https://www.facebook.com/751307091406227/

Mass Entry Queen

Welcome to My World 🤪
Post Creative Administrator: Farweeth__🕺🏻
Post Publisher: Hazni__💃🏻

19/06/2026

தமிழ் சினிமாவில் பாடல்களை தரமாக படமாக்கும் வித்தை தெரிந்தவர்கள் இரண்டு இயக்குனர்கள் மட்டுமே. காலகாலமாக இருந்த நடைமுறைய மாற்றி மாண்டேஜ் முறையில் படமாக்கி அழகாக காட்சிப்படுத்தியவர் மணிரத்னம்.
90ஸ் கிட்ஸ் ஆகிய எனக்கு மணி ரத்னம் இயக்கிய படங்களில் வரும் பாடல்கள் ரொம்ப பிடிக்கும்.

அதன் பின்னர் பாடல்களை படமாக்கும் முறையை அடுத்த தளத்திற்கு கொண்டு சென்றவர் இயக்குனர் கௌதம் வாசுதேவ் மேனன்.
குப்பைத்தொட்டியாக இருந்தால் கூட கௌதம் மேனன் பார்வையில் அழகாக காட்டக்கூடியவர்.

கௌதம் மேனன் படங்களில் பாடல்கள் எப்போதும் சிறப்பாக இருக்கும், அவர் ஸ்கிரிப்ட் எழுதும்போதே பாடலுக்கான சூழ்நிலையை எழுதி அதனை பாடலாசியரிடம் கூறி வரிகளை பெற்று நல்ல ட்யூனுடன் வித்தியாசமான இடத்தில் பாடலை வைக்கக்கூடியவர்.

ஒரு நல்ல பாடல் எப்படி உருவாகிறது? கௌதம் மேனன் படங்கள் அனைத்தும் சிறந்த ஆல்பங்கள்.
அவருக்கு நல்ல பாடலை பெறுவது மற்றும் படமாக்குவது என்பது நன்கு அறிந்தவர். மற்ற இயக்குனர்கள் போல ஒரு லவ் சாங் , ஹீரோ ஒபனிங் சாங் என இசையமைப்பாளரிடம் அவர் சொல்வதில்லை. தெளிவாக பாடல் இடம்பெறும் இடம் Visual mood சொல்லி பாடலை பெறுவதால் அவரின் பாடல்கள் தனித்துவமாக தெரிகிறது.

எனக்கு கௌதம் மேனன் பாடல்கள் பார்க்கும்போது The connection between lyrics and music is so wonderful and tight. இது எப்படி இவரால மட்டும் செய்ய முடிகிறது என தோன்றும். கௌதம் மேனன் படங்களில் வரும் ஒவ்வொரு பாடலுக்கும் ஒரு தனிச்சிறப்பு (படத்தில் பாடல் வரும் இடம்) இருக்கும்.

கௌதம் மற்றும் ஹாரிஸ் தமிழ் சினிமாவில் கால்பதித்து ட்ரெண்ட்செட் பண்ண படம் மின்னலே. 90ஸ் கிட்ஸ் பெரும்பாலனோருக்கு மின்னலே படத்தில் வரும் பாடல்தான் மொபைல் ரிங்டோனாக இருக்கும்.

வேட்டையாடு விளையாடு படத்தில் வரும் மஞ்சள் வெயில் பாடல் என்னோட பர்சனல் பேவரட், வழக்கமாக பல்லவி மற்றும் சரணம் என்ற டெம்பிளேட்டை உடைத்து புதிய முறையில் உருவான பாடல், சினிமாடோகிராபி முழுவதும் நேசுரல் லைட்டிங், ஹரிஹரன் ஹை பிட்ச், தாமரையின் பொன்னான வரிகள், நியூ யார்க் சாலைகள் என அனைத்தும் எனக்கு ரொம்ப பிடிக்கும்.

குறிப்பாக கடைசி வரிகள் வரும்போது எத்தனை முறை பார்த்தாலும் புல்லரிச்சு போகும்.

