Ashraff Sports Club - Addalaichenai

#தொடரும் #தங்கவேட்டை

தொடர்ச்சியாக இரண்டாவது தங்கப்பதக்கத்தையும் தன்னகப்படுத்திய கிழக்கின் தங்கமகன் பாஸிஹ் அஹமட்

2022ம் ஆண்டிற்கான 47வது தேசிய விளையாட்டு விழாவின் மாகாணமட்ட விளையாட்டுப் போட்டியின் ஓர் அங்கமாக இன்று (2022.08.27)ம் திகதி ஆண்களுக்கான பளு தூக்குதல் போட்டி திருகோணமலை சென்.ஜோசப் கல்லூரியின் உள்ளக அரங்கில் நடைபெற்றது.

பலம் மிக்க போட்டியாளர்களோடும் பலத்த போட்டிக்கும் இடையில் நடைபெற்ற இப்போட்டியில் எமது அட்டாளைச்சேனை மண் (அஷ்ரஃப் விளையாட்டு கழகம்) சார்பாக பங்குபற்றிய கழகத்தின் மெய்வல்லுனர் பயிற்றுவிப்பாளர் பாஸிஹ் அஹமட் முதலிடத்தை பெற்று தங்கப்பதக்கத்தை சுவீகரித்து கொண்டார்.

ஆண்களுக்கான 96Kg எடைப்பிரிவில் பங்குபற்றியே இவர் தங்கப்பதக்கத்தை வெற்றி கொண்டார்.

நீண்டகாலமாக பளுதூக்குதல் மற்றும் உடற்கட்டமைப்பு துறையில் அதிக ஈடுபாடு காட்டி வந்த இவர் இத்துறைகளில் பல வெற்றிகளை பெற்று எமது கழகத்திற்கும் ஊரிற்கும் பெருமை சேர்த்துள்ளார்.

இதற்கு முன்னராக கடந்த மாதம் நடைபெற்ற ஆண்களுக்கான உடற்கட்டழகர் போட்டியிலும் மாகாண மட்டத்தில் முதன்நிலை பெற்று தங்கப்பதக்கத்தை சுவீகரித்திருந்தமை குறிப்பிடத்தக்கதாகும்.

எமது அஷ்ரஃப் வி.கழகத்தின் சிரேஷ்ட வீரரான இவர் பாடசாலை விளையாட்டு பயிற்றுவிப்பாளராகவும் உள்ளார்.

மேலும் தேசிய மட்ட போட்டியில் சிறப்பான முறையில் செயற்பட்டு சிறந்த பெறுபேற்றினை பெற கழகம் சார்பாக வாழ்த்துகிறோம்.