត្រឹមតែកសាងសាលារៀលល្អ ស្អាត និងវិន័យល្អនោះទេ គឺសិស្សទទួលបានជោគជ័យក្នុងជីវិតរយៈពេល ១០ឆ្នាំ ទៅ២០ឆ្នាំក្រោយ។
ការថ្លែងបែបនេះរបស់សម្តេចបវរធិបតី ហ៊ុន ម៉ាណែត បានធ្វើឡើងនៅក្នុងឱកាសដែលសម្តេចបានអញ្ជើញជាអធិបតីភាពសម្ពោធសមិទ្ធក្នុងវិស័យអប់រំ មានដូចជាអគារសិក្សា អគារ ទីចាត់ការ និងអគារស្នាក់នៅនៅតាមសាលានានា ទូទាំងខេត្តកំពង់ស្ពឺ សរុបចំនួន ១១ខ្នង ស្មើនឹង ១៤៩បន្ទប់ នៅព្រឹកថ្ងៃអង្គារ ទី៨ ខែកក្កដា ឆ្នាំ២០២៥នេះ។
សម្តេចមហាបវរធិបតី ហ៊ុន ម៉ាណែត បានលើកទឹកចិត្តដល់ឪពុក ម្តាយ អាណាព្យាបាល សហគមន៍ សប្បុរសជនទាំងអស់ ទាំងអតីតសិស្ស អ្នកមានលទ្ធភាព ក្រុមការងារចុះមូលដ្ឋានបន្តចូលរួមនូវពង្រឹងវិស័យអប់រំនៅមូលដ្ឋាន។ បន្ថែម ពីនេះអាជ្ញាធរស្រុក ខេត្ត ការិយាល័យអប់រំ មន្ទីរអប់រំ និងគ្រប់ភាគីពាក់ព័ន្ធ ត្រូវខិតខំយកចិត្តទុកដាក់រជំរុញក្នុងការពង្រឹងការអប់រំនៅតាមមូលដ្ឋាន ចំណុចនេះគឺជាអនាគតរបស់កម្ពុជា។
តាមរយៈការពង្រឹងវិស័យអប់រំនេះ, ត្រូវបានសម្តេចបបវរធិបតី នាយករដ្ឋមន្ត្រី បានបង្ហាញនូវក្តីសង្ឃឹមថា កុមារតូច យុវជនកម្ពុជា ទាំងអស់ដែលទទួលបានការអប់រំល្អ មានគុណភាព នឹងក្លាយទៅជាធនធានមនុស្សប្រកបដោយសក្តានុពល សម្រាប់អភិវឌ្ឍន៍ប្រទេសកម្ពុជា នៅក្នុងរយៈពេលវែងនាពេលអនាគត។ ដូច្នេះ ការបណ្តុះបណ្តាលអប់រំ ដល់កុមារតូច និងយុវជនកម្ពុជាចាប់ពីពេលនេះនឹងក្លាយជាមូលដ្ឋានគ្រឹះដ៏រឹងមាំមួយរបស់សង្គមជាតិកម្ពុជា។
សម្តេចបវរធិបតី ហ៊ុន ម៉ាណែត បានអះអាងថា រាជរដ្ឋាភិបាលកម្ពុជានឹងបន្តខិតខំប្រឹងប្រែងយកចិត្តទុកដាក់ឱ្យកាន់ខ្លាំងក្លា សកម្មបន្ថែមទៀតទៅលើវិស័យអបប់រំនៅកម្ពុជា បើទោះបីជាមានបញ្ហាច្រើនត្រូវដោះស្រាយក៏ដោយ ប៉ុន្តែ វិស័យអប់រំ ជាវិស័យអាទិភាពមួយរបស់យុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា។ ជាក់ស្តែងការពង្រឹងវិស័យអប់រំ គឺសម្តេចបានចូលរួមដឹកនាំផ្ទាល់នៅក្នុងមួយផ្នែកលើវិស័យអប់រំនេះ ដែលមានវិធានគន្លឹះ៥ រួមមានវិស័យអប់រំ សុខាភិបាល និងកំណែទម្រង់មុខងារសាធារណៈជាដើម។