இன்னும் கொஞ்சம் நீளவேனும்
இந்த நொடி இந்த நொடி
எத்தனையோ காலம் தள்ளி
நெஞ்சோரம் பனித்துளி

நின்றுப்பார்க்க நேரம் இன்றி
சென்று கொண்டே இருந்தேனே
நிற்கவைத்தாள் பேசவைத்தாள்
நெஞ்சோரம் பனித்துளி…

அந்தப் படத்தில் கமலின் வாழ்க்கை நடைமுறை மற்றும் கடந்து வந்த பாதையை அழகாக கூறியிருப்பார் தாமரை.

வேட்டையாடு விளையாடு படத்தின் கற்க கற்க பாடல் எடிட்டர் ஆண்டனியின் பெஸ்ட் ஒர்க் என சொல்லலாம்.

வழக்கமாக தமிழ் சினிமா ஹீரோ ஓபனிங் சாங் என்றில்லாமல் சண்டைக்காட்சிகளின் மாண்டேஜ் எடுத்துக்கோர்த்து கதைக்களம் இதுதான் முதல் 5 நிமிடத்தில் ஆடியன்ஸ்க்கு சொல்லும் பாடல்.

காக்க காக்க படத்தில் வரும் உயிரின் உயிரே பாடல் வரும் சூழ்னிலை ரொம்ப வித்தியாசமாக இருக்கும், ஆரம்ப காட்சியில் கதாநாயகனை அடித்து தூக்கி வீசி எறிகிறீர்கள் கதாநாயகி மற்ற கதாபாத்திரங்கள் பற்றி விவரிக்கும் முன்னரே பாடல் வரும், தன்னுடைய கை கடிகாரத்தில் 50 வினாடிக்குள் 5 நிமிட பாடலுக்கு சென்று திரும்ப வருவார் கௌதம் மேனன்,

அதுவும் ஒரு பாஸ்ட் பீட் சோகமான பாடல், மனுஷன் ஒரு பாட்டுக்கு எப்படியெல்லாம் யோசிக்கிறார் என்பது கௌதம் மேனன் பாடல்களை பார்த்து கற்றுக்கொள்ளலாம்.

சாப்ட் மெலடி மற்றும் ராக்கிங் மெலடி கையாளும் விதத்தை கௌதம் மேனன் பார்த்துதான் வியந்துபோனேன். நெஞ்சுக்குள் பெய்திடும் மாமழை பாடல் மற்றும் என்னைக் கொஞ்சம் மாற்றி பாடல் இரண்டுமே மெலடி தான் ஆனால் முற்றிலும் வேறு.

வாரணம் ஆயிரம் படத்தில் வரும் நெஞ்சுக்குள் பெய்திடும் மாமழை பாடல் சாப்ட் மெலடி, காக்க காக்க படத்தில் வரும் என்னைக் கொஞ்சம் மாற்றி பாடல் ராக்கிங் மெலடி. கல்லூரி மாணவனாக வரும் சூர்யா மற்றும் போலிசாக வரும் சூர்யா சிந்தனை மற்றும் கதாபாத்திரத்தின் வடிவமைப்பு முற்றிலும் வேறுபடுத்தி காட்டியிருப்பார்.

"என்னோடு வா வீடு வரைக்கும் என் வீட்டை பார் என்னை பிடிக்கும்" - இந்த வரிகளை பிடிக்காதவர்கள் யாரும் இல்லை.

விண்ணைத்தாண்டி வருவாயா படத்தில் பாடல்கள் இல்லையென்றால் பாடமே இல்லை, லவ் அட் ஃபர்ஸ்ட் சைட் ல் வரும் ஹோசானா பாடல் அந்த எமோஷனை அழகாக சொல்லியிருக்கும்.

அரோமலே பாடல் தமிழ் படத்தில் வரும் ஒரு முழு நீள மலையாள பாடல்.

அச்சம் என்பது மடைமையடா படத்தில் வரும் தள்ளிப் போகாதே பாடல் வரும் இடம், தமிழ் சினிமாவில் பாடல் முடிந்த பிறகு விபத்து வரும் ஆனால் இந்த வழக்கத்து மாறாக விபத்து நடக்கும்போது பாடல் வரும்,

கதாநாயகன் காதலை சொல்ல வரும்போது விபத்து நடக்கிறது அவரின் சிந்தனையில்/கனவில் பாடலுக்கு செல்வது, குறிப்பாக தாமரை வரிகள் மற்றும் ரகுமானின் இசை அடுத்த தளத்திற்கு எடுத்துச் சென்றிப்பார்கள்.

