Antiochian Collection المجموعة الأنطاكية

تسجيل أمسية جوقة جبل لبنان لفصح 2022 - مجانا على الرابط!!!

أسطوانة أمسية SEM 🔥🔥🔥 مجانا 🔥🔥🔥
معايدة جوقة أبرشيّة جبل لبنان بمناسبة الفصح المجيد،
ونظرًا للظروف الاقتصاديّة العامّة في منطقتنا،
ولأن العيد يجب أن يكون لجميع الناس،
يمكنكم تنزيل كامل تسجيل أمسيتنا لفصح 2022 🔥🔥 مجّانا 🔥🔥 على الرابط التالي:
https://drive.google.com/drive/folders/19hGd1A1VceMgchOhXmtTdaDaeaZU33SQ?usp=sharing

نرجو أن تشاركوا هذا الرّابط SHARE حتى تعمّ الفائدة.

أمسية فصح 2021 لجوقة جبل لبنان

تعودنا كل سنة نلتقي، مرتلين ومصلين من كافة أقطار أبرشيتنا، خلال هل مواسم المباركة حتى نسبح ونعيش سوى خبرة الكنوز الروحية يلي تركوها النا آبائنا القديسين من خلال تراتيل كنيستنا.
السنة الماضية ما سمحتلنا الظروف نتلاقى وصارت الوجوه ذكريات وأشلاء رقمية...
السنة ما حبينا يمر العيد بدون ما تجتمع عائلتنا الكبيرة والزغيرة...
ضمن أطر التدابير الوقائية المتعارف عليها، رح تحضر الجوقة مع تباعد اجتماعي كافي بين أعضاءها، ورح نستقبل حضور بما لا يزيد عن ٣٠% من سعة الكنيسة... والباقي بينضم النا رقميا وروحيا عن بعد.

حتى ولو اجتمعنا غير مكتملين هل سنة، منظر اللقاء المتاح بعزي القلوب، وبيزرع الامل والرجاء برحمة الرب يلي، ولو أحيانا ما منشوفها بأعيننا الأرضية، ولكنها دايما حاضرة جنبنا الآن وهنا في كل وقت وفي كل ساعة ومكان.
منتمنى للجميع مواسم مباركة وتضلو مصابيح مضاءة بالأمل في ظلمة هذه الأيام الصعبة.
المسيح قام.