Your Physio

❤❤❤🌹

#kneepain #getridfrompain #consult #physio #the_physio_sl #great_team #Team_the_physio #teamwork Call us 0777800616

Text Neck Syndrome

නිරන්තරයෙන් ,දිගු වේලවක් ඔබගේ ජංගම දුරකතනය හෝ අනෙකුත් විද්‍යුත් උපාංග ( tablet,note books ) දෙස බෙල්ල පහත් කරගෙන බැලීම නිසා ඇතිවන බෙල්ලේ අපහසුතාවයයි.

වර්තමානයේ බහුලව දැකිය හැකි තත්වයක් බවට පත්වෙමින් ඇති මෙම තත්වයේදී බෙල්ල හා බෙල්ල අවට මාංශ පේෂීන් ඇදීමකට ලක්වේ. ඊට අමතරව කශේරුකා වල පිහිටීමේ වෙනස්කම්ද ඇතිවිය හැකි අතර දිගු කාලීන බෙල්ලේ අමාරු තත්වයක් කරා වර්ධනය වීමටද පුලුවන. තවද ජීවිතකාලය පුරා පීඩාකාරී කොන්ද වේදනාවක් දක්වාවුවද මෙය වර්දනය විය හැක.

රෝග ලක්ෂණ
1. බෙල්ලේ පවත්නා වේදනාව හා අපහසුතාව.
2. උරපතු( scapula) අතර හා ඊට ඉහල ප්‍රදේශයේ පවත්නා වේදනාව.
3. උරහිස් ( shoulders ) හා ඒ අවට වේදනාව .
4. බෙල්ල හා බෙල්ල අවට මාංශ පේශී තද වීම.
5.අතදිගට හිරියක් හෝ වේදනාවක් ගලායාම.
6.හිසරදය

මෙම තත්වය අවම කර ගැනීම සදහා පහත සදහන් ක්‍රම අනුගමනය කල හැක.

1. ජංගම දුරකතනය ඇස් මට්ටමින් භාවිතා කිරීම .
2. භාවිතයේදී දීර්ඝ වේලාවක් භාවිතා නොකර කෙටි විවේක ලබා ගැනීම .
3. කාර්යාලයේදී පරිගණකය ඇස් මට්ටමින් භාවිතය.
4. විනාඩි 20කට වරක්වත් ගෙල ආශ්‍රිත කෙටි ව්‍යායාම කීපයක නිරතවීම ( මේ ගැන සවිස්තර තොරතුරු අප Physio kandy පේජ් එකේ පරිඝනක බාවිතයට අදාල ලිපියේ වැඩිදුර සදහන් කර ඇත.
5.හැකිසෑමවිටම නිවැරදි සෘජු ඉරියව්වක කොන්ද ගෙලපවත්වාගැනීම

වැඩිදුර විස්තර විමසා දැනුවත් වීමට හා ප්‍රතිකාර සදහා සුදුසු වෘතියමය භෞතචිකිත්සවරු හමුවන්න.

ඔබේ සමීපතමයින් මේ රෝගයෙන් අත්මුදවාගන්න දැනුවත්කරන්න ශෙයා කරන්න

අදත් ඔබේ ජීවිතයට වටිනා කරුනු වලින් ඔබව දැනුවත්කල අපි
Physio kandy physiotherapy and sports rehabilitation centre
665/1 ,William Gopallawa Mawatha,Kandy
081 3 130 130

පරිඝනක ක්ශේත්‍රයේ රැකියා කරන ඔබ ඔබේ පරිඝනකය නිසාම ඇතිවන රෝගාබාධ ගැන දැනුවත්ද???