தற்போதைய யங் ஜெனரேஷனில் யார்கிட்ட பேவரட் சாங் கேட்டாலும் அதில் நிச்சயமாக கௌதம் மேனன் படத்தில் இடம்பெற்ற ஏதாவது ஒரு பாடல் இருக்கும். எனக்கு கௌதம் மேனன் படத்தில் இடம்பெற்ற அனைத்து பாடல்களும் ரொம்ப பிடிக்கும்.
என்னோட பேவரைட் அவரது படத்தில் இடம்பெற்ற அனைத்தும் திரும்ப திரும்ப கேட்கும் /பார்க்கும் பாடல்கள் ஆகும்.

19/06/2026

2007-ல் வெளிவந்த நான் அவன் இல்லை படத்தை செல்வா இயக்கியிருப்பார். படத்தின் நாயகனாக ஜீவன் மற்றும் நாயகிகளாக சினேகா , நமீதா , மாளவிகா , ஜோதிர்மயி மற்றும் கீர்த்தி சாவ்லா நடித்திருப்பார்கள்.

இந்த படத்தில் முதல் காட்சியில் நாயகன் மீது நாயகிகள் காவல்துறையில் மோசடி புகார் கொடுத்திருப்பார்கள்.
விதவிதமான வேடங்கள் தரித்து பல பெண்களை ஏமாற்றி திருமணம் செய்து அவர்களிடம் உள்ள பணம், நகைகளை திருடி சென்றுவிட்டார் என்பதே புகார்.
இதற்கிடையில் காவல்துறையினரால் பிடிக்க படும் நாயகன் நீதிமன்றத்தில்தான் நிரபராதி என்றும் யாரோ செய்த தவறால் தான் பாதிக்கப்படுவதாக கூறி மிகவும் சாமர்த்தியமாக பேசி எப்படி தப்பிகிறார் என்று காட்டியிருப்பார்கள்.

1974-ல் வெளிவந்த இந்த படத்தை K. பாலச்சந்தர் இயக்கியிருப்பார்.
படத்தின் நாயகனாக ஜெமினி கணேசன் மற்றும் நாயகிகளாக லட்சுமி , ஜெயபாரதி, ஜெயசுதா, ராஜசுலோச்சனா, M. N. ராஜம் மற்றும் லீலாவதி நடித்திருப்பார்கள்.

ஜெமினி கணேசனால் சிறப்பாக நடிக்கபட்ட இந்த படம் அன்றைய காலகட்டத்தில் வெற்றி பெறவில்லை. மறுஆக்கம் செய்யப்பட்டு இந்த கால தலைமுறையினருக்கு ஏற்ற வகையில் 2007-ல் எடுக்கப்பட்ட இதே படம் ரசிகர்களை கவர்ந்து சிறப்பான வெற்றியை பெற்றது.
இந்த படத்தின் நாயகன் ஜீவனுக்கும் நல்லதொரு பெயர் கிடைத்தது.

நான் பார்த்து ரசித்த மறு ஆக்கம் செய்யப்பட்ட திரைப்படங்களில் இதன் அசலைவிட சிறப்பான முறையில் அமைந்த படமாக இதனை கூறுவேன்.

இந்த படத்தின் வெற்றியால் மிகுந்த லாபமடைந்த படக்குழு இதனை உல்டா செய்து 2009-ல் "நான் அவன் இல்லை 2" எடுத்து நஷ்டமடைந்த கதையை வேறு ஒரு பதிவில் சொல்கிறேன்.

18/06/2026

இடிக்க திட்டமிட்ட தியேட்டருக்கு உயிர் கொடுத்த “சின்னத்தம்பி” தமிழ் சினிமாவின் மறக்க முடியாத சாதனை...!