សម្តេចបវរធិបតី ហ៊ុន ម៉ាណែត បានបង្ហាញការសប្បាយរីករាយនៅពេលឪពុក ម្តាយ អាណាព្យាបាលរបស់កូនសិស្សនៅគ្រប់សាលាទាំងអស់ បានចូលរួមយ៉ាងសកម្មជាមួយលោកគ្រូ អ្នកគ្រូ តាមគន្លងពង្រឹងវិស័យអប់រំ។ ជាពិសេសចំពោះកម្មវិធីអប់រំមួយចំនួន ដែលបានដាក់ឱ្យអនុវត្តន៍នៅសាលាគោលដៅ ប៉ុន្តែ មានលោកគ្រូ អ្នកគ្រូ នៅសាលាជុំវិញបានមកដកស្រង់បទពិសោធន៍ទាំងនេះ ដើម្បីយកទៅអនុវត្តន៍ក្នុងសាលាបង្រៀនរបស់ពួកគាត់ផ្ទាល់តែម្តង។ ចំណុចនេះហើយដែលរាជរដ្ឋាភិបាលចង់បាន និងកុំចាំបាច់មានអន្តរាគមន៍ពីថ្នាក់លើមក កុំចាំបាច់មានថ្នាក់ដឹកនាំចុះពីលើមកអង្គុយវាយតម្លៃឱ្យពិន្ទុយើង យើងធ្វើខ្លួនឯងតែម្តង នេះហើយគឺជាការស្វ័យអនុវត្តន៍ និងជាមេរៀនដែលត្រូវធ្វើជាប់ជាប្រចាំ ដើម្បីមោទនភាព។
សម្តេចបវរធិបតី ហ៊ុន ម៉ាណែត បានថ្លែងយ៉ាងដូច្នេះថា៖ «មោទនភាពរបស់យើងមិនមែនត្រឹមតែកសាងសាលារៀនមួយដែលល្អ ស្អាត វិន័យល្អនោះទេ មោទនភាពរបស់យើង គឺថាសិស្សដែលសិស្សដែលចេញពីសាលានេះទៅមានឱកាសជោគជ័យ ១០ឆ្នាំ ទៅ២០ឆ្នាំទៀត ដោយសារយើងបានពង្រឹងគេតាំងពីក្មេងនេះជាមោទនភាពដែលត្រូវធ្វើ»។
បន្ថែមពីនេះ សម្តេចបវរធិបតី ហ៊ុន ម៉ាណែត បានលើកឡើងថា ការពង្រឹងលើវិស័យអប់រំ ដល់កុមារតូចៗ ឱ្យមានឥរិយាថប មានគ្រឹះចំណេះដឹងរឹងមាំពីមូលដ្ឋាន នោះនឹងក្លាយជាធនធានមនុស្សប្រកបដោយគុណភាព និងមានឱកាសជោគជ័យទៅថ្ងៃអនាគត។ ដូច្នេះ ហើយលោកគ្រូ អ្នកគ្រូ គឺជាតួអង្គមួយរុញច្រានកូនសិស្សរបស់ពួកគាត់ប្រែក្លាយជាធនធានមនុស្សដ៏ល្អមួយសម្រាប់សង្គមកម្ពុជា។
សម្ដេចបវរធិបតី ហ៊ុន ម៉ាណែត បានបញ្ជាក់ថា គ្រូបង្រៀនទាំងអស់ គឺមានគុណមកលើសិស្សានុសិស្សគ្រប់រូប ព្រោះបើគ្មានគ្រូសិស្សមិនអាចរៀនដល់ថ្នាកឧត្ដមសិក្សាបានឡើយ។ សម្ដេចរម្លឹកថា បើគ្មានគ្រូបង្រៀននៅថ្នាក់ទី១ទេ សម្ដេចក៏មិនអាចបញ្ចប់ការសិក្សាកម្រិតបណ្ឌិតបានឡើយ។
«ខ្ញុំអាចរៀនបណ្ឌិតនៅក្រៅប្រទេស ក៏ដោយសារគុណអ្នកគ្រូ (បង្រៀន) ខ្ញុំថ្នាក់ទី១ដែរ។ គាត់បង្រៀនខ្ញុំសរសេរអក្សរ ក រហូតដល់ អ គាត់បង្រៀនខ្ញុំសរសេរលេខ១ ដល់លេខ១០ ទើបខ្ញុំអាចសរសេរលេខរាប់ពាន់លានបាន»។ នេះជាការលើកឡើងរបស់សម្តេចបវរធិបតី។
