Da3douka

دايما بتسألوني وين المحل؟

بشتغل من البيت وما زلت والحمد لله ويمكن افضل بهيك ظروف مستمرة بلبنان لنقدر نستمر .
كل شي من تصنيع وتعليب وتصميم وتخطيط...
وعم يكبر بمحبتكم وثقتكم .
يعني الصالون والسفرة للشغل والمطبخ للطبخ دعدوكة بالليل😍
لما نقلت صار في مكان خاص لدعدوكة وعم جهزه ان شاء الله
أحلامي وأهدافي كبيرة على أمل تتحقق بظروف أفضل ..
لما دعكتني الحياة وصارت حياتي دعدوكة

١٠ سنين.. مش بس رقم، هي مشوار طويل بلش بحلم صغير وكبر معكم.
١٠ سنين... من التحدي والضحكة والإصرار.
من لما بلشنا ولليوم، مرقنا بكتير ظروف وتحديات خلتنا أحياناً نوقف لنفكر، بس ولا مرة خلتنا نوقف لنستسلم بفضل الله.

هيدي أنا.. لبنانية مدعوكة🇱🇧...وهيدا حلمي اللي بلش صغير وكبر مع كل طفل وكل عيلة وثقت فينا. رغم كل الظروف الصعبة، اخترت إني ابتسم ، لأنو الشغف والحلم ما إلو حدود، لهيك دايما بقول لما دعكتني الحياة وصارت حياتي دعدوكة ...
وبعدها عم تدعكنا😬

نحنا مستمرين ان شاءالله بكل حب ، لأنو ثقتكم هي اللي بتخلينا نكفي رغم كل شي. شكراً لأنكم كنتوا وما زلتوا جزء من عيلتنا.
شكراً لكل لحظة حب خلتنا نوصل لهون. مكملين سوا!
على أمل يعم الأمن والأمان .
والحمد لله في كل حال

مين بيعرفنا من أول ما بلشنا😍؟