DPS Business Solutions

TIN Number (Tax payer Identification Number) එක, එහෙමත් නැත්නම් මේ දවස්වල හැමෝම වගේ කතා වෙන ‘බදු ගෙවන්නා හඳුනා ගැනීමේ අංකය ලබාගන්නේ කෙසේද?

🙆කොහොමද TIN Certificate එක තනිවම ලබාගන්නේ?

✨ TIN Certificate එක (පුද්ගල) ලබාගැනීමට පෙර ඔබ පහත සදහන් ලේඛණ වල, පැහැදිලි scan පිටපත් සූදානම් කරගත යුතුයි.

01. ජාතික හැඳුනුම්පත / වලංගු රියදුරු බලපත්‍රය හෝ වැඩිහිටි හැඳුනුම්පත.

02. ඔබගේ ස්ථිර ලිපිනය ජාතික හැඳුනුම්පතේ සඳහන් ලිපිනය සමග සමාන නොවන්නේ නම්, අදාල ලිපිනය තහවුරු කිරිම සඳහා ඔබගේ නමට නිකුත්කල ජල හෝ විදුලි බිල්පතක් / ස්ථාවර දුරකතන බිල්පතක් හෝ ඔබ ප්‍රදේශයේ ග්‍රාම නිලදාරී සහතික කල්ස් ග්‍රාම සේවක සහතිකයක්.

03. ඔබ, ලියාපදිංචි කරන ලද තනි පුද්ගල ව්‍යාපාරයක හිමිකරුවෙක් නම්, අදාල ව්‍යපාර ලියාපදිංචි කිරීමේ සහතිකය.

✨STEP 01

TIN Certificate එක අයදුම් කිරීම වෙනුවෙන් ඕනෑම වෙලාවක පිවිසිය හැකි, දේශීය ආදායම් දෙපාර්තමේන්තුවේ ePortal වෙත මුලින්ම ඔබ පිවිසිය යුතුයි.

https://eservices.ird.gov.lk/Registration/TINRegistration/ShowRequestHeader

✨STEP 02

එම අතුරු මුහුණතේ ‘Registration Type’ ලෙස සඳහන්ව ඇති තැන ‘INDIVIDUAL LOCAL’ ලෙසින් තෝරා, එවිට ලැබෙන අයදුම්පත නිවැරදිව පුරවන්න.

NOTE.

🍎 Nearest regional office යන කොටස පුරවන්න එපා.

🍎 CONTACT NUMBER කොටසේ, ඔබගේ ජංගම දුරකතන අංකය සහ භාවිතයේ පවතින email address එක නිවැරදිව ඇතුළත් කරන්න.

🍎 අයදුම්පත පිරවීමේදී BANK INFORMATION ලබාදිම අත්‍යවශ්‍ය කර නැති නිසා එම කොටස පිරවීම හෝ නොපිරවීම ඔබේ තීරණයක්.

🍎 ඔබ විවාහක නම් FAMILY INFORMATION යටතේ සම්පූර්ණ කල යුතු විස්තරද නිවැරදිව සම්පූර්ණ කරන්න.

🍎 ඔබ තනි පුද්ගල ව්‍යාපාරයක හිමිකරුවෙක් නම් INDIVIDUAL BUSINESS යටතේ ඔබගේ ව්‍යාපාරයේ විස්තර නිවැරදිව ඇතුළත් කරන්න

✨ STEP 03

Supporting Documents ලෙසින් ඇති කොටසට ඔබ සුදානම් කරගෙන ඇති ජාතික හැඳුනුම්පත ඇතුළු scan ලේඛන නිවැරදිව තොරා upload කරන්න.

⏳ Purpose of registration ලෙසින් ඇති කොටසට Tax Purpose ලෙස තෝරන්න.

⏳ පසුව, එම අතුරු මුහුණතේ පහත ඇති ‘Next’ button එක click කරන්න.

✨ STEP 04

ඔබ ඇතුළත් කල සම්පූර්ණ විස්තර දැන් ඔබට දිස්වනු ඇත.

◾ එම තොරතුරු වෙනස් විය යුතු නැත්නම් DECLARATION යන කොටස සම්පූර්ණ කර පසෙකින් පෙන්වන සත්‍යාපන කේතය ඇතුළත් කර ‘Submit’ කරන්න.

🛎️ එවිට ඔබට ලැබෙන Acknowledgement එක, TIN Certificate එක ලැබෙන තුරු සුරැකිව තබාගන්න.

🛎️ වැඩකරන දින පහක් ඇතුළත් ඔබ ලබාදුන් email address වෙත ඔබගේ TIN Certificate එක සහ PIN එක ඔබට ලබාදේ.

❤IMPORTANT

TIN Certificate එකක් ලබාගත් පමණින් ඔබ ආදායම් බදු ගෙවීම සඳහා බැඳී සිටින්නේ නැත. ඔබගේ ආදායම බදු ගෙවිය යුතු මට්ටමේ පවතීනම් පමණක් බදු ගෙවීම හා බදු වාර්තා ගොනු කිරීම සිදු කළ යුතුයි.
මේ පහසු පියවරයන් අනුගමනය කිරීමෙන් ඔබට TIN Certificate එක ලබාගත හැක.

✨ TIN ලබාගන්න හැටි ගැන දැනගන්න කලින් මතක තියාගන්න ඕන ප්‍රධානම දේ තමයි, ඔබ TIN Certificate එක ලබාගැනීම සඳහා කිසියම් ආයතනයකින් හෝ පුද්ගලයෙක් ගෙන් සේවාවක් ලබාගන්නේ නැතිනම් කිසිම හේතුවක් මත ඔබගේ පෞද්ගලික සංවේදී තොරතුරු දේශීය ආදායම් දෙපාර්තමේන්තුවට හැර කිසිම පාර්ශවයකට ලබාදෙන්න එපා