Les Rois Du Bac Libre

التاريخ الدرس 10: تصفية الاستعمار و بروز العالم الثالث.

فالسنين الأخيرة كانو بزاف ديال دول العالم تخت الاستعمار الأجني الحاجة اللي خلاتهوم يعقدو مؤتمرات و مجالس باش يفكرو كيفاش يصفيو هاد الاستعمار من عندهوم حيت ماكانش داير معاهوم شي مزيان من غير أنه كايستاغلهوم كل نهار، و كانو بزاف د الاسباب اللي شجعو التصفية ديال الاستعمار بحال القطبية الثنائية، و عندنا بزاف ديال الامثلة على دول اللي حاربو الاستعمار منها طرق سلمية بحال الهند اللي طبقات أسلوب العصيان المدني بقيادة الزعيم غاندي، و أنغوليا اللي قاومات بشكل مسلح و الحزائر اللي فشلات فالوصول لحل بينها و بين فرنسا و دخلو فمقاومة مسلحة حتا هوما، و هنا بان لينا العالم الثالث و هو الدول اللي خصها تبني راسها من الاول مور الاستقلال اللي خدات طبعا كانو مطروحين عليها تحديات و مشاكل بحال ارتفاع عدد السكان و ارتفاع معدلات الأمية و الفقر و مشاكل الحدود الخ..

- هادي كانت خلاصة ديال الدرس، محتاج تفصيل كثر؟ تقدر تسولنا من هنا فتيليغرام: https://t.me/lesroisDBL

التاريخ الدرس 8: القضية الفلسطينية، جذور القضية و أشكال التمركز الصهيوني.

ف 1897م تعقد واحد المؤتمر سميتو مؤتمر بازل و هو اللي دار الأساس للدولة د إسرائيل حاليا، بحيث حط خطط و برامج و حط مؤسسات بحال الوكالة اليهودية لتنظيم الهجرة، موراها ف1917م قبل ماتسالي الحرب العالمية الأولى بشوية تم توقيع معاهدة بلفور بين البارون روتشيلد اللي كان الداعم الأول للدولة الاسرائيلية و وزير الخارجية البريطاني آرثر بلفور اللي واعدهم باش يعطيهوم أرض ففلسطين مقابل أنهم يعاونوه فالحرب، فعلا مور ماربحات بريطانيا اختفت الامبراطورية العثمانية، و فرضات بريطانيا انتداب على بعض الدول فالشرق الاوسط منها فلسطين بالتالي تحكمات فيها كيما بغات و قدرات توفي بالوعد ديالها لإسرائيل، شوية بشوية بدا التمركز فاسرائيل جراو على الفلاحين و اسثمرو فمشاريعهم الخاصة الخ..رد الفعل الفلسطسني كان متوقع و هو المقاومة اللي دازت من جوج مراحل، المرحلة الاولى كانت مقاومة عفوي غير منظمة، انا الثانية فكانت منظمة بحال الثورة الكبرى ف 1936م..

هادي كانت خلاصة ديال الدرس، محتاج تفصيل كثر؟ تقدر تسولنا من هنا فتيليغرام: https://t.me/lesroisDBL