Propey Microfinance PLC

Job Announcement
Position Title: Internal Audit Manager

ក្នុងឱកាសពិធីបុណ្យប្រពៃណីជាតិខ្មែរ យើងខ្ញុំជាបុគ្គលិកគ្រប់ជាន់ថ្នាក់នៃគ្រឹះស្ថានមីក្រូហិរញ្ញវត្ថុ ប្រពៃ ម៉ាយក្រូហ្វាយនែន ម.ក សូមបួងសួងដល់ទេវតាឆ្នាំថ្មី ប្រសិទ្ធពរជ័យដល់លោកអគ្គនាយកប្រតិបត្តិ នឹងភរិយាព្រមទាំងបុត្រ នឹងក្រុមគ្រួសារ អោយជួបតែសេចក្តីសុខ សេចក្តីចម្រើន និងពុទ្ធពរ ទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🙏

ក្នុងឱកាសពិធីបុណ្យប្រពៃណីជាតិខ្មែរ យើងខ្ញុំជាគណៈគ្រប់គ្រង និងបុគ្គលិកគ្រប់ជាន់ថ្នាក់នៃគ្រឹះស្ថានមីក្រូហិរញ្ញវត្ថុ ប្រពៃ ម៉ាយក្រូហ្វាយនែន ម.ក សូមបួងសួងដល់ទេវតាឆ្នាំថ្មី ប្រសិទ្ធពរជ័យដល់ ថ្នាក់គ្រប់គ្រងជាន់ខ្ពស់ព្រមទាំងក្រុមគ្រួសារ អោយជួបតែសេចក្តីសុខ សេចក្តីចម្រើន និងពុទ្ធពរ ទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🙏

នកស្រី ឆាង លក្ខិណា មានអាយុ ២៨ឆ្នាំ ជាស្រ្តីមេម៉ាយ មានមុខរបរជាជាង ផាត់មុខ និងធ្វើសក់ នៅក្នុងផ្សារមួយដែលនៅជិតផ្ទះរបស់គាត់។ សព្វថ្ងៃអ្នកស្រីរស់នៅក្នុង ភូមិគោកស្រុក ឃុំពួក ស្រុកពួក ខេត្តសៀមរាប ហើយត្រូវចិញ្ចឹមកូនស្រីតូចមួយ និងម្តាយរបស់គាត់ផង។ អ្នកស្រីបានមានប្រសាសន៍ថា ដោយសារតែអ្នកស្រីជាស្រ្តីមេម៉ាយ ហេតុដូចនេះ នៅក្នុងឆ្នាំ២០១៨ អ្នកស្រី បានសម្រេចចិត្តបង្កើតអាជីវកម្មផ្ទាល់ខ្លួនមួយដើម្បីរកប្រាក់ចំណូលសម្រាប់ផ្គត់ផ្គង់គ្រួសារដោយប្រើប្រាស់កម្ចីជាមួយគ្រឹះស្ថានមីក្រូហិរញ្ញវត្ថុមួយកន្លែងជាលើកដំបូង ចំនួន ៥០០ ដុល្លារ ដើម្បីទិញសម្ភារដូចជា៖ ម៉ាស៊ីនកៀបសក់ កៅអី និងផលិតផលថែរក្សាសក់ផ្សេងៗ។ អ្នកស្រីបានមានប្រសាសន៍បន្តថា ដោយសារតែចំនួនអតិថិជនមានការកើនឡើងពីមួយថ្ងៃទៅមួយថ្ងៃ អ្នកស្រីក៏បានប្រើប្រាស់កម្ចីជាលើកទី៤ ចំនួន ៣.០០០.០០០ រៀល ដើម្បីយកទៅទិញផលិតផល និងសម្ភារបន្ថែម។ មកដល់ឆ្នាំ២០២២ អ្នកស្រីបានកម្ចីពីគ្រឹះស្ថានមីក្រូហិរញ្ញវត្ថុនោះជាលើកទី៧ ចំនួន ៤.០០០.០០០ រៀល ដើម្បីយកមកកែលម្អតូបរបស់អ្នកស្រីឱ្យកាន់តែមានភាពទាក់ទាញបន្ថែមទៀត ពីព្រោះបច្ចុប្បន្ន មានការប្រកួតប្រជែងនៅក្នុងទីផ្សារយ៉ាងខ្លាំងសម្រាប់អាជីវកម្មមួយនេះ។

អ្នកស្រីបានឱ្យដឹងថា ចាប់តាំងពីប្រើប្រាស់កម្ចីជាមួយគ្រឹះស្ថានមីក្រូហិរញ្ញវត្ថុកន្លងមក ក្រុមគ្រួសារអ្នកស្រីមានជីវភាពល្អប្រសើរជាងមុន តាំងពីមិនមានយាន្តជំនិះផ្ទាល់ខ្លួនប្រើប្រាស់ត្រឹមត្រូវ រហូតដល់មានអ្វីៗជាច្រើនដែលគាត់ត្រូវការ។ លើសពីនេះទៅទៀត អ្នកស្រីអាចរកប្រាក់ចំណូលបានក្នុងមួយថ្ងៃពី ១០០.០០០ រៀល ទៅ ២០០.០០០ រៀល បើធៀបពីមុន អ្នកស្រីអាចរកចំណូលបានត្រឹមតែ ៤០.០០០ ទៅ ៥០.០០០ រៀលតែប៉ុណ្ណោះក្នុងមួយថ្ងៃ។

បំណងប្រាថ្នាទៅថ្ងៃអនាគត អ្នកស្រីមានបំណងចង់ទិញតូបមួយបន្ថែមទៀត និងផ្ទះផ្ទាល់ខ្លួន ដោយសារសព្វថ្ងៃ នេះ អ្នកស្រីរស់នៅជាមួយម្តាយ។ ជាចុងក្រោយ អ្នកស្រីមានសេចក្តីសោមនស្សយ៉ាងខ្លាំង ដែលគ្រឹះស្ថានមីក្រូហិរញ្ញវត្ថុបានផ្តល់កម្ចីជូនដល់អ្នកស្រី ដែលធ្វើឱ្យអ្នកស្រីមានមុខរបរផ្ទាល់ខ្លួនមួយច្បាស់លាស់ និងជីវភាពល្អប្រសើរ លើសពីនេះទៅទៀតអ្នកស្រីបានថែ្លងអំណរអរគុណដែលគ្រឹះស្ថានមីក្រូហិរញ្ញវត្ថុ គឺជាស្ថាប័នដែលគ្មានការរើសអើងទៅលើស្ត្រីមេម៉ាយ។