Digana News

கண்டி தெல்தெனிய துயர சம்பவம்: கார்க்குள் இளம்பெண் சடலம் — காதலன் தலைமறைவு.

ஜூன் 17ம் தேதி புதன்கிழமை மாலை, கண்டி தெல்தெனிய ஆதார வைத்தியசாலை வாகன தரிப்பிடத்தில் நிறுத்தப்பட்டிருந்த காரொன்றினுள் இளம்பெண் ஒருவரின் சடலம் கண்டுபிடிக்கப்பட்டது.

இறந்தவர் யார்?
அம்பாறை வைத்தியசாலையில் உடற்பயிற்சி நிபுணராக (physiotherapist) பணிபுரிந்த, வெலிகம பகுதியைச் சேர்ந்த 33 வயது பி.ஆர். ஷியாமா தர்ஷினி. வெளிநாடு செல்வதற்காக 2023ல் வேலையிலிருந்து விலகும் ஆவணங்களைச் சமர்ப்பித்திருந்தார் என காவல்துறை தெரிவிக்கிறது.

சந்தேக நபர்
கண்ணூரைச் சேர்ந்த 35 வயது டி.எம்.எஸ். தினத் திஷணாயக்க — இறந்த பெண்ணின் காதலன். தற்போது தலைமறைவாக உள்ளார்.

காலக்கோடு

• 2ம் தேதி: இருவரும் ஒன்றாக ஒரு ஹோட்டலுக்கு வருகை
• 10ம் தேதி: இருவரும் ஒன்றாக புறப்பாடு
• 14ம் தேதி: பெண் மட்டும் தனியாக மீண்டும் வருகை
• 17ம் தேதி இரவு 9 மணி: சந்தேக நபர் வாடகைக் காரில் தனியாக வருகை

என்ன நடந்தது?
“மனைவிக்கு உடல்நலம் சரியில்லை” என ஹோட்டல் பாதுகாப்பு அதிகாரியிடம் பொய் சொல்லி உள்ளே நுழைந்த சந்தேக நபர், கண்காணிப்பு கேமரா காட்சிகளில் பெண்ணின் முகத்தை துணியால் மூடி தூக்கிச் சென்றது பதிவாகியுள்ளது. இருவருக்கிடையே ஏற்பட்ட வாக்குவாதம் முற்றியதையடுத்து கொலை செய்யப்பட்டிருக்கலாம் என பொலிஸார் சந்தேகிக்கின்றனர் . பின்னர் சடலத்தை காரில் ஏற்றி தெல்தெனிய வைத்தியசாலை அருகே கொண்டுபோய் விட்டுவிட்டார். சடலம் இருப்பதாக பொலிஸாருக்கு முதலில் தொலைபேசியில் அறிவித்தவர் இவரே என பொலிஸ் வட்டாரங்கள் தெரிவிக்கின்றன .

பொலிஸ் வேண்டுகோள்
சந்தேக நபர் தினத் திஷணாயக்க பற்றி தகவல் உள்ளவர்கள் நூரலியா உதவி காவல் கண்காணிப்பாளர் (071-859-1096) அல்லது தலைமை காவல் பரிசோதகரை (071-859-1097) தொடர்பு கொள்ளலாம்.