අද අප මේ ගතකරන තාක්ශණික ලෝකයේ පරිඝනකය කියන්නෙ අපිගන්නා කෑමක් බීමක් තරම්ම අපිට සමීප නිරන්තරයෙන් අපි සමග ඉන්න යාලුවෙක් වගේ දෙයක් බවට පත්වෙලා.ඉස්සරහට මේ තත්වය තවත් වැඩිවෙනව මිසක් අඩුවීමක් වෙන්නෙනම් නෑ. ඉතින් ඔබ හිතන්න විවේක කාලයෙදි අන්තර්ජාලයට යන්න නැතිනම් පේස්බුක් වගේ සමාජජාල වලට පිවිසෙන්න විතරක් නෙමේ චිත්‍රපටියක් බලන්න යොමුවන ඔබ ඔබේ රාජකාරියෙදිත් කම්පියුටර් එක නැත්තම් පරිඝනකය ඉදිරියෙ වාඩිවුනොත් කොහොමට හිටීද. ඔව් ඔබ හිතාවි ඒක ඉතාම ප්‍රියජනක දෙයක් කියල. නමුත් සාමාන්‍යයෙන් වැඩකරන පැය 8ක් ඒ වගේ සතියට දවස් 5ක් හො 6ක්. ඊටපස්සෙ මාසයක් අවුරැද්දක් අවුරැදු ගනනාවක් ඔය ඩිජිටල් තිරය එක්ක සන්කීර්න රාජකාරියක නිරතවෙන ඔබට ඇත්තටම ඉතාම අපහසු කාරනාවක් වෙනව පමණක් නොවෙයි ඔබ නොහිතන නොපතන රෝගාබාද ගනනාවකට ඔබව ගොදුරැ වෙන්න තියන ඉඩකඩ වැඩී.

හිතන්නත් අපහසුයි නේද.. හොදයි අපි එහෙනම් අද බොහොම සරලව කියල දෙන්නම් මොනවද ඔබට ඇතිවිය හැකි රෝගාබාද මෙන්ම කොහොමද ඇතිවෙන්නෙ කොහොමද ඒවයින් වැලකෙන්නෙ කියල. මේක බොහොම සරල කාරනා ටිකක් වගේ පෙනුනට මේ ලිපිය හරහා කියල දෙන ඉතාම වැදගත් කරැනු ටික හරියට ජීවිතයට එක්කරගත්තොත් ඔබට ලැබෙන ප්‍රතිපල නම් මිලකල නොහැකියි. මොකද අපගේ රෝහල් වල සායනයන්ට පැමිනෙන ඔබ වැනිම ඔබේම රැකියා කරන රෝගීන් සිටිනව දවසම වේදනාවෙන් පසුවන ඒනිසාම හරිහැටි නින්දක් නැති අක්මාව,වකුගඩු වැනි අවයව වලට වියහැකි හානිගැන නොතකා වේදනානාශක අහුරැ පිටින් ගිලදාන,ලක්ශ ගනනින් අර රිපෝට් මේ රිපෝට් බේත් හේත් වලට ශල්‍යකර්මවලට මිල මුදල් වැයකරපු, ඒත් නිසි සුවයක් නැති කමින් රැකියාවෙන් පවා ඉවත්වීමට සිදුවුනු. ඉතින් චුට්ටක් හිතන්න රෝගවලට ප්‍රතිකාර ගන්නවට වඩා රෝග වලක්වා ගැනීමයි ඔබ තරයේම හිතටගතයුත්තේ. ඒනිසා මම ඔබට සහතික කරනව ඔබට කෙදිනකවත් අසන්නට නොලැබුනු ඉතාම වටිනා කාරනාගනනාවක් මේ ලිපිය අවසානයේදී ඔබට ජීවිතයට එකතු කරගන්නට ඉඩ ලැබෙනබවට.

දැන් මුලින්ම ඔබ ඔබගෙන්ම අහල බලන්න මේ වගේ ලක්ශන ඔබටත් දැනෙනවද හෝ දැනිල තියනවද කියල.එහෙනම් ඔබ අද අපි කියල දෙන කරුනු හා සරල ක්‍රියාකාරකම් හෙට ඉදන්ම කරන්න පටන්ගත්තොත් හොදයි. මොකද ඔබේ ශරීරයේ මාන්ශපේශි විඩාවට පත්වෙලා පත්වෙලා මාසගානක් අවුරැදු ගානක් දුර්වල උනාම තමයි මේ රෝගාබාද බරපතලව ඔබට දැනෙන්න ගන්නෙ. ප්‍රදානවම අපට බහුලව හමුවන රෝගාබාද කීපයක් ගැන අප මුලින්ම දැනුවත් කරන්නම්.

