Kunthy.com

UPDATE: ជំងឺកូវីដ ១៩៖
1- ឆ្លង៖ ជាង662.000 នាក់។ ស្លាប់៖ ជាង30.000 នាក់។ ជាសះស្បើយ៖ ជាង 141.000 នាក់។
2- សហរដ្ឋអាមេរិកឆ្លងជាង 123.000 នាក់។ ឆ្លងជិត 20.000 នាក់/ថ្ងៃ។ ស្លាប់សរុប៖​ ជាង 2.200 នាក់។ ស្លាប់ជាង500/ថ្ងៃ។
3- អ៊ីតាលីឆ្លងជាង 92.000 នាក់។ ស្លាប់សរុប៖ ជាង10.000នាក់។ ស្លាប់៖ 889 នាក់/ថ្ងៃ។ ពេទ្យឆ្លងជាង 6.000 នាក់និងស្លាប់ជាង50 នាក់។
4- អេស្ប៉ាញតាមជិតទាន់ចិនដោយឆ្លងសរុប៖ ជាង73.000 នាក់។ ស្លាប់សរុបជិត 6.000 នាក់។ ស្លាប់ជាង 800 នាក់/ថ្ងៃ។
5- នៅញ៉ីវយ៉ក ពេទ្យអាចធ្វើតេស្តឈាមរកអង្គបដិបក្ខ (Antibodies) ដើម្បីរកវីរុសកូរ៉ូណា។ ក្នុងពេលជាមួយគ្នានេះដែរអាជ្ញាធរស្បៀងអាហារនិងឱសថបានអនុញ្ញាតឱ្យប្រើតេស្តថ្មីដែលអាចរកវីរុសឃើញតែក្នុងរយៈពេល 5 នាទី។
6- អ្នកជាសះស្បើយនៅទីក្រុងវូហានចំនួនពី 5 ទៅ 10 ភាគរយ ត្រូវបានធ្វើតេស្តឃើញមានវីរុសឡើងវិញ។ ក្នុងពេលជាមួយគ្នានេះដែរមានការសង្ស័យពីតួលេខអ្នកស្លាប់ដោយសារតែកន្លែងបញ្ចុះអដ្ឋិធាតុមួយនៅវូហានទទួលបានកោដ្ឋចំនួន5.000 តែក្នុងរយៈពេល2ថ្ងៃ។ តួលេខអ្នកស្លាប់ដោយវីរុសកូរ៉ូណានៅចិនមានតែ 3.295 នាក់។
7- អង្គការសហប្រជាជាតិផ្តល់ម៉ាស 250.000 ទៅទីក្រុងញ៉ីវយ៉កក្នុងពេលដែលមានអ្នកឆ្លងនៅរដ្ឋនេះមានចំនួនជាង 53.000 នាក់និងស្លាប់883 នាក់។
8- លោកប្រធានាធិបតីត្រាំកំពុងពិចារណាដាក់បម្រាមឱ្យនៅមួយកន្លែងនៅផ្នែកខ្លះនៃទីក្រុងញ៉ីវយ៉ក។ ប៉ុន្តែអភិបាលរដ្ឋបដិសេធ។ រីឯរដ្ឋផ្លរីដាវិញបានដាក់ចំណុចត្រួតពិនិត្យដើម្បីហាមអ្នកញ៉ីវយ៉កមិនឱ្យចូល។
9- តារាភាពយន្ត Tom Hanks និងភរិយា Rita Wilson បានត្រឡប់មកដល់ផ្ទះនៅក្រុងឡូសអាន់ជឺឡេស រដ្ឋកាលីហ្វញ៉ាវិញក្រោយពីជាសះស្បើយបន្ទាប់ពីឆ្លងពេលថតភាពយន្តនៅអូស្រ្តាលី។
10- រហូតមកដល់ពេលនេះមានរដ្ឋចំនួន22បានដាក់បម្រាមឱ្យពលរដ្ឋនៅផ្ទះដើម្បីទប់ស្កាត់ការឆ្លង។
11- បារាំងមានអ្នកឆ្លងច្រើនជាងអ៊ីរ៉ង់ដោយឆ្លងសរុបជាង 57.000 នាក់និងស្លាប់ជាង 2.300 នាក់។
12- អង់គ្លេសមានអ្នកស្លាប់ជាង1.000 នាក់ និងឆ្លងជាង17.000 នាក់។

(Sources: JHU, Worldometers, Fox news, NPR, CBS, NYT, WP)