1991-ஆம் ஆண்டு வெளியாகி தமிழ் ரசிகர்களின் இதயங்களை வென்ற திரைப்படம் சின்னத்தம்பி.
இயக்குனர் P. Vasu இயக்கத்தில், Prabhu மற்றும் Khushbu Sundar நடித்த இந்த படம் அக்காலத்தில் மிகப்பெரிய வெற்றியைப் பதிவு செய்தது.

இளையராஜாவின் இனிமையான இசை, மனதை வருடும் காதல் கதை, கவுண்டமணியின் காலத்தால் அழியாத நகைச்சுவை என அனைத்து அம்சங்களும் இணைந்து சின்னத்தம்பி திரைப்படத்தை மக்கள் கொண்டாட வைத்தன. பல திரையரங்குகளில் 100 நாட்களுக்கு மேல் ஓடிய இந்த படம், 9 திரையரங்குகளில் 356 நாட்கள் ஓடி சாதனையும் படைத்தது.

இந்தப் படத்தைப் பற்றிய ஒரு சுவாரஸ்யமான தகவலை இயக்குனர் பி.வாசு பகிர்ந்துள்ளார்.
கேரளாவின் திருச்சூரில் பார்வையாளர்கள் வராததால் ஒரு தியேட்டரை இடித்துவிட முடிவு செய்யப்பட்டிருந்தது.
அந்த நேரத்தில் சின்னத்தம்பி படத்திற்கு வேறு திரையரங்குகள் கிடைக்காததால், கடைசி முயற்சியாக அந்த தியேட்டரில் வெளியிடப்பட்டது.

ஆனால் யாரும் எதிர்பார்க்காத வகையில் படம் மாபெரும் வெற்றி பெற்றது.
100 நாட்களுக்கு மேல் ஓடியதால், தியேட்டரை இடிக்கும் முடிவே கைவிடப்பட்டது. ஒரு திரைப்படம் ஒரு திரையரங்கின் வாழ்வையே மாற்றிய அரிய சம்பவமாக இது இன்று வரை பேசப்படுகிறது.

தமிழகத்தில் மட்டுமல்லாமல், தெலுங்கு மற்றும் கன்னட மொழிகளிலும் ரீமேக் செய்யப்பட்டு வெற்றி கண்ட சின்னத்தம்பி, காலம் கடந்தும் ரசிகர்களின் மனதில் வாழும் ஒரு அற்புதமான படைப்பாகத் திகழ்கிறது.

❤️ ஒரு படம் வெறும் பொழுதுபோக்கு மட்டுமல்ல... சில நேரங்களில் அது ஒரு தியேட்டருக்கே உயிர் கொடுக்கவும் முடியும் என்பதை நிரூபித்த படம் – சின்னத்தம்பி....! 🎥✨

18/06/2026

திரைப்பட ஆல்பத்தின் ஒரு பகுதியாக இருந்து ஆனால் திரைப்படத்தில் பயன்படுத்தப்படாத தமிழ் சினிமாவின் சில சிறந்த பாடல்களை இந்த பதிவில் குறிப்பிட்டுள்ளேன்.

வாரணம் ஆயிரம் (2008)

ஹாரிஸ் ஜெயராஜ் அவர்களின் இசையமைப்பில் இந்த படத்தில் உள்ள அனைத்து பாடல்களுக்கும் இசை ரசிகர்களை வெகுவாக கவர்ந்தது.
ஆனால் இந்த படத்தில் 2 அற்புதமான பாடல்கள் இடம்பெறவில்லை என்பது உங்களுக்கு தெரியுமா?

அவை

"ரகசியம் ஒன்று " என தொடங்கும் ஒரு பாடல்

"மீள முடியாமல்" என தொடங்கும் இன்னொரு பாடல்

3 (2012)

அனிருத் இசையமைப்பில் மிக பெரிய வரவேற்பை பெற்ற இந்த படத்தின் பாடல்களில் ஒரு பாடல் மட்டும் திரையில் இடம்பெறவில்லை.

நான் மகான் அல்ல (2010)

யுவன் ஷங்கர் ராஜா இசையமைப்பில் நா.முத்துக்குமார் அவர்களின் வரிகளில் உருவான "ஒரு மாலை நேரம்" என தொடங்கும் ஒரு அருமையான பாடலும் திரையில் இடம்பெறவில்லை.

