PAKA-Participatory Development Knowledge Agency

📚 ທຸກໆການເປີດໜ້າປຶ້ມ ຄືການເປີດປະຕູສູ່ໂລກແຫ່ງການຮຽນຮູ້.

ໃນລະຫວ່າງວັນທີ 24–25 ມິຖຸນາ 2026 ທີ່ຜ່ານມາ, ກຸ່ມນ້ອງໆນັກຝຶກອົບຮົມ ຊຸດທີ 12 ຂອງຫຼັກສູດ "ນັກພັດທະນາຊຸມຊົນ ແບບມີສ່ວນຮ່ວມ" ໄດ້ລົງພື້ນທີ່ດຳເນີນກິດຈະກຳ "ໂຄງການສົ່ງເສີມການອ່ານ ແລະ ປັບປຸງມຸມອ່ານ (Reading Promotion and Reading Space Improvement)" ຢູ່ ໂຮງຮຽນປະຖົມສົມບູນສະໄກ, ເມືອງສັງທອງ, ນະຄອນຫຼວງວຽງຈັນ.

ໂຄງການນີ້ມີຈຸດປະສົງເພື່ອສົ່ງເສີມນິໄສຮັກການອ່ານໃຫ້ແກ່ນັກຮຽນລະດັບປະຖົມ ພ້ອມທັງປັບປຸງມຸມອ່ານທີ່ມີຢູ່ໃຫ້ໜ້າສົນໃຈ ແລະ ເປັນແຫຼ່ງການຮຽນຮູ້ທີ່ຊ່ວຍສ້າງແຮງບັນດານໃຈໃຫ້ນ້ອງໆ ຮັກການອ່ານ ແລະ ສາມາດຮຽນຮູ້ດ້ວຍຕົນເອງ.

ນອກຈາກການປັບປຸງມຸມອ່ານແລ້ວ, ທີມງານຍັງໄດ້ຈັດກິດຈະກຳແລກປ່ຽນຄວາມຮູ້ກັບ ຄູ-ອາຈານ, ພໍ່ແມ່ຜູ້ປົກຄອງ ແລະ ນັກຮຽນ ກ່ຽວກັບການນຳໃຊ້ຫ້ອງສະໝຸດ, ການຈັດການ ແລະ ການດູແລມຸມອ່ານ ພ້ອມທັງສົ່ງເສີມບົດບາດຂອງຄອບຄົວ ແລະ ໂຮງຮຽນ ໃນການປູກຝັງນິໄສການອ່ານໃຫ້ແກ່ເດັກນ້ອຍ.

ຜູ້ໄດ້ຮັບປະໂຫຍດຈາກໂຄງການ ປະກອບມີ:
📖 ນັກຮຽນຊັ້ນ ປ.1 ແລະ ປ.5 ຈຳນວນ 80 ຄົນ (ຍິງ 39 ຄົນ)
👩‍🏫 ຄູ-ອາຈານ 5 ຄົນ (ຍິງ 3 ຄົນ)
👨‍👩‍👧‍👦 ພໍ່ແມ່ຜູ້ປົກຄອງຈາກ 10 ຄອບຄົວ

ໂຄງການນີ້ເປັນໜຶ່ງໃນ 2 ໂຄງການຂະໜາດນ້ອຍ ທີ່ໄດ້ຮັບທຶນສະໜັບສະໜູນ ພາຍໃຕ້ຫຼັກສູດ "ນັກພັດທະນາຊຸມຊົນແບບມີສ່ວນຮ່ວມ" ຊຸດທີ 12 ຂອງ ສູນ PAKA ເພື່ອເປີດໂອກາດໃຫ້ໄວໜຸ່ມນັກຝຶກອົບຮົມ ໄດ້ນຳຄວາມຮູ້ ແລະ ທັກສະທີ່ຮຽນຮູ້ຈາກຫ້ອງອົບຮົມ ມາລົງມືປະຕິບັດຈິງຮ່ວມກັບຊຸມຊົນ ເພື່ອສ້າງການປ່ຽນແປງທີ່ເກີດຜົນຢ່າງແທ້ຈິງ.