+ඔබට පරිඝනකය භාවිතා කරද්දි නිරන්තරයෙන්ම හිසරදයක්,ඉරැවාරදයක් (migraine),ඇස්වල රිදීමක්,මනසට විඩාවක්,නින්ද නොයෑමේ ගතියක් දැනෙනවද?

මෙයට හේතුගනනාවක් තිබිය හැකි වුවත් ඇස් වලට සම්බන්ද මාන්ශපේශින් වෙහෙසකර තත්වයට පත්වී පේශි හානියට පත්වීම හේතුවෙන්න පුලුවන්. ඒ වගෙම මොලයේ නින්දට හේතුවන රසායනික සන්යෝගවල ක්‍රියාකාරීත්වය අඩපන වීම, බෙල්ල ආශ්‍රිත මාන්ශපේශින් දුර්වල වී හිරගතියක් දැනීම, කාර්යල ස්තානයේ ඇස්වලට අහිතකර අදික එලියක් පැවතීම හෝ අදුරැගතිය, පරිඝනක තිරයේ අදික දීප්තිය වැඩිවීම හා තිරය අපිරිසිදු වීම වගේ කාරනා රැසක් බලපාන්න පුලුවන්. මෙයට පිලියම් විදිහට බෙල්ල හා ඇස ආශ්‍රිත සරල පිසියොතෙරපි ව්‍යායාම්වල නිරතවීම, සෑම පැය දෙකකට වරක් අඩුතරමේ විනාඩි 10ක 15 විවේකයක් ඇස්වලට ලබාදීම, එහෙම අපහසුනම් අඩුතරමෙ විස්සයි විස්සයි විස්ස ක්‍රමය [20-20-20]ඒ කියන්නෙ සෑම මිනිත්තු 20කට වරක්ම අඩි විස්සක් දුර ඇසට පහසු වස්තුවක් දෙස තත්පර 20ක් බලාසිටීමේ ක්‍රමය අත්හදා බලන්න. අනිවාර්යෙන්ම මෙතෙක් ඔබ දැන නොසිටි මෙම ක්‍රම හා සරල කාරනා වලින් ඔබේ කාර්යාල ජීවිතයට පමනක් නොව ඉන්පිටත ගතකරන කාලයද සුන්දරව ගතකරන්න පුලුවන්. තවත් කීවොත් අදුරැත් නැති අදික දීප්තියත් නැති ඇසට පහසු ආලෝකකරනයක් රාජකාරි කාමරයට යොදාගන්නට අමතක කරන්න එපා. ඒ වගේම පරිඝනක තිරයේ දීප්තිය අදික නිල්පැහැ නොවන ලෙස බ්‍රයිට්නස් අඩුකර සකසාගන්න. නැතිනම් දීප්තිය අඩුකර පෙන්වන ස්ටිකර් එකක් පරිඝනක තිරයට අලවන්න.තිරය නිරන්තරව කුනු දූවිලි ඉවත්කර පිරිසිදු කරගන්න. පුලුවන්නම් ආයතන ප්‍රදානියාට කියල අද නූතන ලෝකයේ කාර්යාල වල භාවිතවන පරිදි මනස සන්සුන් කරන සන්ගීතයක් (Relaxation Music)හීමිට ඇහෙන්න සලස්වාගන්න.
මෙන්න මේ ටික කරල ටික කාලයකින් ඔබේ හිසරදයට අතෘප්තිකර ගතියට විඩාවට උද්යෝගය අඩුගතියට මොකදවුනේ කියල ඔබෙන්ම අහල බලන්න.

+ ඔබට ගෙල ආශ්‍රිත වේදනාවක් හෝ නැතිනම් බෙල්ලේ සිට අතක් දිගේ කැක්කුමක් හෝ හිරියක් ගලාගෙන ගතියක් දැනෙනවද..