சிட்டிசன் (2001)

தேவா இசையமைப்பில் ஹரிஹரன் மற்றும் ஹரிணி பாடிய "ஆஸ்திரேலியா தேசம்" என தொடங்கும் பாடல் படத்தில் இடம்பெறவில்லை.

இந்த படத்தில் என்னுடைய விருப்பமான பாடலிது.
திரையில் வராதது எனக்கு கொஞ்சம் ஏமாற்றம் தான்.

உங்களுக்கும் இதுபோல் தெரிந்த வேறு பாடல்கள் ஏதும் உண்டா...

18/06/2026

நான் மகான் அல்ல, தீரன் வரிசையில் கைதி, ஒரு தரமான க்ரைம் த்ரில்லர் ஆக்ஷன் திரைப்படம்.

ஒரு இரவு எப்படியெல்லாம் இருக்க முடியும்...? 'மாநகரம்' படத்தில் சென்னை நகரின் ஒரு இரவில் நடக்கும் கதையை விறு விறுவென சொல்லி ரசிகர்களை கவர்ந்து ஹிட் கொடுத்த இயக்குனர் லோகேஷ் கனகராஜ்,
திருச்சியின் ஒரு அசாதாரண இரவில் நடக்கும் கதையை தனது 'கைதி'யில் சொல்லியிருக்கிறார்.
அதே விறுவிறுப்பு மாறாமல்.

சுமார் 840 கோடி ரூபாய் மதிப்புள்ள 900 கிலோ போதை மருந்தை கடத்தல்காரர்களிடம் இருந்து கைப்பற்றுகிறது ஸ்பெஷல் டாஸ்க் ஆஃபிசர் நரேன் தலைமையிலான போலீஸ் டீம்.
அதை இழந்த க்ரைம் கடத்தல் கும்பல் போதை மருந்தை மீட்கவும் கைப்பற்றிய போலீஸ்காரர்களை கொ...../லை செய்யவும் வெறியுடன் கிளம்புகிறது.

இன்னொரு பக்கம் நகரின் முக்கிய காவல் அதிகாரிகள் அனைவரும் ஒரு இக்கட்டான சூழலில் சிக்க, அவர்களுக்கு உதவ வேண்டிய கட்டாயத்தில் சிக்குகிறார் சிறையிலிருந்து வெளியே வந்திருக்கும் ஆயுள் தண்டனை கைதியான கார்த்தி.

கார்த்தி, வாழ்நாளில் அதுவரை பார்த்திராத தனது மகளை மறுநாள் பார்க்கச் செல்ல வேண்டும்...

நரேன், அவ்வளவு மோசமான போதைப் பொருள் மீண்டும் கிரிமினல்களிடம் சிக்கி சமூகத்தை சீரழிப்பதைத் தடுக்க வேண்டும்... போலீஸ்காரர்கள் காப்பாற்றப்பட வேண்டும்... எதிரில் மிகப்பெரிய க்ரைம் கூட்டம்.
என்ன ஆனது அந்த இரவில் என்பதுதான் 'கைதி'.

கார்த்தி, தோற்றத்தில் பருத்தி வீரனை பார்த்த பரவசத்தை நமக்குத் தருகிறார்.

படத்தின் இன்னொரு பெரிய பலம் இசை தான்…
சாம்.சி.எஸ்.. தனது பின்னணி இசை மூலம் படத்தின் விறுவிறுப்புக்கு வலுவூட்டுகிறார்.

படத்தில் தேவை இல்லாத பாட்டு, ஐட்டம் சோங் ,தெறிக்க தெறிக்க ஹீரோ ஹீரோயினை லவ் பண்ற ரொமான்ஸ் காட்சி என்ற ஒரு கருமமும் இல்லாமல் இருப்பது பெரிய வெற்றி என்னை பொறுத்த வரை.

18/06/2026

67 -வது தேசிய திரைப்பட விருதுகளில், விருது பெற்றவர்களில் என் மனம் கவர்ந்த ஒருவரை பற்றி இந்த பதிவில் குறிப்பிட்டுள்ளேன்.