សម្តេចមហាបវរធិបតី ហ៊ុន ម៉ាណែត ណែនាំឱ្យបន្តពង្រឹងអភិបាលកិច្ចសាលារៀន តាមរយៈការអនុវត្តស្តង់ដាសាលារៀនគំរូ និងសាលារៀនគោលដៅ «គវអ» ដើម្បីជំរុញការអភិវឌ្ឍប្រព័ន្ធអប់រំខេត្ត ឱ្យកាន់តែរឹងមាំ ទំនើប និងប្រកបដោយនវានុវត្តន៍ សំដៅធានាបាននូវសេវាអប់រំដែលមានគុណភាព ប្រសិទ្ធភាព និងសមធម៌៕

នគរបាលខណ្ឌឬស្សីកែវ ចុះបង្ក្រាបទីតាំងជល់មាន់មួយកន្លែងឃាត់ខ្លួនមនុស្ស ៧នាក់

ភ្នំពេញ ៖ កម្លាំងនគរបាលខណ្ឌឬស្សីកែវ បានចុះបង្ក្រាបទីតាំងបើកលេងល្បែងស៊ីសងខុសច្បាប់ (ភ្នាល់មាន់ជល់) និងប្រឆាំងនិងអ្នករាជការសាធារណ: (ប្រើអំពើហិង្សាលើសមត្ថកិច្ច) ដោយឃាត់ខ្លួនអ្នកញៀនល្បែងជល់មាន់ ៧នាក់ និងដកហូតវត្ថុតាងមួយចំនួន។

ប្រតិបត្តិការនេះ បានធ្វើឡើង កាលពីរសៀល ថ្ងៃទី២១ ខែកក្តដា ឆ្នាំ២០២៤ នៅចំណុចដីឡូត៍ ផ្លូវលំ ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួន រួមមាន ៖
១-ឈ្មោះ មាន ស៊ីនាត ភេទប្រុស អាយុ៣៤ឆ្នាំ មុខរបរចុងភៅ ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។ (ភ្ងាក់ងារ)
២-ជនសង្ស័យឈ្មោះ ហេង គ្រីស្នា ហៅក្រៅ វង្ស ភេទប្រុស អាយុ២៤ឆ្នាំ មុខរបរជាងកញ្ចក់ ស្នាក់នៅ សង្កាត់អូបែកក្អម ខណ្ឌសែនសុខ ។ (ប្រឆាំងអ្នករាជការ)
៣-ជនសង្ស័យឈ្មោះ ជួន តូ ភេទប្រុស អាយុ៤៤ឆ្នាំ មុខរបររត់កង់បី ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។ (អ្នកលេង)
៤-ជនសង្ស័យឈ្មោះ ឈីន តី ភេទប្រុស អាយុ២៦ឆ្នាំ មុខរបរលក់នំប័ង ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។
៥-ជនសង្ស័យឈ្មោះ យេង ទីន ភេទប្រុស អាយុ៤៨ឆ្នាំ មុខរបរជាងសំណង់ ស្នាក់នៅបន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ ។
៦-ជនសង្ស័យឈ្មោះ ជិន សុឃាង ភេទប្រុស អាយុ៤១ឆ្នាំមុខរបរ ជាងសំណង់ ស្នាក់នៅ បន្ទប់ជួល សង្កាត់ដង្កោ ខណ្ឌដង្កោ ។
៧-ជនសង្ស័យឈ្មោះ សៀក ផាន់នី ភេទប្រុស អាយុ៤២ឆ្នាំ មុខរបរលក់ដូរ ស្នាក់នៅភូមិ បាត់ទូក សង្កាត់ទួលសង្កែ ខណ្ឌឬស្សីកែវ ។
