KSP Publishers

ඇය අවසන් උගුර ඇද ජීවය රහිත ෆිල්ටරය ඇගිලි දෙකකින් අල්ලා අලූ බදුන මත තෙරපුවාය.

'ලූක් හියර්' ඇය එසේ කරනා ගමන් දේවන්ගේ දෑස්ද ඒ වෙතට යොමු කළාය. ඔහු බලා සිටියේ ඇගේ හීනි දිගු ඇගිලි හිතක් පපුවක් නැති විලස ෆිල්ටරය පොඩිපට්ටම් කරන දෙසය.

'විඳලා ඉවර වුණාම හැම දේටම මේක තමයි අපි කරන්නේ නේද?' අග්‍රා ඇසුවේ හිනැහෙමින් වුවත් දේවන්ට එය විහිලූවක් ලෙසින් නොදැනුණි.

'විඳලා ඉවර වුණු හැමදේටම මෙහෙම කරන්න ඕනේ නෑ නේද?' දේවන්ගේ මුහුණේ සිනාවක සේයාවක්වත් තිබුණේ නැත.

අග්‍රා එවර පෙරටත් වඩා වැඩියෙන් හිනැහුණාය.
'ඇයි ඔයා ඔච්චර හොඳ වෙන්න ට්‍රයි කරන්නේ? ඔයා කාවවත් මෙහෙම අතඇරලා දාලා නැත්ද?' ඇය ඇසුවේ සිගරට් ෆිල්ටරය දක්වමිනි.

බීර සුවඳැති හාදු