ගොඩක් කීබෝඩ් එක(key board) හා මවුස් (mouse) එකෙන් වැඩකරන්නන් වන තොරතුරු තාක්ශන වෘතිකයින්, බැංකු නිලදාරීවරු, පරිඝනක ඉන්ජිනේරුවරු, පරිඝනක ක්‍රීඩා නිපදවන්නන් හා ක්‍රීඩකයන්, පිලිගැනීමේ නිලදාරීන්, ආරක්ශක අන්ශවල තොරතුරු තාක්ශන හා සන්නිවේදන නිලදාරීන් මෙන්ම වැඩිපුර ලිවීමට සිදුවන ගුරුවරුන්, ශිෂ්‍යයිනුත් මේ තත්වයට ගොදුරු වෙන්න ඉඩකඩ වැඩියි. බෙල්ල හිරකරගෙන මවුස් එකට හා යතුරුපුවරුවට අතත් වෙහෙසවන ගමන් දීර්ඝකාලීනව වැඩකිරීමේදි බෙල්ල ආශ්‍රිත කොදුඇටපෙලේ වෙනස්කම් ඇතිවීම නිසා ස්නායු තෙරපීම තුලින් තමයි cervical spondylosis නම් මෙම රෝගය හැදෙන්නෙ. තවද මෙම රෝගයයැයි වරදවා වටහාගත්තත් බෙල්ල ආශ්‍රිත මාන්ශපේශි තදවිම හිරගතිය දුර්වලවීම මෙන්ම නොයෙකුත් ඉරියව් වල වැරදි නිසා ගෙල ආශ්‍රිත කොදුඇටවල,කාටිලේජවල ගෙවීම්,හැඩය වෙනස්වීම්, ඔසියොපයිට්ස් නම් කැල්සියම් අස්ථිබවනය වීම් මෙන්ම ඔස්ටියොපොරෝසිස් තත්වයන්ද නොයෙක් ආකාරයේ බෙල්ල අමාරුද සමහරවිට ශල්‍යකර්මවලට පවා යොමුවිය යුතු රෝගාබාදවලටත් මෙම වෘතිකයින්ට ඇතිවීමේ ප්‍රවනතාව වැඩියි.ඉතින් හිතන්න කොච්චර සන්කීර්නද අපි සුලුවට හිතුවට කියල.

+ ඔබට මැනික්කටුව (wrist) ආශ්‍රිත කැක්කුමක් හිරියක් නිරන්තරයෙන්ම වගේ දැනෙනවද.

එහෙනම් ඔබට කාපල් ටනල් සින්ඩ්‍රෝම් (carpal tunnel syndrome) රෝගී තත්වය ඇතිවෙලා වෙන්න පුලුවන්. මීඩියන් ස්නායුව (Median nerve) කාපල් ටනල්නම් මැනික්කටුව ආශ්‍රිත පෙදෙසේදි තදවීමකට බදුන් වීම නිසා මේ තත්වය ඇතිවෙන්න පුලුවන්.බොහෝවිට මවුස් එක භාවිතාකරන කොට අප කරන වැරදි මේ පීඩාකාරී රෝගීතත්වයට අතවැනීමක්. පිසියොතෙරපි ප්‍රතිකාර වලට යොමුවීම හෝ ශල්‍යකර්මයට යොමුවීමට මේ නිසා සිදුවෙන්න පුලුවන්. ඒවගේම නැතිනම් මැනික්කටුව ආශ්‍රිත වේදනාවන් (wrist pain) ඇතිවෙන්නත් ඉඩකඩතියනව.

+ ඔබට අත්ල දිගහරිනවිට වැලමිට අල්ලනවිට වැලමිට ආශ්‍රිතව කැක්කුමක් එනවද..