សម្ភារ:ដកហូតរួមមាន ៖ លុយចំនួន១០មុឺនរៀល, មាន់ជល់ចំនួន០១ក្បាល, ខ្នាយដែកចំនួន០១គូរ និងទូរសព្ទចំនួន០៧គ្រឿង ។
បច្ចប្បន្នជនសង្ស័យរួមទាំងវត្ថុតាងត្រូវបានឃាត់ខ្លួនបណ្តោះអាសន្ននៅអធិការដ្ឋានខណ្ឌឬស្សីកែវ ដើម្បីសាកសួរ និងកសាងសំណុំរឿងនិងចាត់ការបន្តតាមនិតិវិធី៕

ឯកឧត្តមទេសរដ្ឋមន្រ្តីលី ធុជ ៖ រដ្ឋាភិបាលកម្ពុជា បានត្រៀមលក្ខណៈដើម្បីសហការគាំទ្រចំពោះយុទ្ធសាស្រ្តថ្មីសម្រាប់កិច្ចសហប្រតិបត្តិការគំនិតផ្តួចផ្តើមថ្មីលើសកម្មភាពមីន ជប៉ុន-កម្ពុជា
‘’’’’’’’’’’’’’’’’’’’’’’’
ភ្នំពេញ៖
ឯកឧត្តមទេសរដ្ឋមន្រ្តីលី ធុជ បានបញ្ជាក់ថា៖ រដ្ឋាភិបាលកម្ពុជា បានត្រៀមលក្ខណៈ ដើម្បីសហការគាំទ្រចំពោះយុទ្ធសាស្រ្តថ្មីសម្រាប់កិច្ចសហប្រតិបត្តិការគំនិតផ្តួចផ្តើមថ្មីលើ
សកម្មភាពមីន ជប៉ុន-កម្ពុជា ។
ឯកឧត្តមបណ្ឌិតលី ធុជ ទេសរដ្ឋមន្រ្តី និងជាអនុប្រធានទី១ អាជ្ញាធរមីន បានបញ្ជាក់បែបនេះ ខណៈឯកឧត្ដមទទួលជួប ពិភាក្សាការងារ ជាមួយ លោក YAMAGUCHI Natsuo សមាជិកព្រឹទ្ធសភា និងជាប្រធានគណបក្ស Komeito ជប៉ុន និងគណៈប្រតិភូមកពីប្រទសជប៉ុន តំណាងរាស្រ្តជប៉ុន តំណាងក្រសួងការបរទេសជប៉ុន និងស្ថានទូតជប៉ុនប្រចាំកម្ពុជា នៅថ្ងៃរសៀលថ្ងៃទី១៥ ខែកក្ដដា ឆ្នាំ២០២៤ នៅស្នាក់ការអាជ្ញាធរមីនកម្ពុជា ។
ឯកឧត្តមទេសរដ្ឋមន្រ្តី លី ធុជ បានបញ្ជាក់ថា ដំណើរទស្សនកិច្ចរបស់គណៈប្រតិភូជាន់ខ្ពស់ជប៉ុនមកកម្ពុជា បង្ហាញពីសក្ខីភាពនៃទំនាក់ទំនងយូរអង្វែង ជាប្រវត្តិសាស្រ្ត និងស៊ីជម្រៅរវាងប្រទេស និងប្រជាជនទាំងពីរ ចាប់តាំងពីឆ្នាំ១៦០៣ ក្នុងខណៈដែលកាប៉ាល់ពាណិជ្ជកម្មកម្ពុជាបានចូលចតនៅកំពង់ផែ Nagasaki និងការបង្កើតទំនាក់ទំនងការទូតផ្លូវការរវាងកម្ពុជា-ជប៉ុន ចាប់តាំងពីឆ្នាំ១៩៥៣។
តំណាងរាជរដ្ឋាភិបាល និងប្រជាជនកម្ពុជា ឯកឧត្តមទេសរដ្ឋមន្រ្តី លី ធុជ បានអរគុណ ដល់រាជរដ្ឋាភិបាលជប៉ុន ដែលចូលរួមចំណែកក្នុងដំណើរការស្វែងរកសន្តិភាពនៅកម្ពុជា និងការស្តារប្រទេសជាតិឡើងវិញ ក្នុងនោះរួមចំណែកដល់សកម្មភាពមីនមនុស្សធម៌រយៈពេលជាង៣០ឆ្នាំ ចាប់ពីឆ្នាំ១៩៩២ ផងដែរ។ ការចូលរួមរបស់ជប៉ុន