SL Motocross

ශ්‍රී ලාංකීය යතුරු පැදි ක්‍රීඩා ඉතිහාසයේ රන් අකුරින් ලියැවෙන සුවිශේෂී සන්ධිස්ථානයක් සනිටුහන් කරමින්, මෙරට ප්‍රථම නිල ජාතික යතුරුපැදි ක්‍රීඩා සංචිතය එළිදැක්වීමට නියමිතව තිබෙනවා.

මෙරට යතුරුපැදි ධාවන ක්ෂේත්‍රය ජාත්‍යන්තර මට්ටමට ඔසවා තැබීමේ මූලික පියවරක් ලෙසින් මෙම වැඩසටහන ක්‍රියාත්මක වනවා.

තෝරාගත් දක්ෂ යතුරුපැදි ධාවකයින් පිරිසකගෙන් සමන්විත මෙම සංචිතය හරහා ඔවුන්ට අවශ්‍ය වෘත්තීය මට්ටමේ පුහුණුව, මගපෙන්වීම සහ ජාත්‍යන්තර තරඟ සඳහා සහභාගී වීමේ අවස්ථාව හිමිවනු ඇතියි.

මෙම සුවිශේෂී නිල උත්සවය තරුණ කටයුතු හා ක්‍රීඩා අමාත්‍යතුමාගේ ප්‍රධානත්වයෙන් සහ ක්ෂේත්‍රයේ ප්‍රමුඛ පෙළේ ආරාධිතයින් රැසකගේ සහභාගීත්වයෙන් පැවැත්වීමට නියමිතයි.

දිනය: 2026 මැයි 22 වනදා
වේලාව: පස්වරු 4:00 ට
ස්ථානය: කොළඹ, ක්‍රීඩා අමාත්‍යංශ පරිශ්‍රයේ පිහිටි ඩන්කන් වයිට් ශ්‍රවණාගාරය.