බොහෝවිට ඔබට ටෙනිස් එල්බෝ (Tennis elbow) නම් රෝගය වෙන්න පුලුවන්. ඒනම් එකදිගට එකම අතනමන දිගහරින චර්යාවල නිරතවීමේදී වැලමිට ආශ්‍රිත මාන්ශපේශි හානියට පත්වීම නිසා මෙම රෝගීතත්වය ඇතිවෙන්න පුලුවන්.(extensor carpi radialis bravis & extensor carpi radialis longus muscles). මෙම තත්වය කලින්ම වලක්වා නොගත්තොත් පිසියොතෙරපි ප්‍රතිකාර, ඉන්ජෙක්ශන්,ශල්‍යකර්ම වගේ තත්වයන්ට පවා යන්නට සිදුවෙන්න පුලුවන්.

+ ඔබට රාජකාරී කරනවිට හෝ ඉන්පසුව කොන්ද ආශ්‍රිත වේදනාවක් හෝ කකුල දිගට හිරියක් වේදනාවක් එනවද

බොහෝවිට ඔබ දීර්ඝවෙලාවක් වාඩිවී සිටීම හා වැරදි අයුරින් වාඩිවී සිටීම නිසා කොන්ද ආශ්‍රිත මාන්ශපේශි හා කොදුඇටවලට ඇතිවන පීඩනය වැඩිවීම මීට හේතුවන්නට පුලුවන්. කොදුඇටපෙල විවිදාකාර ලෙස ඇදවීම(lumbar lordosis,kyphotic posture,scoliosis), අන්තර්කශේරුක මඩල ලිස්සීම හා නෙරායෑම(disc prolapse,disc protusion) කොදු ඇට ගෙවීම හා දිරායෑම (disc degeneration, osteoporosis ) සයටික් ස්නායුව තදවීම නිසා කකුල දිගේ හිරියක් වේදනාවක් ගලායාම (sciatica) කොදුඇටපෙල පහලම කොටසේ වේදනාව(coccydynia) සාමාන්‍ය මාන්ශපේශි ඇදීම් හා හානිවීම් නිසා ඇතිවන කොන්ද වේදනාවන් (lumbar muscles sprains and strains), පිට මැද ඉහල කොටසේ කැක්කුම( Rhomboid muscle pain), තට්ටම ආශ්‍රිත වේදනාව (piriformitis) ස්පොන්ඩිලෝසිස්, ස්පොන්ඩිලෝලිස්තෙසිස් වැනි රෝග ගනනාවක් පරිඝනක ආශ්‍රිත රැකියාකරන ඔබට ඇතිවෙන්න පුලුවන්.

තවද උරහිස් කැක්කුම් , උරහිසින් අත එසවීම අපහසුව(frozen shoulder) වැනි උරහිස ආශ්‍රිත රෝග ගනනාවක්, දනහිස් ආබාධ, ඔස්ටියොආතරයිටීස්,විලුඹ ආශ්‍රිත ආබාධ, පාදවල මාන්ශපේශිවල වේදනා වැනි රෝග රැසක් ඔබට උරුමකරල දෙන්න ඔබගෙ ඔය පුන්චි පරිඝනකයට හෝ ලැප්ටොප් එකට පුලුවන්.

දැන් බලමු අපි කොහොමද මේවයින් වැලකෙන්නෙ කියල.කලිනුත් කීව වගේ හැදුනම දුක්විදිනවට වඩා කලින්ම වලක්වා ගන්න පුලුවන්නම් අන්න ඒක තමයි හොදම දේ.

මේ රාජකාරී ස්තානය තුල පරිඝනක ආශ්‍රිත රැකියාකරන ඔබට මේ රෝගාබාද වලින් වැලකෙන්න හොදම මාර්ගයක් තමයි ස්මාට් (SMART)කන්සෙප්ට් එක.දැන් අපි බලමු මොකක්ද මේ කියල