ພວກເຮົາຫວັງເປັນຢ່າງຍິ່ງວ່າ ໂຄງການນີ້ຈະເປັນຈຸດເລີ່ມຕົ້ນທີ່ດີ ໃນການສ້າງວັດທະນະທຳການອ່ານໃຫ້ແກ່ເດັກນ້ອຍ ແລະ ຊຸກຍູ້ໃຫ້ຄູ-ອາຈານ, ຜູ້ປົກຄອງ ແລະ ຊຸມຊົນ ຮ່ວມກັນສ້າງສະພາບແວດລ້ອມທີ່ສົ່ງເສີມການຮຽນຮູ້. ພ້ອມກັນນັ້ນ ພວກເຮົາຍັງຫວັງວ່າ ນ້ອງໆຜູ້ພັດທະນາໂຄງການ ຈະສາມາດສືບຕໍ່ ແລະ ຂະຫຍາຍຜົນຂອງໂຄງການນີ້ໄປຍັງໂຮງຮຽນ ແລະ ຊຸມຊົນອື່ນໆ ເພື່ອຮ່ວມກັນພັດທະນາດ້ານການອ່ານ, ສ້າງໂອກາດທາງການສຶກສາ ແລະ ປູກຝັງການຮຽນຮູ້ຕະຫຼອດຊີວິດໃຫ້ແກ່ເດັກນ້ອຍລາວ.

#ໂຄງການສົ່ງເສີມການອ່ານ

ໃນວັນທີ 25 ມິຖຸນາ 2026, ໂຄງການ "Youth for Clean" ໂດຍທີມນັກພັດທະນາຊຸມຊົນແບບມີສ່ວນຮ່ວມ ຊຸດທີ 12 ໄດ້ຈັດກິດຈະກຳຂຶ້ນຢ່າງຟົດຟື້ນ ທີ່ບ້ານຫາດຈັ້ນ, ເມືອງງອຍ, ແຂວງຫຼວງພະບາງ, ເຊິ່ງມີຊາວໜຸ່ມອາສາສະໝັກ ແລະ ພໍ່ແມ່ປະຊາຊົນເຂົ້າຮ່ວມຢ່າງຄຶກຄັກຫຼາຍກວ່າ 50 ຄົນ.

ກິດຈະກຳໃນຄັ້ງນີ້ ບໍ່ພຽງແຕ່ເປັນການຮ່ວມແຮງຮ່ວມໃຈກັນອະນາໄມຊຸມຊົນເທົ່ານັ້ນ, ແຕ່ຜູ້ເຂົ້າຮ່ວມທຸກຄົນຍັງໄດ້ຮ່ວມກັນ ຮຽນຮູ້ກ່ຽວກັບທີ່ມາຂອງຂີ້ເຫຍື້ອ, ຜົນກະທົບອັນມະຫາສານຕໍ່ສິ່ງແວດລ້ອມ ແລະ ໄພອັນຕະລາຍທີ່ໃກ້ຕົວຈາກ "ໄມໂຄພລາສຕິກ". ນອກຈາກນີ້, ທຸກຄົນຍັງໄດ້ປ່ຽນສິ່ງເສດເຫຼືອໃຫ້ມີມູນຄ່າ ໂດຍການເຂົ້າຮ່ວມກິດຈະກຳ DIY ເຮັດພວງກຸນແຈສຸດໜ້າຮັກ ຈາກຝาຕຸກນ້ຳ, ກະຕຸກນ້ຳ ແລະ ຝານ້ຳອັດລົມ ເພື່ອນຳກັບມາໃຊ້ປະໂຫຍດຄືນໃໝ່.

ຂໍສະແດງຄວາມຂອບໃຈຢ່າງສູງ ມາຍັງ ສູນພັດທະນາການຮຽນຮູ້ແບບມີສ່ວນຮ່ວມ (PAKA) ທີ່ໄດ້ໃຫ້ການສະໜັບສະໜູນ ແລະ ຊຸກຍູ້ໂຄງການນີ້ ເຮັດໃຫ້ພວກເຮົາສາມາດສ້າງກິດຈະກຳດີໆ ເພື່ອພັດທະນາສັກກະຍະພາບຊາວໜຸ່ມ ແລະ ຮັກສາສິ່ງແວດລ້ອມໃນຄັ້ງນີ້ໄດ້ຢ່າງສົມບູນແບບ!

ຂໍຂອບໃຈເປັນຢ່າງຍິ່ງ ມາຍັງ ອຳນາດການປົກຄອງບ້ານ, ຄູ-ອາຈານ ແລະ ພໍ່ແມ່ປະຊາຊົນບ້ານຫາດຈັ້ນທຸກທ່ານ ທີ່ໄດ້ໃຫ້ການຕ້ອນຮັບຢ່າງອົບອຸ່ນ, ອຳນວຍຄວາມສະດວກ ແລະ ໃຫ້ຄວາມຮ່ວມມືຢ່າງເຕັມຮ້ອຍ ໃນການຮ່ວມແຮງຮ່ວມໃຈຂັບເຄື່ອນກິດຈະກຳໃນຄັ້ງນີ້ໃຫ້ປະສົບຜົນສຳເລັດຢ່າງຈົບງາມ!