ពិតជាបានឆ្លើយតបនឹងគោលនយោបាយកាត់បន្ថយភាពក្រី ការកាត់បន្ថយគ្រោះថ្នាក់ ជួយសង្រ្គោះអាយុជីវិត ផ្តល់ដីសម្រាប់បង្កបង្កើនផល និងលើកកម្ពស់ជីវភាពរស់នៅរបស់ប្រជាជនកម្ពុជានៅតាមមូលដ្ឋាន។ សម្តេចធិបតីនាយករដ្ឋមន្រ្តី ឯកឧត្តមទេសរដ្ឋមន្រ្តី បានគូសបញ្ជាក់បន្ថែមទៀតថា រដ្ឋាភិបាលកម្ពុជា បានត្រៀមលក្ខណៈដើម្បីសហការគាំទ្រចំពោះយុទ្ធសាស្រ្តថ្មីសម្រាប់កិច្ចសហប្រតិបត្តិការ “គំនិតផ្តួចផ្តើមថ្មីលើសកម្មភាពមីន ជប៉ុន-កម្ពុជា” ហើយកម្ពុជាត្រៀមសហការ និងផ្តល់ភាពជាដៃគូ ដើម្បីភាពជោគជ័យរបស់ជប៉ុនក្នុងការធ្វើជាប្រធានកិច្ចប្រជុំរដ្ឋភាគីលើកទី២២ ឆ្នាំ២០២៥ នៃអនុសញ្ញាស្តីពីការហាមប្រាមការប្រើប្រាស់មីនប្រឆាំងមនុស្ស (អនុសញ្ញាអូតាវ៉ា)។
ឯកឧត្តម YAMAGUCHI Natsuo បានលើកឡើងថា ឯកឧត្តម បានទស្សនកិច្ចនៅកម្ពុជាចំនួនពីរដងក្នុងឆ្នាំ១៩៩១ និងឆ្នាំ១៩៩២ ក្នុងដំណើរទស្សនកិច្ចចុងក្រោយរបស់ឯកឧត្តមនៅកម្ពុជា ឯកឧត្តមនឃើញយ៉ាងច្បាស់អំពីស្ថានភាពលំបាករបស់ប្រជាជនកម្ពុជា ដែលបានរងគ្រោះដោយសារមរតកនៃសង្រ្គាម ថែមទាំងរងគ្រោះថ្នាក់ដោយសារគ្រាប់មីន និងសំណល់ជាតិផ្ទុះពីសង្រ្គាម។ មូលហេតុនេះ បានធ្វើឱ្យរាជរដ្ឋាភិបាលជប៉ុន សម្រេចចិត្តក្នុងការប្រើប្រាស់ធនធានរបស់ខ្លួន រួមចំណែកដល់ការលប់បំបាត់គ្រាប់មីននៅទូទាំងពិភពលោក។
ឯកឧត្តម YAMAGUCHI Natsuo បានបន្តទៀត ប្រទេសជប៉ុន បានដាក់ចេញនូវគោលការណ៍ចំនួន ០៣ ក្នុងការរួមចំណែកដល់វិស័យសកម្មភាពមីន រួមមាន ៖ ទី១/. ការបោសសម្អាតមីន និងសំណល់ជាតិផ្ទុះពីសង្រ្គាម ទី២/. ការអប់រំផ្សព្វផ្សាយការយល់ដឹងអំពីមីន និងទី៣/. កិច្ចសង្រ្គោះជនរងគ្រោះ រួមទាំងការស្តារសម្បទាឡើងវិញ និងការបណ្តុះបណ្តាលវិជ្ជាជីវៈ។
ឯកឧត្តម YAMAGUCHI Natsuo បានសរសើរចំពោះសមិទ្ធផលសម្រេចបានរបស់កម្ពុជា ហើយបញ្ជាក់ថា កម្ពុជាមានជំនាញគ្រប់គ្រាន់ក្នុងការងារបោសសម្អាតមីន និងចែករំលែកបទពិសោធន៍របស់ខ្លួនទៅកាន់ពិភពលោក ដែលកំពុងជួបហានិភ័យដោយសារមីន។ ឯកឧត្តមក៏បានស្នើឱ្យជប៉ុន-កម្ពុជា បន្តរួមគ្នាដោះស្រាយបញ្ហាមីននៅលើពិភពលោក ៕ ដោយ សំរិត

