Gogrow.lk

ගම්බද ගොවීන් හැමෝටම වගේ පොදු ප්‍රශ්නයක් තමයි මේක. කොච්චර මහන්සියෙන් කුඹුරු කොටල, හේන් වගා කරල අස්වැන්න ගත්තත් අන්තිමේදි විකුණගන්න ගියහම හරි මිලක් නෑ. ගොඩක් අය අන්තිමට කේවල් කරල කේවල් කරල ගන්න මුදලාලිට අස්වැන්න දෙන්නෙ ඇස්වල කඳුලු පුරෝගෙන. බඩකට පිරෙන්න ඕනි නිසා. මේ ප්‍රශ්නවලට උත්තර දෙන්නම් කියල මේ මිනිස්සුන්ගෙ ප්‍රශ්න මත්තෙන් සැප විඳින මිනිස්සුත් නැතුවාම නෙවෙයි. ඒ මිනිස්සු දුන්න පොරොන්දු ඉෂ්ට කරන්නෙ නැත්තෙ එහෙම වුනොත් එයාලගෙ සැප නැතිවෙයිද කියන බයටද මන්දා.

ඒ කොහොම වුනත් ගොවියගෙන් කේවල් කරල ගන්න අස්වැන්න Supermarket වල නගර වෙළඳසැල් වල විකිණෙන්නේ අස්ප ගණන් වලටලු. දහදුක් විඳල අස්වැන්න ගත්ත ගොවියා දංකුඩ කනකොට කළුකඩ මුදලාලිටත් රජ සැප.

මේ ප්‍රශ්නවලට උත්තර තියා හේතුවවත් දන්නෙ නැති ගොවියො තමා වැඩිහරියක්ම ඉන්නෙ. ඉතින් එයාලට මේවට උත්තර ඕනිනම් අපිට ගොවීන්ගෙ ප්‍රශ්න දැනගන්න වෙනවා. ඉතින් ඔයාලට පුලුවන් Comment section එකේ ඒ ප්‍රශ්න අපිට කියන්න. නැත්නම් Inbox message එකක් දාන්නත් පුලුවන්. පටන්ගමුද?