Thavrat Development

នេះជាអត្ថបទ និង រូបភាពដេីមទាំងស្រុងរបស់ខ្ញុំ​ សរសេរចេញកាលពីអាយុខ្ទង់​ 22-23 ឆ្នាំ​ ។ តាមការឆ្លុះបញ្ចាំងឡេីងវិញនេះ​ បានបង្ហាញខ្លួនឯងអោយឃេីញថា​ ចិត្តគំនិតក្មេងវ័យនាពេលនោះ​ ខ្ញុំពិតជាមានឆន្ទៈក្នុងការរីកចម្រេីន​។

នេះជាអត្ថបទទាំងស្រុង​មិនមានការកែសម្រួលទេ​។ សូមអធ្យាស្រ័យនូវរាល់ចំនុចលេីសលួស​ ខ្វះខាត​ និង​ ខុសនូវអក្ខរាជាដេីម។ ខ្ញុំសូមអរគុណខ្លួនឯង​ ដែលតាំងពីដឹងក្តីរហូតមកដល់វ័យនេះ​ គ្រប់ជំហាន​ និង​ គ្រប់ការសម្រេចចិត្ត​សុទ្ធតែនាំមកនូវគុណសម្បត្តិដ៏ឧត្តមសម្រាប់ខ្លួនឯង​។

ផុសឡេីងវិញថ្ងៃទី​ 31 ខែ​ មករា​ 2024
_____________________________________

❤សត្វឥន្រ្ទីគឺជាកំពូលនិមិត្តរូបរបស់ខ្ញុំ❤

មកដល់ពេលនេះរឿងរ៉ាវរបស់សត្វឥន្រ្ទីនៅតែដាស់តឿន,លើកទឹកចិត្តខ្ញុំក្នុងការផ្លាស់ប្តូរនិងអភិវឌ្ឍន៍ខ្លួនជាប្រចាំ។

សំរាប់បងប្អូនដែលមានបំណងចង់ធ្វើការផ្លាស់ប្តូរខ្លួនឯង ខ្ញុំគិតថាការចែករំលែកប៉ុន្មានចំនុចនៃសត្វឥន្រ្ទីនេះ អាចជាចំនែកតូចមួយដែលអាច ជួយដល់បងប្អូនធ្វើការពិចារណាបាន។

រាល់ក្នុងមួយជីវិតរបស់សត្វឥន្រ្ទីវាត្រូវប្រឈមមុខនឹងហេតុការណ៍គួរអោយខ្លាចមួយ សត្វឥន្រ្ទីទាំងអស់អាចរស់នៅបានរហូតដល់អាយុ 70 ឆ្នាំ ប៉ុន្តែក្នុងដំនើរការនៃការលូតលាស់បានត្រឹមអាយុ40ឆ្នាំ ចំពុះរបស់វាចាប់ផ្តើមដុះឡើងកោងខ្លាំងពិបាកក្នុងការសុីចំនី, ក្រចករបស់វាវែងហើយកោងពិបាកក្នុងការឆាបចាប់យកចំនី, រីឯខ្លួននិងស្លាបរបស់វាមានរោមដុះក្រាស់ធ្ងន់ ពិបាកក្នុងការហើរទៅកាន់ទីដែរខ្ពស់ និងមានល្បឿនយឺតក្នុងការហោះហើរ, ដើម្បីអាចរស់បន្តរបាន 30 ឆ្នាំទៀតសត្វឥន្រ្ទីត្រូវធ្វើការសំរេចចិត្ត....

