KBOOKS

මං චිත්‍රපටියක කෙටිකතා සංග්‍රහයේ එන කෙටිකතාවක්

ප්‍රේම සම්බන්ධතාවකින් දෙන්නෙක් වෙන් වෙලා යද්දී, දෙන්නගෙන් එක්කෙනක් බොහෝ වෙලාවට කියන වාක්‍යයයක් තමයි, “ඔයාට හොඳ කෙනෙක් හම්බවෙන්න ඕන” කියන එක. එහෙම නැත්නම් “ඔයාට මට වඩා හොඳ කෙනෙක් හම්බවෙන්න ඕන” කියන එක. මෙහෙම කියන කෙනෙක්ට කොයි තරම් දුරට තමන්ගේ වචනයට වග කියන්න පුලුවන් ද කියලා තේරුම් යන්නේ, ඇත්තටම අනෙක් පාර්ශවයට තමන්ට වඩා හොඳ කෙනෙක් ලැබිලා තියනවා කියලා සහතිකව ම දැනගත්ත දවසට.

කොහොම හරි, යම් කෙනෙකුට, කලක් තමන් ආදරේ කරපු කෙනාට ඇත්තට ම තමන්ට වඩා හොඳ කෙනෙක් හමුවීම ගැන සතුටු වෙන්න පුළුවන්නම්, ඒක ඒ මනුස්සයා ලබන සෑහෙන්න ලොකු ජයග්‍රහණයක්. හැබැයි ඇත්තටම එහෙම දැනෙණවා කියන්නෙයි, එහෙම දැනෙණ බව පෙන්වනවා කියන්නෙයි දෙකක්.

මේ ගැන වින්ඩියි, විමංසයි කියන්නේ මෙහෙමයි.

"ආපස්සට කිසිම දෙයක් බලාපොරොත්තු නොවී, අයිති කර ගැනීමක් ගැන නොහිතා, ආදරය කරන්න පුළුවන් වෙනවා කියන්නේ, මනුස්සයෙක් ආදරය ඇතුලෙ ලඟා වෙන්න පුළුවන්, උත්තරීතරම තැනට ළඟා වෙනවා කියන එක. වෙන විදිහකින් කිව්වොත්, ඒක තමයි ආදරයේ නිර්වාණය. හැබැයි එතෙන්ට ලඟා වෙන එක ලෙහෙසි නැහැ. ඒක, ඉරිසියාව, කේන්තිය, අතෘප්තිය, ආත්මානුකම්පාව, තනිකම, නොසලකා හැරීම හරහා යන්න වෙන ඉතාම දුෂ්කර ගමනක ගමනාන්තයක්.."

- විමංස -

"ආපස්සට කිසිම දෙයක් බලාපොරොත්තු නොවෙන, අයිති කර ගැනීමක් ගැන නොහිතන ආදරයක අයිතිකාරියක් කියන්නේ, මනුස්සයෙක්ට ආදරය ලබන්න පුළුවන් හොඳම විදිහට ආදරය ලබන කෙනෙක්. හැබැයි එතෙන්ට ලඟා වෙන එකලේසි නැහැ. ඒකට ඔයාට සිද්ධ වෙනවා ඉරිසියාව, කේන්තිය, අතෘප්තිය, ආත්මානුකම්පාව, තනිකම සහ නොසලකා හැරීම එක්ක අවංකවම සටන් කරන මනුස්සයෙක්ව ඉවසන්න. "

- වින්ඩි -

මේක එක මනුස්සයෙක් ප්‍රේමයේ නිර්වාණය කරා යන්න උත්සාහ කරපු දුෂ්කර ගමනක් ගැන කතාවක්.

මේක තවත් ගැහැණුන් දෙදෙනෙක්, දැනුවත් ව හෝ නොදැනුවත් ව ඒ දුෂ්කර ගමන දරාගැනීම පිළිබඳ කතාවක්.

මේක, ඉරිසියාව කියන මානව හැඟීම ගැන මනුස්ස අර්ථයෙන් බලන්න උත්සාහ කරපු කතාවක්.

ඉරිසියාවේ අත්පොත - ජුනි මාසයේ දී...

COVER DESIGNER - Vidun Mansitha
සෝදුපත් කියැවීම - Teroshanie Dahanayaka

KBOOKS පොතක්