S- stretch
ඒ කියන්නෙ මාන්ශපේශි ඇදගැනීම නැත්තම් දිග හැරීමේ පිසියොතෙරපි ව්‍යායාම් ක්‍රමයක නිරතවීම. සෑම විනාඩි 20 සිට පැයකට වරක් හෝ ඇගිලි මැනික් කටුව වැලමිට උරහිස බෙල්ල කොන්ද යන ස්තානවලට තුන්හතර පාරක් 3-4 මෙම ව්‍යායාම සිදුකරන්න. තත්පර 20ක් පමනවත් ඇදගැනීමට පුලුවන් නම් හොදයි. මීට අදාල පින්තූර පහලින් ඔබට දැකගන්නට ලැබේවී. වඩාත් හොදයි මේක ඒ කාලසීමාවේදීත් කඩ කඩ වගේ කරන්න පුලුවනිනම්. ඔබට රාජකාරී බහුලත්වය එක්ක මෙය අමතකවෙනවනම් කම්පියුටර් ස්ක්‍රීන් එකේ ටයිමර් එකක් දාගන්න රිමයින්ඩ් කරනවිදිහට ඒ වෙලාව ආවම.

M - Move
පොඩි විවේකයක් ලැබුනු ගමන් රාජකාරී ස්තානයේ මදක් ඇවිදින්න. වෙහෙසුනු මාන්ශපේශිවලට හොදින් ලේගමනාගමනය කරන්න ඉඩදෙන්න.කිසිම කෙනෙක්ට නිරෝගිව ඉන්න බෑ දිර්ඝකාලයක් එක දිගට ඉදගෙනම හිටියොත්. විදුලි සෝපනයෙන් යන්න වෙන ගමන් පඩිපෙලෙන් යන්න. ඒ ඇවිදින කොටත් කොන්ද උරහිස් අත් චුට්ටක් තමුන් රාජකාරී කරනකොට ගොඩක්ම භාවිතාකරන පැත්තට ප්‍රතිවිරැද්ධ පැත්තට ඇදගන්නට අමතක කරන්න එපා.

A- Add it up
රාජකාරියට හැමවෙලේම විවිදත්වයක් එකතු කරන්න. පෝන් කෝල් එකකට ගියත් ඩොකියුමන්ට් එකක් කියෙව්වත් මීටිමකට ගියත් හැමතිස්සෙම අර ස්ට්‍රෙචින් හා සරල ව්‍යායාමයක් කරන්න අමතක කරන්න එපා. දවසකට විනාඩි 20ක් 30ක්වත් ඔබේ ඇදීමේ ව්‍යායාම හා අනෙක් ව්‍යායාම් රාජකාරී ස්තානය තුලින්ම සම්පුර්න කරගන්න.මෙක මෙහෙම බලද්දි අමාරුයි වගේ හිතුනම පුරුදුවුනාම බොහොම පහසුයි.කරල බලන්නකො.

R- Reduce strain
ඔන්න මේක තමා අනිත් වැදගත්ම දේ. නිවැරදි ඉරියව් ඔබ වැඩකරන ගමන් පවත්වාගැනීම

: ඔබ වාඩිවෙන පුටුව ගොඩක් නම්‍යශිලි නොවිය යුතු අතර කොන්දෙ ස්වභාවික වක්‍රතාව ආරක්ශාවන පරිදි නිමවී තිබිය යුතුය. ඔබ පුටුව සකසාගතයුත්තේ හොදින් පුටුවට පිට හේත්තුවන පරිද්දෙන් හා අනවශ්‍ය චර්යාවලට කොදුපෙදෙස යොමුනොවන පරිද්දෙනුයි.

: ඔබගේ තට්ටම් පෙදෙස ආසනයට හොදින් සරිලන පරිදි නිවැරදිව වාඩිවිය යුතු අතර පාද පොලවට සමාන්තරව හෝ පුට්රෙස්ට් එක මත තබාගතයුතුය. දනහිස හා උකුල අන්ශක 90 -100නැවෙන පරිදි තබාගැනීම යෝග්‍ය අතර අත්දෙක පුටු ඇන්ද මත සුවපහසුව ශරීරයට ලගින් තබාගැනීම සිදුකරයුතුය. තවද උරහිස් සැමවිටම සැහැල්ලුවෙන් තබාගතයුතු අතර වැලමිට අන්ශක 90-100 නැමෙන සේද අත්ල මැනික්කටුව සෑමවිටම පොලවට සමාන්තරව තබාගතයුතුය. මවුස් එක යම් ආදාරකයක් හෝ පොතක් මත තබා එම සමාන්තර කිරීම සිදුකල හැක.