📛វាមានជំរើស2សំរាប់ជីវិត
-ទីមួយ : វាត្រូវបណ្តោយខ្លួនតាមវាសនារហូតដល់ចំពុះវាសុីចំនីលែងបានរហូតដល់ស្លាប់។
-ទីពីរ : វាត្រូវសំរេចចិត្តផ្លាស់ប្តូរខ្លួនឯង យ៉ាងឈឺចាប់វេទនាបំផុត.... របៀបនៃការផ្លាស់ប្តូររបស់វាគឺ វាត្រូវបង្ខំចិត្ត ហើរទៅបុកនឹងផ្ទាំងថ្មខ្លាំងៗ បុកហើយបុកទៀតរហូតដល់ជ្រុះរោមអស់ពីខ្លួន វាក៏បានប្រើចំពុះរបស់វាចាប់ទាញដករោមរបស់វាចេញពីខ្លួនម្តងមួយៗរហូតដល់ ដាច់ចេញឈាមយ៉ាងឈឺចាប់បំផុតដែរ, ចំពុះនិងក្រចករបស់វាត្រូវបាន ត្រដុសនឹងផ្ទាំងថ្មខ្លាំងៗដើម្បីសំលៀងក្រចកនិងចំពុះ របស់វាអោយមុតស្រួចឡើងវិញ ។

ការផ្លាស់ប្តូរខ្លួនឯង អាចធ្វើអោយវាប្រែក្លាយជាទៅជាកំពូលនៃសត្វឥន្រ្ទីដែលមានអាយុវែង, កំលាំងខ្លាំងអស្ចារ្យ ចំពុះនិងក្រចករបស់វាមុតស្រួច, ល្បឿននៃការហោះរបស់វាខ្ពស់ហើយលឿនជាងសត្វឥន្រ្ទីដទៃទៀតឆ្ងាយណាស់ ។

🌹ភ្នែករបស់វាមុតក្នុងការសំលឹងមើលស្ថានការណ៍និងគោលដៅរបស់វាខ្លាំងណាស់។

🌸ចំនុចពិសេសរបស់ឥន្រ្ទីមួយទៀតគឺវាមានភាពអស្ចារ្យខុសពីសត្វស្លាបដទៃ ពេលដែលមានមេឃភ្លៀងឬព្យុះ រាល់សត្វស្លាបទាំងអស់នាំគ្នារហើរចូលសំបុក , ដោយឡែកសត្វឥន្រ្ទីបែរជាហោះខ្ពស់លើពពកដែលមានភ្លៀងនឹងព្យុះ ហើយហើរទៅកាន់គោលដៅរបស់វាធម្មតា ។

🌺នៅពេលដែលឥន្រ្ទីមានកូន វាបានជំរុញអោយកូនវារៀនក្នុងស្ថានភាពភ័យខ្លាច ដោយមានការគាំទ្រពីក្រោយ, ឧទាហរណ៍ដូចជានៅពេលដែលវាចង់បង្រៀនកូនវាហើរគឺវាបានទំលាក់កូនវាពីលើកំពូលភ្នំ រួចទើបឆាបចាប់សង្រ្គោះតាមក្រោយ វាធ្វើបែបនេះរហូតដល់កូនវាចេះហើរ។

💣ចំនុចគួរពិចារណា💣

📗បើអ្នកមិនសំរេចចិត្តក្មុងការផ្លាស់ប្តូរទេ នោះ អ្នកគ្រាន់តែរស់នៅសំរាប់ថ្ងៃស្លាប់ប៉ុណ្ណោះ ហើយរស់នៅជាមួយជីវិតដែលជួបតែភាពស្មុគស្មាញ ជាមួយនឹងការបាក់ទឺកចិត្ត និងភាពភ័យខ្លាចក្នុងជីវិតរាប់មិនអស់។
ប៉ុន្តែបើអ្នកសំរេចចិត្តក្នុងការផ្លាស់ប្តូរ អ្នកនឹងប្រឈមមុខជាមួយភាពឈឺចាប់ក្នុងដំនើរការនៃការផ្លាស់ប្តូររបស់អ្នក, រួមមានការផ្លាស់ប្តូរ ការគិត, ពាក្យសម្តី, សកម្មភាព, ទម្លាប់ និង ចរិករបស់អ្នកហើយបន្តរដំនើររស់នៅអស្ចារ្យខុសពីមនុស្សដទៃទៀតទាំងការគិតនិងដំនើរជីវិត។