இராதாகிருஷ்ணன் பார்த்திபன்

இவர் ஒரு பன்முக கலைஞர்.
தமிழ் திரையுலகின் ஜாம்பவான்களின் வரிசையில் கண்டிப்பாக இவருக்கும் ஒரு இடமுண்டு.

1984 ஆம் ஆண்டு இயக்குனர் மற்றும் நடிகரான கே.பாக்யராஜிடம் உதவி இயக்குநராக சேர்ந்து தனது திரைப்பயணத்தை தொடங்கினார்.

இவர்கள் இருவரும் சேர்ந்து 1984 ஆம் ஆண்டு முதல் 1991 ஆம் ஆண்டு வரை கிட்டத்தட்ட 20 -க்கும் மேற்பட்ட படங்களில் பணியாற்றினர்.
இன்று வரை 14 படங்களை இயக்கியும் 12 படங்களைத் தயாரித்தும் 60 க்கும் மேற்பட்ட படங்களில் நடித்தும் உள்ளார் பார்த்திபன்.

1990 ஆம் ஆண்டு இவர் இயக்கி நடித்த முதல் திரைப்படமான "புதிய பாதை" படத்திற்காக முதல் தேசிய விருதை (சிறந்த திரைப்படம்) பெற்றார்.

அதேபோல் 2000 ஆம் ஆண்டு இவர் இயக்கி நடித்த "ஹவுஸ் புல்" படத்திற்காக இரண்டாவது தேசிய விருதை (சிறந்த திரைப்படம்) பெற்றார்.
அதன் பிறகு 19 வருடங்களுக்கு பின்னர் 67வது தேசிய திரைப்பட விருதுகளில் இவர் இயக்கி நடித்த " ஒத்த செருப்பு சைஸ் 7" படத்திற்காக சிறந்த ஜூரி விருது வழங்கப்படுவதாக அறிவிக்கப்பட்டது.

இந்த படத்திற்காக இவரின் உழைப்பு அளப்பரியது.
இவருடைய மிக கடுமையான முயற்சியும் உண்மையான ஈடுபாட்டையும் இந்த படத்தில் உள்ள ஒவ்வொரு காட்சிகளும் நமக்கு உணர்த்தியிருக்கும்.

இவரை போன்ற கலைஞர்களுக்கு மக்களின் பாராட்டுகளும், தேசிய விருதுகளும் தான் ஊக்கத்தையும் உற்சாகத்தையும் தந்து மேலும் பல புது முயற்சிகளை தமிழ் திரையுலகில் மேற்கொள்ள தூண்டுகோலாய் அமைகிறது.

ஒரு வார்த்தையில் கூற வேண்டுமென்றால்
"ரா.பார்த்திபன் -தமிழ் சினிமாவின் பொக்கிஷம்"

17/06/2026

சூப்பர் ஸ்டார் நடித்த சிவாஜி படத்துல இப்டி ஒரு சீன்

இந்த மாதிரி எல்லாம் சங்கர் படத்துலதான் பார்க்க முடியும்.....

நாலு பேர் நல்லா படிச்சு நல்லா வரனும்னு யூனிவர்சிடி கட்டினா
நான் எதுக்குயா உனக்கு லஞ்சம் தரனும்

நான் உங்க கிட்ட பிஸ்னஸ் பண்ணவா பர்மிஷன் கேட்டன்....

என்று ரஜினி கேப்பாப்ல

அதுக்கு காசு கொடுத்தாதான் உன்னால கக்கூஸ் கூட இங்க கட்ட முடியும் என்று சொல்லுவாப்ல

தைரியமான வசன வரிகள்
மிக அற்புதமாக எடுத்து வெச்சிருப்பாப்ல......🔥🔥

17/06/2026

பல திரைப்படங்களில் சில கதாபாத்திரங்கள்
மாற்றுத் திறனாளியாக திரைப்படத்தில் இடம்பெறுவதற்கான முக்கிய காரணங்கள் இதோ.

ஒரு கதாபாத்திரத்தை மாற்றுத் திறனாளியாக காட்சிப்படுத்தி கதை சொல்லும் போது அந்த கதாபாத்திரத்தின் மீது படம் பார்ப்பவர்கள் தனி கவனம் செலுத்துகின்றனர்.

