ASKsup

حجم ديال جمجمة كبيرة كيتطلب حوض أكبر - ديال إمرأة في الغالب 😂 - لتسهيل عملية الولادة. على اثر هدشي - و عوامل اخرى مرتبطة ب نظرية التطور ديلنا عبرالعصور- تحتمات علينا واحد الجمجمة ذات حجم صغير نوعا ما. و لكون المنطقة المسؤولة على مجموعة من الأنشطة المهمة كتمركز في الطبقة الخارجية ديال الدماغ ( بحال الإدراك والوعي والفكر والذاكرة ...) ف باش دماغنا يتطور، خاص يزيد ف مساحة السطح ديالو.
وهنا فين الأهمية ديال "الطيات" أو "التجعدات" لي مكنتنا اننا نتحايلو على الطبيعة، ونزيدو تقريبا ثلاثة أضعاف هاد المساحة دون زيادة في حجم الجمجمة. (ولي كتم ماشي اعتباطيا بل وفق صيغة رياضية دقيقة هدي تجبروها فالمراجع اسفله). ولي خلات أيضا للخلايا أن تكون أقرب إلى بعضها البعض، يعني زيادة ف سرعة الاتصال فيما بينها، و وقتً وطاقة أقل لنقل النبضات الكهربائية العصبية، وفالنهاية نجاعة و قوة أكبر في معالجة المعلومات.
صورة كيبانو فيها هاد "الطيات" بوضوح : https://bit.ly/2ydYi9c
-----------------------------
المراجع :
https://bit.ly/3ce0ufl
https://bit.ly/3efWw7T
https://bit.ly/2RBfbBv

شني هاد "كريسبر" بعداك ؟
للتبسيط هي واحد التقنية لي كتستعملها البكتيرية باش تدافع بها على راسها ضد واحد النوع ديال الفيروسات: الفيروسات البكتيرية. و هو كتكون من جزأين: إنزيم + دليل ديال الحمض النووي (ADN).

الدليل بحال الأرشيف ديلها، فيه ݣاع النسخ د ADN ديال الفيروسات البكتيرية لي سبقلها وهجموها. فإذا رجع هاجم شي واحد فيهم، الإنزيم لي مسمي “كاز 9 “ كيبطل هاد الهجوم بقطع جزء من الخبر الوراثي ادا مشى و تطابق مع المعطيلت ديال الدليل ديالنا.

والعلماء دابا باغين يطبقو نفس الفكرة على فيروسات الثدييات في خلايا الثدييات - بصيغة أخرى علينا حنا البشر- باش يصوبو مضادٍّ فيروسي قابل للبرمجة. مع العلم انه كيستعمل ايضا كوسيلة لتحسين و إصلاح الصفات الجينية، بواحد دقة كبيرة وبتكلفة ووقت صغارمقارنة مع الطرق الأخرى. (كيستعمل مثلا لتصميم اطفال محصنين ضد الأمراض الوراثية)

و بالفعل سبقلها وستعملات ف محاولة لإجاد العلاج لفيروسات كثار، منهم الإنفلونزا، هير ف هاد الحالة كيتم الاستعمال ديال " كاز 13 " واحد الانزيم آخر لي كيستعمل الحمض النووي الريبي (RNA) كدليل عوض ADN.
نفس الحاجة تطبقات تقريبا على فيروس كورونا في جامعة ستانفورد بكاليفورنيا، و انطلقو من نفس الفكرة لي لشرحنها سابقا : مهاجمة الفيروس عن طريق قطع بقعة من التركيب الجيني المسؤولة عن آليته لإختراق خلايا البشر و تكاثر ديالو تما. باستعمال دليل جيني كيجبروه المختصين باستعمال لوغرتميات الذكاء الاصطناعي (deep learning) ، لي كتخولوم يتعرف على الفيروس بسهولة و بشكل ادق.
(واحد المثال آخر لاستعمال الذكاء الاصطناعي : https://bit.ly/3bIM9Yj )

فبالرغم ان النتائج كانت مذهلة بززاف : %90 كمية الفيروس لي كان فالمحلول في الحالة الوهنة ديالو تم القضاء عليها، ولي حسب الخبراء كافيًة نظريا باش تقضي على الوبئ عند الإنسان، الا انه للأسف باقي كتعتبر مجرد ورقة بحثية أكثر من علاج طبي فعلي يمكن يتطبق في الواقع. حيت من جهة باقى متجربات على خلايا ديال شخص حي، و لا حتى مصاب بكورونا في الحالة الحقيقية ديالها، بالاضافة انه باقي كاين عجز في تحديد أفضل و أدق دليل جيني، حيت ادا مشات حتا متطبقاتش مزيان و بطريقة دقيقة، النتائج هتكون خايبة بزاف، لي كتمثل فخلق طفرات في الفيروس هتخليه يرجع اكتر مقاومة و شراسة مما كان عليه ف البداية.

-------------------------------------------------------------------------

كنرحبو بأي انتقاد او اقتراح سواء بخصوص المنشور او خدمة ASKsup هنا :
https://bit.ly/39HkkOm

المراجع :
https://bit.ly/3dJ7Ysu
https://bit.ly/2R16kIX