📘 គ្មានមនុស្សណាម្នាក់ស្រលាញ់បញ្ហានោះទេ ប៉ុន្តែក៏មានមនុស្សមួយចំនួនដែលចូលចិត្តការប្រគួតប្រជែងនឹងបញ្ហាដែរ, បើអ្នកមើលឃើញបញ្ហាធំនោះវានឹងធំ បើអ្នកមើលវាតូចនោះវានឹងតូច ឥន្រ្ទីមិនបានខ្វល់ថាមានព្យុះភ្លៀងខ្លាំងកំរិតណានោះទេ ព្រោះវាតែងតែធំជាងបញ្ហាទាំងអស់នោះ។

📙 អ្នកត្រូវរៀនបង្កើតនិងរៀបចំ ចក្ខុវិស័យ និងទស្សនៈវិស័យរបស់អ្នកអោយមានប្រសិទ្ធភាព, ឆ្លាត់វៃក្នុងការដឹកនាំទស្សនៈវិស្ស័យរបស់អ្នកទៅដល់គោលដៅដែលអ្នកចង់បាន ។

📚 សិក្សាពីចំនុចភ័យខ្លាច ត្រូវជិតស្និតជាមួយវា ព្រោះអ្នកនឹងក្លាយទៅជាអ្នកឯកទេសក្នុងការកំចាត់រាល់ភាពភ័យខ្លាចទាំងអស់នោះ ដែលមនុស្សភាគច្រើនមិនអាចធ្វើបាន។

វាសាមញ្ញខ្លាំងណាស់សំរាប់ការអាន ប៉ុន្តែចំពោះការអនុវត្ត ខ្ញុំជឿជាក់ថាអ្នកនឹងរាថយ, កុំចាំដល់អាយុ40 ឆ្នាំទើបចង់ផ្លាស់ប្តូរដូចសត្វឥន្រ្ទី ព្រោះអ្នកគឺជាមនុស្ស អ្នកអាចយឺតពេលក្នុងការផ្លាស់ប្តូរ ព្រោះមនុស្សត្រូវមានបុព្វហេតុក្នុងការរស់នៅ សំរាប់ជីវិតនិងត្រូវការពេលវេលាយូរ ដើម្បីសម្រេចបាននូវគោលដៅជីវិតរបស់ខ្លួន.... ជីវិតរបស់អ្នកខ្លីណាស់ហើយវាគ្មានពេលយូរសំរាប់អោយអ្នកគិតច្រើននោះទេ, ឈប់បន្តរទម្លាក់កំហុសលើមនុស្សណាម្នាក់ មិនថាឪពុកម្តាយ ក្រុមគ្រួសារ បរិយាកាសសង្គម ឬ អ្នកដឹកនាំប្រទេស ... ព្រោះវាប្រៀបដូចជាការបិទឱកាសអោយខ្លួនឯងរីកចំរើន។

ចូលផ្តើមឥឡូវនេះ គិតសំរាប់អនាគតខ្លួនឯងថាតើអ្នកចង់ក្លាយជាអ្នកណានៅថ្ងៃអនាគតហើយផ្លាស់ប្តូរខ្លួនអ្នកទៅតាមបុគ្គលជោគជ័យ ក្នុងវិស័យនោះទៅ បើអ្នករង់ចាំមនុស្សអស្ចារ្យណាម្នាក់មកជប់អ្នកអោយក្លាយជាអ្នកជោកជ័យណាមួយនោះ ខ្ញុំចង់ប្រាប់ថាគឺអ្នកនឹងហើយ អ្នកអាចជប់ខ្លួនឯងអោយក្លាយទៅជាគ្រប់យ៉ាងដែលអ្នកចង់ក្លាយទៅជា ។

Credit ~ Ratha Thavrat