Voyage maroc

اليوم جيت نهدر ليكم على أحسن تراجي درت فحياتي
Sardinia أكبر جزيرة في البحر الأبيض المتوسط ، ولي فيها غدي طلقا أجمل شواطئ أوربا .
أقل ما يقال عنها ( واعرة )، تستاهل و بجهد

( غدي نهدروا اليوم بشكل مجمل، و من بعد غدي نعطي أكثر من تراجي ممكن ديروا )
جزء 1

كيفاش تمشي لSardinia :
عندك جوج حلول إما طيارة و إما الباطو :
• طيارة إلى قدرتي تقطعها قبل غدي يكون أفضل، و إلى خليتي حتى شهر قبل ( مثلا ) عاد قطعتي غدي طلقاها غالية ( أنا قطعت 60€ A/R من فينيسيا، وملي قلبت فنفس رحلة بشهر قبل لقيت غير aller ب285€) .
• الباطو كيتعتبر أحسن خيار إلى قررتي حتال دقيقة 90 عاد تمشي، 15 اليوم قبل غدي طلقاه ب35€ ( بلا طوموبيل غير أنت بوحدك ) إلى تمشي فيه عندك جوج حلول، يا إما من genova و إما livourne ( سلبية ديال باطو هي الوقت، كيدير بيك نهار )

سكن في Sardinia :
• كاين جميع أنواع سكن، وغالباً إلى كنتي متريبي غدي دير camping، فأنا كانقول ليك راه فأي بلاصة و فأي مدينة غدي طلقا camping
• ناس لي مابغاوش camping استعملوا airbnb راه غدي طلقاو أثمنة مناسبة .

تنقل في Sardinia :
وهنا فين غدي نبين ليكم علاش أنا كنحماق على شي حاجة سميتها نتريبي فطليان .
• Sardinia فيها أربع مدن رئيسة و هما ( alghero فشمال الغربي ، olbia فشمال شرقي , sassari فشمال و cagliari في الجنوب ) بين هذه المدن كاين تران بنفس ثمن لي غدي طلقاه في أي بلاصة في طليان
• من غير هذه المدن كاين بزاااااف ميتشاف و كلهم كيدي ليهم car ( استعموا Google maps غدي يعطيكم كلشي )

المعيشة في Sardinia :
• نفس الأثمنة و نفس les supermarchés لي كينين في الأوروبا كاملة

غنحاول المرة جاية نحضر على كل بلاصة غدي تشوفها في الفيديو و كيفاش تمشي ليها

وشكراً

SE YOU