កាណូតឈ្មោះបុប្ផាអង្គរទេសចរណ៌ត្រូវ បាន បញ្ចប់ អាជ្ញាធរ ប័ណ្ណចាប់ ពី ពេល នេះ តទៅក្រោយបោះសំរាមចូលទន្លេ

ភ្នំពេញ៖ពលរដ្ឋនិងមន្ត្រីរាជការបាននាំគ្នារិៈគន់ចំពោះទង្វើ អាក្រក់ របស់កាណូតទេសចរណ៌មួយគ្រឿងឈ្មោះបុប្ផាអង្គរទេសចរណ៌ដែលចោលសំរាមក្នុងទន្លេសាបនាព្រឹកថ្ងៃទី២៩ឧសភា២០២៤នេះដែលមិនគួរ យក គំរូ តាម ជាទង្វើ ដែល បំផ្លាញ មុខមាត់ និងការ ខិតខំ របស់ អាជ្ញាធរ រាជធានីហេីយ ករណី នេះ ត្រូវ បាន អាជ្ញាធរ មាន សមត្ថកិច្ច ខណ្ឌដូនពេញនិង មន្ទីរ ពាក់ព័ន្ធ ហៅ អ្នក ទទួល ខុសត្រូវ មក សួរនាំ និង ចាត់ វិធាន ការ រួចហើយ ។
ជាលទ្ធផល ៖ ១. ទូកទេសចរណ៌មួយគ្រឿងឈ្មោះបុប្ផាអង្គរទេសចរណ៌ត្រូវទទួល ពិន័យ អន្តរកាល ត្រង់ ជំពូក ទី៧ នៃ អនុក្រឹត្យ លេខ ១១៣ ។
២. ត្រូវ បាន បញ្ចប់ អាជ្ញាធរ ប័ណ្ណទូក ទេសចរណ៍ ចាប់ ពី ពេល នេះ តទៅ។
រូបភាពលោកឈាង ប៊ុនថានិងខ្លឹមសាររបស់លោកស្រីដោ សម្ផស្ស

សម្តេចធិបតី ហ៊ុន ម៉ាណែត ប្រកាសស្វាគមន៍ លោក គង់ សភា ហើយនឹងចាត់ចែងតាមនីតិវិធីដើម្បីឲ្យលោកអាចវិលត្រឡប់មកកាន់មាតុប្រទេសវិញ

ភ្នំពេញ៖តាមរយៈបណ្តាញសង្គម Facebook នៅល្ងាចថ្ងៃទី១៨ ខែមេសានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានប្រកាសស្វាគមន៍ លោក គង់ សភា អតីតតំណាងរាស្ត្រ អតីតគណបក្សសង្គ្រោះជាតិ ហើយអះអាងថា នឹងចាត់ចែងតាមនីតិវិធីដើម្បីឲ្យលោកអាចវិលត្រឡប់មកកាន់មាតុប្រទេសវិញ។
សម្តេចធិបតី បានសរសេរដូច្នេះថា៖ «
ជូនចំពោះលោក គង់ សភា
ខ្ញុំបានទទួលរួចហើយនូវលិខិតសូមអភ័យទោសរបស់លោកដែលផ្ញើមកឲ្យខ្ញុំ។ ខ្ញុំសូមស្វាគមន៍លោក។
ខ្ញុំនឹងចាត់ចែងតាមនីតិវិធីដើម្បីឲ្យលោកអាចវិលត្រឡប់មកកាន់មាតុប្រទេសវិញ។ សង្ឃឹមថាយើងនឹងមានឱកាសជួប សន្ទនាជាមួយគ្នានៅពេលខាងមុខ»។
សូមបញ្ជាក់ថា លោក គង់ សភា អតីតំណាងរាស្ត្រ អតីតគណបក្សសង្គ្រោះជាតិ តាមរយៈលិខិតមួយនាថ្មីៗនេះ បានទទួលស្គាល់កំហុស ហើយបានស្នើសម្តេចធិបតី ហ៊ុន ម៉ាណែត អន្តរាគមន៍លើកលែងទោស ដើម្បីលោកអាចវិលមកខ្មែរវិញ និងជួបជុំគ្រួសារ មើលថែឪពុកម្តាយចាស់ជរា៕