: පරිඝනක තිරය හා ඔබ අතර සාමාන්‍යයෙන් 65-75cm දුරක් පැවතිය යුතු අතර ඇස්මට්ටම පරිඝනක තිරයට කෙලින් හෝ ඇස්හරවා පහසුවෙන් තිරය පහල බැලිය හැකි මට්ටමකින් තබාගතයුතුය. තවද මවුස් එක එබීමට පහසු අඩු පීඩනයකින් යුතු සන්වේදීතාවයෙන් වැඩි එකක් වියයුතුඅතර කීබෝඩ් එක හා මවුස් එක බෙල්ල ඉදිරියට ගෙනයාමට අවැසි නොවන පරිදි ශරීරයට ආසන්නව පැවතිය යුතුයි.

: ඔබේ උපකරන ඩොකියුමන්ට් හෝල්ඩර්ස් යනාදිය ඇස්මට්ටමට සමාන්තරව තිබිම වඩා යෝග්‍ය අතර සෑමවිටම මැනික්කටුව පොලවට සමාන්තරව පවත්වාගැනීමට wrist pad එකක සහය ලබාගැනීමට හැකිනම් සුදුසුය.

: තවද ඔබ රාජකාරියේදි පරිඝනකය ආශ්‍රිතවම සිටින නිසා හැකිතාක් නිවසේදී පරිඝනක භාවිතය අවම කිරීමට වගබලා යුතුය.

T -Talk to us
අපි කලින් කීවාක්මෙන් ලෙඩරෝග හැදීමට පෙර වලක්වාගැනීමයි වැදගත්වෙන්නෙ. ඉතින් හොදම දේ තමයි ආයතන ප්‍රදානියා හා කතාකර ergonomics කාර්යාලයේ නිවැරදි චර්යා ගැන ඔබව දැනුවත් කිරීමට සුදුසුකම් සහිත භෞතචිකිත්සකවරයෙකුගේ උපදේශනය හෝ වැඩමුලුවක් පවත්වා ඔබ හා රාජකාරී කරන සගයන් අප ඉහත සදහන් කර රෝගාබාද වලින් බේරාගැනීමට කටයුතුකිරීම. මොකද ලෙඩවුනොත් රාජකාරී ස්ථානයට අහිමිවන ඔබගේ කාර්යක්ශමතාව මේ ගැන දැනුවත් කිරීමට හෝ කෙටිවිවේක වලින් අහිමි වන දේට වඩා වැඩිනිසා. අනිත් කාරනය තමයි ඔබට තවදුරටත් ඔබේ චර්යා ඉරියව් නිවැරදිව පවත්වාගන්නෙ කෙසේද යන්න දැනගැනීමට උපදෙස් ලබාගැනීමත් සිදුකරන්න පුලුවන්. වැදගත් තවත් කාරනයක් වන්නේ ඉහත ලෙඩරෝගවල එකක හරි මුලික ලක්ශන අත්දැක්කොත් කල් යනකන් රෝගය උත්සන්න වනතෙක් නොසිට මුල්අවස්ථාවේම පිසියොතෙරපි ප්‍රතිකාර සුදුසුකම් සහිත භෞතචිකිත්සකයෙකුගෙන් ලබාගන්න පැකිලෙන්න එපා. මොකද ඔබේ නොසැලකිල්ල නිසා ඔබේ,ඔබ පවුලේ,රැකියාස්ථානයේ සතුට මිලමුදල් කාලය ශ්‍රමය සියල්ල අඩපන කිරීමට තරම් ඔබේ ආදරනීය පරිඝනකයම හේතුවිය හැකිනිසා.

වැඩිවිස්තර සදහා හා ප්‍රතිකාර සදහා අමතන්න
081 3 130 130
Physio Kandy physiotherapy andSports Rehabilitation centre
665, William Gopallawa Mawatha,kandy