Hamza Oukdach

السلام عليكم بغيت نهضر على وأحد الموضوع تاقسينا كاملين وغادي اتعصبو شي وحدين لي هو أن كرة القدم أفيون الشعوب
شحال وانا كانسمع هاد الكلمة ولكن ماكنتش كانديها فيها وماكانعطيهاش أهمية وماكنتش كانضن ان كرة القدم بهاد الخطورة وهي غير لعبة للتسلية والمتعة

شوف لي هادشي لي تايخصرو عليها زبالة ديال الفلوس هادشي ماشي غير فالمغرب باش مايهجمش عليا شي واحد هادشي تايمشي نتيجة تجارة اموال طائلة لي مكن ليك تصلح وترد دولة ديالك وتوليمن الدول المتقدمة وتايفضلو هادشي على حوايج أساسية (خامس عالميا فالكرةو تعليم و داكشي خلينا ساكتين) راه دولة الحبيبة ديالنا و دول العالم داير مخدر باش يسكتو شعب ديالهوم بعدا هدوك مجالات الاخرى مزيانين فيها ماشي بحال بلدنا الحبيب

باش تعرف قمة انحطاط داك مرة شباب خرجو كيدويو على حقوق ديالهوم تعرضوا الاعتقال و تخويف حيت كايطالب بأبسط الاشياء و لكن دولة الحبيبة عندها هدرة اخرى و باش تعرف تأثير ديال كرة القدم غا فديك الوقت خرج الشعب المغربي المثقف لي ماشي جاهل كيقولك بلي مابغيناش كأس إفريقيا تا تقاد البلاد دازت شوية كولشي خارج كيحيح تقولو شنو رابح يبقا يشوف فيك (مالك واش مباغيش بلادك تربح بغيتي تشفاو فينا العديان )

انا ماشي ضد كرة القدم انا من محبين ديالها كا رياضة و كا مشجع و لكن هنا فهاذ بلاد ولكن الا سقطناها على المواطن المغربي راه ماجاتش معانا لا بنى تحتية لا سبيطارات مكادين ودور الصفيح منتشر وبزاف التعليم ديك الميزانية كون كايخسروها على تعليم وصحة عاد تجي كورة تجي معاها اما نتا تفضل اسبقوا تيران راه كي والو هادشي ما كيدخلش الدماغ تقاد ليا تيرانات لي غا شي فئة قليلة لي غادي تستافد منها ديك 90 دقيقة باش يحط صطوري فأنستا و مخلي تعليم لي الى مقريتيش ولادك فالخصوصي ميقراوش هوما و طبيب الى ماكنتش عندك فلوس صحيحة غا موت فدارك أخاي العياشي و زلايجي

و تا الشعب المغربي المنبطح لهادشي و ساكت خليه الله يزيدو نشاء الله و لي ماعحباتوش هدرتي تفكر أخاي المغربي الحنين تفكر بلي ضريبة ديالك كتمشي الحبيبنا دياز لي بلا منهدرو على شحال كيشد لاعب ديال كورة المغربي وبلي نتا والله مغاديش تستافد من والو

انا عمري نكون ضد كورة كا رياضة انا من اشد المعجبين بيها أنا ضد تفضل على اشياء اخرى

اتمنى رساله ديالي تكون وصلات و نشاء الله يجيب لينا شي تخريجة من هاد زريبة راه غادي