இதன் மூலம் எளிதாக ரசிகர்களை ஈர்க்க முடியும் என்ற எண்ணம் பல திரைப்பட இயக்குனர்களுக்கு மேலோங்கி உள்ளது.

எடுத்துக்காட்டு:

"பாகுபலி" படத்தில் வரும் பிங்கலதேவன் கதாபாத்திரத்தை சொல்லலாம்.

கதாநாயகன் உதவுவது போல அல்லது அவர்களுக்காக கண்ணீர் சிந்துவதை போல காட்சிகளை எடுத்து கதாநாயகனுக்கு ஓவர் பில்ட் அப் கொடுக்கலாம்.

எடுத்துக்காட்டு:

"சுறா" படத்தில் தளபதிக்கு பில்ட் அப் ஏத்திய ஒரு காட்சி

உண்மையிலேயே கதைக்கு அப்படியொரு கதாப்பாத்திரம் கண்டிப்பாக தேவைப்பட்டிருக்கும்.

எடுத்துக்காட்டு:

"தோழா" படத்தில் நாகர்ஜூனின் கதாப்பாத்திரம்

அவர்களால் படத்தில் எந்த ஒரு மாற்றமும் இல்லை எனிலும் ஏன் அந்த கதாபாத்திரங்கள் உருவாக்கப்படுகிறது?

ஆம். இந்த கதாபாத்திரங்களால் படத்தில் எந்த மாற்றமும் நிகழப்போவதில்லை இவர்கள் திரைக்கதையின் ஓட்டத்திற்காகவும் சுவாரஸ்யமான காட்சி அமைப்பிற்காக (செண்டிமெண்ட்) மட்டுமே பெரும்பாலும் பயன்படுத்தப்படுகின்றனர்.

இது படம் பார்க்கும் ரசிகர்களை கவரும் ஒரு யுக்தியாகவே பார்க்கப்படுகிறது

எடுத்துக்காட்டு:

முதல்வன் படத்தின் இந்த காட்சியை சொல்லலாம்.

இந்த காட்சியில் மாற்றுத்திறனாளி ஒருவர் நாயகனிடம் பேசுகின்ற வசனம் ரசிகர்களை கவர்ந்து பெரும் வரவேற்பு பெற்றது

இதுவே சாதாரணமான ஒருவர் பேசி நடித்திருந்தால் இந்த காட்சி இந்தளவுக்கு கொண்டாடப்பட்டிருக்குமா என்பது சந்தேகமே.

17/06/2026

மிகச்சிறந்த காதல் தோல்வி படமாக நான் கூற விரும்பும் திரைப்படம் இது தான்.

1982-இல் வெளிவந்த மூன்றாம் பிறை படத்தை பாலு மகேந்திரா இயக்கியிருப்பார்.
"உலக நாயகன்" கமல்ஹாசன் (சீனு/சீனிவாசன்) மற்றும் ஸ்ரீதேவி (பாக்யலட்சுமி/விஜி ) முதன்மை கதாபாத்திரத்தில் நடித்த இந்த படத்திற்கு இசையமைத்திருப்பார் இசைஞானி இளையராஜா.

விபத்தில் சிக்கி தலையில் அடிபட்டு மனநிலை பாதிக்கப்படும் பாக்யலட்சுமி

பெற்றோர்களை கூட அடையாளம் தெரியாமல் குழந்தை போன்ற மனநிலைக்கு மாறுகிறார்

ஒரு கட்டத்தில் கடத்தப்பட்டு விபச்சார விடுதிக்கு கொண்டு செல்ல படுகிறார் பாக்யலட்சுமி.

பாக்யலட்சுமி-யின் பெயர் விஜி(யா) என்று மாற்றுகிறார்கள்

அங்கு வரும் சீனு அவளின் நிலையறிந்து அவரை அந்த இடத்தில் இருந்து மீட்டு தன் இடத்திற்கு கூட்டி வருகிறார்.

