simokassimi2

الصورة الاولى كانت من عام تقريباً، فاش لويس إنريكي كان كيدير شروحات لــ كيليان مبابي كيفاش يضغط بشكل صحيح وكيفاش خاصو يدير مجهود كبير فالدفاع!

قال ليه إنريكي: "أنت بصح ظاهرة فالعالم ديال الكرة، لكن هاد الشي ماش كافي. حيت القائد الحقيقي هو اللي كيقدر يساعد الفريق ماشي غير فالتسجيل، ولكن حتى فالدفاع، وفالأوقات اللي ما كتلعبش الهجوم، خاصك تكون أحسن لاعب كيدافع فالعالم!"

أما الصورة اللي تحت، فهي من الماتش الاخير ديال باريس سان جيرمان ضد ريال مدريد فـ كأس العالم للأندية، وشفنا فيها مبابي كيتمشى وكيخلي لاعب باريس يستلم الكرة بسهولة ويطلع بها للمساحة بدون ضغط!

هاد اللقطات هي اللي خلات إنريكي يقرر يستخلى على مبابي، ويجمع فريق مكون من لاعبين لي ماعندهمش مشكل وكيضحيوا من أجل الفريق، وكيضغطوا بلا توقف!

وعلى هادشي، إنريكي قال إن ديمبيلي يستحق الكرة الذهبية هاد العام ماشي غير حيت ساهم فـ 49 هدف مع باريس، ولكن حيت قدم مجهودات كبيرة فالدفاع، وفي نفس الوقت خلا صحابو يسجلوا أهداف بفضل التحركات ديالو في الملعب!🫶👏

#باريسسانجيرمان #انريكي #مبابي