Ot trucker

لي عندو بيرمي C بوسكورة

لي باغي يدخل معانا كرووب لتبادل المعلومات حول مشاكل السائقين والتوظيف وأسماء الشركات مرحبا يحاط نمرتو نأجوطيه

نصيحة من عندي الا كنت مزال مبتدئ وبغيتي تخدم كسائق ضروري تبدا من الزيرو وتمشي درجة بدرجة،وتزعم وتصبر،المهم هو دير السبب وطبعا الأرزاق بيد الله ،حيت صعيب تبدا مع شركة كبيرة ولا يقبلوك من الوهلة الأولى إلا اذا كان عندك شي معرفة ولا فيزا،وحتا الى لقيتي شي شركة كتقبل غير بالسيڤي غادين يديروليك لاساي صعيب وضروري تكون ناضي ف 7،ولا يطلبو ليك الشيك،على العموم كاين هاد زوج شركات لي فالصورة كيخدمو فالمرصى طنجي ميد فعلا محتاجين وكيقبلو شيافر مبتدئين وحتا الحرايفية،والصالير كيتبدل على حسب شمن فئة نتا.بالنسبة ل SDFM كاينين فملوسة الا بغيتي تمشي عندهم ولكن ضروري تسنى نوبتك حيت غتلقى العشرات دافعين قبلك ولهذا صعيب عليهم يختاروك من الديبار ومن حقهم المهم هو انك تصبر حتى تمكن،وعندهم حتا الإيميل الا كنت بعيد [email protected] ولكن مانضمنش ليك أنهم يتاصلو بيك من خلال سيفي المهم نتا حاول وشوف،صالير مابين 4000 و4500 درهم وتوصل حتا ل 5000 الى جيتي عندهم كسائق ماشي مبتدئ،ومؤخراً خدموا معاهم حتى البنات.
وبالنسبة لشركة التانية لي معروفة ب RBN حسب معلوماتي انها مابقاتش،دابا كاينة SOMALEV باغيين شيافر إلى كنت مبتدئ هما غادي يعلموك ولكن تبدا معاهم ب 3500 درهم،واذا كنت شيفور كتسوق مزيان ما بين 4000 و 4500 درهم،مابقاوش فطنجة دبا عندهم البيرو ديالهم وسط المرصى،أحسن طريقة باش توصلهم شوف شي واحد خدام عندهم ولا أي واحد كيدخل تماك يوصلك السيڤي ديالك عندهم مكتب حدا السكانير القديم ديال لامبور (داخلة ديال ميد هوب)،وراه غادين يتاصلو بك،حتا هي شركة مزيانة حسب لسان صديق الصفحة.
وخلاصة القول البيبان مزال مفتوحين طول مانتا كتقلب،وهاد الشركات بزوج دازو معاهم المئات وأغلبهم ضبرو على روسهم كاين لي كيدير أنترناسيونال ووصل حتا روسيا الشرقية وكاين لي كيمشي لإنجلترا ،وهاد الضومين عندو مستقبل خير ان شاء الله حيت أوروبا عندهم خصاص كبيير فالسائقين ومؤخراً بداو يسهلو فالقوانين ويبسطو المساطر باش يستقطبو مزيد من السائقين والله المستعان

شي تفسير اخوان عندو مع اسبانيا يشرح لينا هاد الميساج،سكانيا