#ສູນພັດທະນາການຮຽນຮູ້ແບບມີສ່ວນຮ່ວມ #ຊາວໜຸ່ມຮັກສິ່ງແວດລ້ອມ #ໄມໂຄພລາສຕິກ #ບ້ານຫາດຈັ້ນ #ເມືອງງອຍ

📣 Small Grants, Big Impact!
ຂໍສະແດງຄວາມຍິນດີກັບ 2 ໂຄງການຂະໜາດນ້ອຍຂອງນັກສຶກສາລຸ້ນທີ 12 ທີ່ໄດ້ຮັບການຄັດເລືອກເພື່ອນຳໄປດຳເນີນງານຈິງ:

♻️ ໂຄງການເຜີຍແຜ່ຄວາມຮູ້ການຄັດແຍກຂີ້ເຫຍື່ອໃຫ້ແກ່ໄວໜຸ່ມ ເພື່ອສ້າງລາຍໄດ້ໃຫ້ແກ່ຊຸມຊົນ - Youth Waste Separation for Community Income Generation

📚 ໂຄງການສົ່ງເສີມການອ່ານ ແລະ ປັບປຸງມຸມອ່ານ
Reading Promotion and Reading Space Improvement

ຕະຫຼອດໄລຍະ 4 ເດືອນຂອງຫຼັກສູດ "ນັກພັດທະນາຊຸມຊົນແບບມີສ່ວນຮ່ວມ" ຊຸດທີ 12 ໄດ້ຮຽນຮູ້ທັກສະ Project Cycle Management ຕັ້ງແຕ່ການວິເຄາະບັນຫາ, ການຂຽນໂຄງການ, ການບໍລິຫານໂຄງການ, ການຕິດຕາມ–ປະເມີນຜົນ, ຈົນເຖິງການລາຍງານຜົນ. ເພື່ອປ່ຽນຄວາມຮູ້ໃຫ້ເປັນການປະຕິບັດຈິງ, ນ້ອງໆໄດ້ພັດທະນາບົດໂຄງການຂອງຕົນ ແລະ ນຳສະເໜີຕໍ່ຄະນະກຳມະການ ເພື່ອຂໍຮັບທຶນຂະໜາດນ້ອຍ ສຳລັບການນຳໄປດຳເນີນງານຈິງໃນຊຸມຊົນ.

ຕິດຕາມຮ່ວມເປັນກຳລັງໃຈ ແລະ ຮັບຊົມຜົນການດຳເນີນງານຂອງທັງ 2 ໂຄງການໄດ້ໄວໆນີ້ ຜ່ານເພຈ Facebook ຂອງ PAKA!

One of our outstanding alumni, Khamkhoun Vueinyao 👏

[English below]🤗ສະບາຍດີ ຄຳຄູນ ວືອິນຢ້າວ ເດີ່! ໜຶ່ງໃນຜູ້ເຂົ້າຮ່ວມໂຄງການ Cambodia Laos Young Leaders Programme (CLYLP) ປະຈຸບັນເຮັດວຽກຢູ່ທີ່ ສະມາຄົມຄົນພິການທາງສະໝອງ ແລະ ປັນຍາ ແລະ ຂ້ອຍຢາກແບ່ງປັນໂອກາດດີໆກ່ຽວກັບໂຄງການນີ້ໃຫ້ທຸກຄົນໄດ້ຮັບຮູ້

🔍 CLYLP ແມ່ນຫຍັງ?
ແມ່ນໂຄງການ Cambodia Laos Young Leader Programme ເປັນໂຄງການພາຍໃຕ້ UnionAid ປະເທດນິວຊີແລນ ທີ່ຄັດເລືອກໄວໜຸ່ມຕົວແທນຈາກລາວ ແລະ ກຳປູເຈຍ ເພື່ອມາຮຽນຮູ້ ແລະ ພັດທະນາທັກສະຄວາມເປັນຜູ້ນຳ (Leadership) ແລະ ຮຽນຮູ້ເປົ້າໝາຍການພັດທະນາແບບຍືນຍົງ (SDGs)!

✅ ໃຜສາມາດສະໝັກໄດ້?
•ອາຍຸ 20 - 34 ປີ
•ກຳລັງດຳລົງຊີວິດ ແລະ ເຮັດວຽກຢູ່ ລາວ (ທຸກແຂວງສາມາດສະໝັກໄດ້)
•ເຮັດວຽກກັບ ອົງກອນທີ່ຢູ່ພາຍໃຕ້ອົງການຈັດຕັ້ງທາງສັງຄົມລາວ CSO, NGO, Social Enterprise.
•ມີປະສົບການ, ມີຄວາມມຸ່ງໝັ້ນ ແລະ ທຸ້ມເທໃນ ວຽກງານການພັດທະນາຊຸມຊົນ ແລະ ສັງຄົມ.
•ມີທັກສະພາສາອັງກິດລະດັບ CEFR B1 / IELTS 4.5 ຂຶ້ນໄປ
•ທີ່ສໍາຄັນທຶນນີ້ເປັນທຶນເຕັມເເທ້ 100%
•ເປັນໂຄງການທີ່ມີທຸກໆປີ ໃຜຢາກສະໝັກຕຽມໂຕໄວ້ເລີຍ

ເປັນຫຍັງຕ້ອງເຂົ້າຮ່ວມໂຄງການນີ້?