அவளை பாதுகாத்து அவளின் மனநோயை குணப்படுத்த பல்வேறு வகையில் போராடும் சீனு ஒருபுறம்

காவல்துறை உதவியுடன் காணாமல் போன மகளை தேடும் பெற்றோர் ஒருபுறம்

இறுதியில் பாக்யலட்சுமி குணமாகிறார்

குணமடைந்த பிறகு சீனுவின் நினைவு அவள் மனத்திலோ நினைவிலோ ஒரு துளி கூட இல்லை

மனநிலை சரியாகி பெற்றோருடன் தொடர்வண்டியில் ஊருக்கு புறப்படுகிறார் விஜி

அப்போது

தொடர்வண்டி நிலையத்திற்கு விஜியை காண வருகிறார் சீனு இரத்த காயத்துடன் சகதி படிந்த ஆடையோடு.

அதன் பின் அரங்கேறும் 7 நிமிட காட்சியை உணர்வுபூர்வமாக எழுத்து வடிவில் கூட சொல்ல இயலாது.

அப்படி ஒரு நெஞ்சை உருக்கும் காட்சி இது.

காதல் தோல்வி படங்களில் இந்த "மூன்றாம் பிறை"-யை ஏன் சிறந்த படமாக கூறுகிறேன்?

இந்த படத்தில் நாயகனின் மனதில் இருக்கும் காதலை கண்ணதாசன் தன்னுடைய பாடல் வரிகளினால் படம் பார்ப்போருக்கு தெளிவு படுத்தி இருப்பார்.

"காதல் கொண்டேன் கனவினை வளர்த்தேன்

கண்மணி உனை நான் கருத்தினில் நிறைத்தேன்

உனக்கே உயிரானேன் என்னாளும் எனை நீ மறவாதே

நீ இல்லாமல் எது நிம்மதி நீதானே என் சன்னிதி"

இந்த வார்த்தைகளில் உள்ள காதலின் ஆழத்தை யாராலும் விவரிக்க முடியாது.தாய்மை உணர்வுள்ள ஒரு காதலனின் பிரதிபலிப்பாகவே சீனு-வின் கதாபாத்திரம் வடிவமைக்கப்பட்டிருந்தது.

தனது காதலியின் நினைவாக இயக்குனர் பாலு மகேந்திரா சிற்பி போல செதுக்கிய காவியம் இந்த மூன்றாம் பிறை.

அன்று முதல் இன்று வரை காதலை திரையில் காட்டிய பல்லாயிரக்கணக்கான திரைப்படங்கள் இருந்தாலும் காமம் மற்றும் முக கவர்ச்சி உட்பட எந்த ஈர்ப்புமின்றி உண்மையான அன்பின்பால் ஏற்படும் உன்னதமான காதலை திரையில் காட்டிய இந்த படத்திற்கு நிகரான ஒரு காதல் திரைப்படம் இதுவரை வந்ததில்லை என்பது என்னுடைய கருத்து.

17/06/2026

தந்தை போலீஸாக இருந்தும் தன் மகன் ஒழுக்கமாக வளர வேண்டும் என்ற ஒரே காரணத்துக்காக தந்தையே வகுப்பு ஆசிரியருக்கு பிரம்பினை ஒப்படைத்து இருக்கிறார்....

பள்ளி மாணவர்களுக்கு அடிப்பது சட்டத்துக்கு புறம்பான விடயம் என்றாலும் தன் பிள்ளைக்கு தப்பு செஞ்சா தண்டிக்க வேண்டும்னு அவரே முன்வந்து இந்த செயலை செய்து இருக்கிறார்....

இந்த சம்பவம் தென்காசி மாவட்டத்தில் இரண்டாம் நிலை காவலராக பணி புரியும் மாடசாமி
ராஜபாண்டி அரசு தொடக்கப் பள்ளியில் தன் இரு மகன்களை சேர்ப்பிக்கும் பொழுது நடந்துள்ளது....

பாராட்ட மனம் இருந்தால் பாராட்டுங்கள் 🔥

Claim ownership or report listing

Want your business to be the top-listed Media Company in Kalmunai?
Click here to claim your Sponsored Listing.

Website

facebook.com

Address

Kalmunai
32300

Mass Entry Queen

Share

Category

Website

Address