Mapholi FM 101.2

Mabalankoe | Bamameli ba Mapholi FM ba amohela Phusy ka mofuthu lenaneong la Makatolle

Moetapele oa DC, Mohl. Mathibeli Mokhothu o amohetse seboholi sa lebatooa sa BDF, Mong. Thabiso Ranku kajeno sebokeng se koaletsoeng sa boetapele ba lebatooa la Mekaling

𝙇𝙀𝙎𝙊𝙏𝙃𝙊 𝙃𝙊𝙐𝙎𝙀 𝙀 𝙏𝙃𝘼𝙆𝙃𝙊𝙇𝘼 𝙈𝙊𝙍𝙀𝙍𝙊 𝙊𝘼 𝙇𝙄𝙏𝙎'𝘼 𝙃𝘼-𝙈𝘼𝙋𝙀𝙏𝙇𝘼

Letona la puso ea libaka le borena mohlomphehi Nkhethoa Seetsa o phethotse lekote la morero oa lits'a oa Lesotho Housing and Land Development Corporation (LHLDC) Ha-Penapena, Ha Mapetla kajeno.

Morero o tla tsebahala ka lebitso la "Rockville Crescent Project", 'me oona o reretsoe ho fana ka lits'a tsa boleng bo holimo tse raliloeng. Ho ea ka tlhaloso ea Mookameli oa Phethahatso oa LHLDC M*fumahali 'Malesekele Matekane lits'a li tla ba le marang-rang a khokelo ea metsi le likhoekhoere, litsela tse ahiloeng le khokelo ea motlakase. O hlalositse ha LHLDC e tla etsetsa batho ba rekileng lits'a sebakeng seo ho bitsoang "security of tenure" e leng se tla thusa bareki ho fumana lease ntle ho ts'itiso ea letho.

Boipiletso ba M*f. Matekane ho sechaba sa Ha-Mapetla ebile h**e se amohele batho ba tla reka lits'a le h**e ba phelisane le bona ka khotso.

Boholo ba lits'a bo tla qala ho 800sqm ho isa ho 1.8sqm, 'me kakaretso ea tsona ka palo ke 160. Ho boetse ho na le se le seng seo e tlaba sa boithapollo.

Majoro oa Lekhotla la Motse Moholo Maseru le Mok'hanselara Relebohile Sechache ke karolo ea baeti ba bohlokoa ba teng ketsahalong ena ho tlotlisa mokete ona ka boteng ba bona.

Lefats'eng ho ntse hoba thata

𝙇𝙀𝙎𝙀𝘼 𝙇𝙀 𝙏𝙄𝙈𝙀𝙇𝘼 𝙇𝙀 𝙎𝙊 𝙃𝙇𝘼𝙃𝙀 𝙆𝙀 𝘽𝙊𝙃𝙇𝘼𝙎𝙊𝘼 𝘽𝘼 𝘽𝘼𝙊𝙆𝙄

Phala ea lekala la bophelo mofumahali 'Mateboho Mosebekoa o re litsing tsa bophelo ke hona feela moo basali ba immeng ba bolokehileng 'me o ipiletsa ho basali ho phehella kamehla ho ea litsing tsa bophelo nakong ea bokhachane.

Sena se latela h**e mofumahali 'Mapapaballo a re molamo o ile sepetleng sa Nts'ekhe Mohale'S Hoek ho ea its'ihlolla empa ka lebaka la lits'ebeletso tse mpe ngoana o ile a timela a eso hlahe matsatsi a mararo a amohetsoe sepetlele.

O re molamo o na lokela ho pepa ka thipa ebile ele nako ea ho pepa ha a kene sepetlele ka la 27 Mots'eanong moo a ileng a fuoa mahlaba habeli empa eare ha sa thusehe ba mo tlohella.

O supa ha ngoana a emisitse ho bapala ka la 30 Mots'eanong 'me pelaelo ke h**e e ne le ha a timela. M*fumahali Kabi o re tsietsi e hlaha mabaka a fokola empa boemong bona ba bona e le bohlasoa ba baoki 'ba thusitseng molamo hoba hose ho entse mekutu ea ho kopana le bookameli ba sepetlele le lekala la bophelo.

O re le hoja sepetlele se ile sa kopa hoba le kopano le lelapa, seo ha sena hlakola bohlokoa h**e ba lata setopo eseng ngoana. Sena ke ho ea ka leselinyana la litaba la uncernsored news Lesotho.