ໃນຖານະຜູ້ເຂົ້າຮ່ວມ ຂ້ອຍຢາກບອກວ່າ… ໂຄງການນີ້ ບໍ່ພຽງແຕ່ໃຫ້ຄວາມຮູ້ ແລະ ທັກສະຕ່າງໆເທົ່ານັ້ນ ແຕ່ມັນຊ່ວຍໃຫ້ເຮົາ ເຂົ້າໃຈຕົວເອງຫຼາຍຂຶ້ນ ເຂົ້າໃຈຊຸມຊົນຂອງຕົນເອງ ແລະ ທີ່ສຳຄັນ ໄດ້ຮຽນຮູ້ ວິທີການນຳ SDGs ໄປປັບໃຊ້ໃນການແກ້ໄຂວຽກງານຕົວຈິງທີ່ເຈົ້າກຳລັງເຮັດ ໂດຍການໄປແລກປ່ຽນ ແລະ ຮຽນຮູ້ຈາກປະເທດທີ່ໃຫ້ຄວາມສຳຄັນດ້ານສິ່ງແວດລ້ອມ, ຄວາມຫຼາກຫຼາຍທາງວັດທະນະທຳ ແລະ ສົ່ງເສີມການມີສ່ວນຮ່ວມສູງຢ່າງນິວຊີແລນ 🌏

📲 ຕິດຕາມ ແລະ ສະໝັກໄດ້ຜ່ານ:
•page & Website: Cambodia Laos Young Leaders Programme (CLYLP)
•ຕິດຕໍ່ຄູ່ຮ່ວມງານລາວ: PAKA - Participatory Development Knowledge Agency

“ໂຄງການຄັດເລືອກຄົນທີ່ຮູ້ຈັກຊຸມຊົນ, ຮູ້ຈັກບັນຫາຊຸມຊົນ ແລະ ພ້ອມທີ່ຈະໄປຮຽນຮູ້ເພື່ອນຳຄວາມຮູ້ ແລະ ທັກສະມາປ່ຽນແປງຊຸມຊົນຂອງຕົນເອງໃຫ້ດີຂື້ນ”
— ຄຳຄູນ ວືອິນຢ້າວ ຄົນໆນັ້ນຈະເປັນເຈົ້າແມ່ນບໍ່? ກຽມຕົວ ແລ້ວມາສະໝັກນຳກັນເດີ້! 🙌

#ໄວໜຸ່ມລາວ

——————————

🤗Hello, this is Khamkhoun Veuinyao! One of the participants in the Cambodia Laos Young Leaders Programme (CLYLP), currently working at the Association for People with Intellectual and Developmental Disabilities. I want to share a great opportunity about this program with everyone.

🔍 What is CLYLP?

The Cambodia Laos Young Leaders Programme is a program under UnionAid New Zealand that selects youth representatives from Laos and Cambodia to learn and develop leadership skills, as well as learn about the Sustainable Development Goals (SDGs)!

✅ Who can apply?

• Aged 20–34 years
• Currently living and working in Laos (all provinces are eligible)
• Working with an organization under a Lao civil society organization — CSO, NGO, or Social Enterprise
• Has experience, commitment, and dedication to community and social development work
• English proficiency at CEFR B1 / IELTS 4.5 or above
• Importantly, this is a 100% full scholarship
• This program runs every year, so anyone interested should start preparing now

Why should you join this program?

As a participant, I want to say… this program doesn’t just provide knowledge and skills — it also helps us understand ourselves better, understand our own communities, and most importantly, learn how to apply the SDGs to solve real issues in our work, by exchanging and learning from a country that places great importance on the environment, cultural diversity, and high levels of participation, like New Zealand 🌏

📲 Follow and apply through:

• page & Website: Cambodia Laos Young Leaders Programme (CLYLP)
• Contact the Lao partner organization: PAKA – Participatory Development Knowledge Agency

“The program selects people who know their communities, know their community’s problems, and are ready to go learn so they can bring back knowledge and skills to improve their own communities for the better.”
— Khamkhoun Veuinyao

Could that person be you? Get ready, and let’s apply together! 🙌